Notes

احمد و بدر و خالد اكفأ و افضل ٣ طلبة لقيادة جميع طلبة الصف الرابع الدراسي بالمدرسة و الكل يتمتع بشعبية تأهلهُ بأن يكون قائد للصف بعد التصويت.

احمد شخص معروف بالمدرسة بالتزامه و مساعدته للطلبة بواجبتهم و محبوب بين الاساتذة و سمعته الطيبة كفيلة بجعله الرئيس الجديد و لانه احمد يؤمن بالمبادئ القيمة و الكريمة قرر بأن يبدأ حملته الانتخابية بكل صدق و امانة و شرح برنامجه و اهدافه اللي ستساعد الطلبة و انتهى الامر.

( طبعاً اللي نفس احمد مساكين و طيبين و نسبتهم ١٪‏ بعالم السياسة.. عمرهم قصير و بسرعة يتم نسيانهم بين الناس او حتى تخوينهم و توجيه الاتهامات لهم حتى الناس يبتعدون عن هذا الشريف المصلح)


بدر قال انا لازم استغل جماعتي اللي بالمدرسة اللي يحملون نفس الاسم اللي بنهاية اسمي و نفس مذهبي و لو نصهم يصوتون لي راح افوز حتى من غير لا اوضح لهم اهدافي و فعلاً اشتغل بدر على هالشي و راح دواوينهم و انتهز عاطفتهم و كرمهم و استغل #علاقاته وياهم و بدر ذكي سوه روحه ( عاقل ) و فاهم و قعد يذم بكل شي و انه بيصلح كل شي حتى لو مافي شي 😅 و يحط طرق و يشرح خلص كلام العقل و رجع بالختام لاستغلال علاقاته (العاطفة) عطاهم شوي عبارات من الدين:
قال تعالى : ( وتعاونوا على البر والتقوى )
وقوله صلى الله عليه وسلم : ( المؤمن للمؤمن كالبنيان يشد بعضه بعضا وشبك بين أصابعه )
و بدر ذكي و ما سكت دش بسوالف الجماعة و قال:
احنا من (المذهب/القبيلة/العايله) الفلانية ما تبوني انا اخوكم اكون منكم و فيكم امثلكم هناك؟ ولي بغيتوا شي ابد بدوانيتي تحضرون و اسمع حق كل مطالبكم ؟ و ختمها بترجي و ان انا الحين برقبتكم و مشى و لانه بدر ذكي جداً حاط واحد اسمه " الصبي " بينهم و نقله كل الاخبار و صابت توقعات بدر و اللي اهي كالتالي:

الغالبية: انحرجوا يردونه لما كان قاعد جدامهم و برروا انفسهم بتصديق كلامه و حلفه و سووا لللي عليهم و الباجي على الله. ( غالباً حلفوا جدامه او قطوا عقلهم..الخ )

البعض: قال يا جماعة فكروا يمكن في احد ثاني يستاهل ،، اول ما تكلم ولا انهالت عليه الاتهامات يا الطماع تبي ترشح نفسك و توك تتكلم تبي تخرب على اخوك؟ و بعدين اهو منا و فينا ..الخ

طبعاً بدر عرف الجماعة اللي شككت فيه و ثاني قعدة له راح لهم بالاخص عشان يكمل دز السم بكلامه المعسول و يقتنعون ابـ بدر.

بدر مستانس و ضامن الفوز و مو خايف الا من خالد الخبيث حسب علمه !!


خالد سمعته زينه بين الناس لكن بنفس الوقت مو لدرجه انه يفوز بس عشان هالشي .. خالد كان عارف انه ما عنده الظهر اللي ممكن يرفعه نفس اللي عند بدر ،،[ (الظهر= اجندة)الظهر كلمة شريفة و طاهرة تنقال للشخص الكفو اللي ينشد الظهر فيه استحي الصقها بالسياسة!! لكن السياسة قذرة وصخت حتى الدين ما تبونها توصخ اجمل معتقداتنا لصالحها ؟ ]
فـ الاخ خالد قال ماكو الا اطيح خصومي و اطلع فضايحهم و انشرها بين ربعي و اروح حق الناس الوصخه و اهما يتكفلون بالباجي و الناس المغلفين و ينشرون بلاوي احمد و بدر بالاخص و من الصوب الثاني اشتغل خالد على حملته و اثبت شخصيته ولا كأنه مخطط حق شي ،، و اهو من تحت لي تحت يضرب بدر و يقول عنه عنصري و يستغل طائفته و يذم بأحمد على الخفيف و يقول انه ضعيف شخصية و ما عنده مقومات القيادة !!




ما يهم منو فاز !!

اللي يهم انه السياسة قذرة جداً و صعب تعرف منو بيساعدك!!! و مرات تنحط موقف خايس مثل انك تختار منو تبي ياكلك ما بين الاسد او الذيب !!! مثل خالد ولا بدر ؟؟