Notes

الله يسامحك ويهديك ترا لو تسمع المقطع كامل بتفهم وجهة النظر، وما سبيناه بالعكس الانتقاد جزء من النصيحة اللي نقدر نقدمها. اما بخصوص طول المقطع صدقني يحتاج الشخص يفصل في المقطع والموضوع بشكل دقيق، ومب ضار متابعين قناة "مودي الاسمر" بل العكس لان في هالمقطع نعرض انتقاد بهدف النقاش والحوار. واما بخصوص الاطفال و الاولى اننا ننتقد اللي حذرت منهم، فبإمكانك الاطلاع على قناتنا لاننا انتقدنا بعض المقالب السلبية ومن ضمنها مقلب مودي هذا اللي تسبب في مشكلة مع احدى زملائه كما ادعى انه كان فيه قولون. وبخصوص توجيه اللوم على الاباء بسبب تركهم امام الشاشات بدون رقابة، فهذي مهمه صعبة وانت عارف ان حلها مب بتوجيه اللوم للاباء لان هم ما يهتمون بالموضوع بشكل عميق. اما بخصوص التدقيق فلازم تعرف ان المشاهد له احترامه، وصاحب المحتوى مثلما يهتم بالترفيه والمدح فلازم يتحمل النقد عشان يطور نفسه في المستقبل فهدفنا مب ازدراء واستنقاص بل العكس. وممكن كلامك صحيح ان المشهور مب ملزوم ينفذ المطالب، لكن دوره يجب ان يكون صالح وايجابي اكثر من تأثيره السلبي مثلما يسوي مودي ومن هم على شاكلته حتى وإن كان ما يستغل احد! وما فيه اشد من استغلال الناس للاخرين في عمل المقالب في ظهورهم، علماً بأن في كل مقلب ننتقده نحاول اننا نحسن الظن ونقول يمكن المقلب تمثيل لكن هذا ما يمنع ان المشهور يراعي مواقفه امام المشاهدين. وبخصوص الافكار ومراسلة مودي يكون في علمك هو احد الاشخاص اللي حذف تعليقاتنا، علماً بأننا ما ذميناه وجيناه نبي نتناقش لعل نساعده في تطوير المحتوى. واما عن احصائية متابعينه فهذا بديهي بارك الله فيك، المحتوى اللي يقدمه مودي الاسمر محتوى اغلبية متابعينه من الاطفال والاناث، لانهم هم اللي يتعلقون بالمقالب والمحتويات الترفيهية اكثر من الحوار والنقاش والامور العقلانيه مثل المجتمع او السياسة. وبخصوص المدح في البداية والختام صدقني لا نزال نتمنى له ولمن هو مثله الخير، واكثر من ذا كله اننا نتمنى يكون فيه ناس من متابعينه يتناقشون معنا زيك الله يوفقك. واما قضية تدور متابعين ما اقول لك الا الله يسامحك، انا ما رحت جبت موضوع سري ولا رحت اتجسس عليه او افضحه لان الشخص جاهر بعمل سيء ولازم ينصح سواء بالتعليقات اللي يصر على حذفها او بالمقاطع ذي اللي ما يقدر يحذفها لعل تصل الصورة! واشكرك على تفاعلك واتمنى ما تشيل في خاطرك.