Notes

Isang araw ang hari ng Berbanya na nangangalang Don Fernando ay nagkaroon ng malubhang sakit dahil sa masamang panaginip. Nilalaman ng panaginip niya ay pinaslang ang kanyang bunsong anak at inuhulog sa balon. Sinabi naman ng isang medikong paham na ang makakapaggaling lamang sa kanyang sakit ay awit ng Ibong Adarna, ngunit makikita ito sa Piedras Platas sa bundok Tabor. Inutusan niya ang panganay na anak na si Don Pedro na hulihin ang Ibong Adarna, sapagkat ito'y nabigo at hindi muling nakabalik pa. Sunod niyang inutusan si Don Diego ang pangalawang anak at nabigo rin ito. Ang huli naman niyang inutusan ang bunsong anak na si Don Juan, siya ay nagwagi sa paghuli ng ibon at nailigtas niya ang dalawang nakakantandang kapatid na naging bato. Pabalik na sila sa berbanya nang pinagtaksilan ni Don Pedro at Don Diego ang bunsong kapatid, binugbog nila ito at iniwan sa daan. Noong nakauwi ang dalawang kapatid sa berbanya kasama ang Ibong Adarna pumunta na sila sa kanilang tatay, ngunit hindi ito umawit. Nakabalik naman si Don Juan sa berbanya dahil sa tulong ng isang ermitanyo sa kaniya. Pagkadating ni Don Juan agad naman umawit ang Ibong Adarna. Ang tatlong magkakapatid naman ay binabantayan ang ibong para hindi ito makaalis pero pinagtaksilan ulit ng dalawang nakakatandang kapatid ang bunso, pinakawalan nila ang Ibong Adarna. Natakot ang bunso na baka pagalitan ito ng kanilang tatay kaya ito ay tumakas hanggang siya ay makarating sa bundok Armenya. Sinundan naman siya ng dalawa niyang kapatid, nagtagpo sila sa isang balon at pinasok ito ni Don Juan. Nakita niya ang malaparaiso ang ganda, nakilala niya dito si Donya Juana at Prinsesa Leonora. Iniligtas niya ang dalawa sa mga tagapag-bantay na higante at serpyente. Lumabas sila ng balon pagkatapos, ngunit nakalimutan ni Prinsesa Leonora ang kaniyang singsing, bumalik naman si Don Juan para kunin ito. Pinutol ni Don Pedro ang lubid noong makarating siya sa ilalim ng balon. Sinabi naman ni Prinsesa Leonora sa alagang Lobo na iligtas si Don Juan at nagtagumpay ito. Nagtagpo si Don Juan at ang Ibong Adarna muli, inutusan niya ito na pumunta sa Reyno delos Cristales. Inabot siya ng isang buwan sa paglalakbay bago marating sa paliguan ni Maria Blanca, isa siya sa mga prinsesa doon at anak ng tusong hari na si Salermo. Maraming hinarap na pagsubok si Don Juan para lang mapasakanya si Maria Blanca, naisahan naman ng hari si Don Juan. Nang malaman ni Maria Blanca ang plano ng ama kaya tumakas ito kasama si Don Juan. Isinumpa ni Haring Salermo si Don Juan dahil nalaman ang ginawa ng anak, gumana ito at nalungkot si Maria Blanca kaya nagpanggap siya bilang emperatris na panauhin sa kasal nina Don Juan at Prinsesa Leonora. Gumawa ng paraan si Maria Blanca para maalala niya ang pinagsamahan nilang dalawa. Paglaon ay muling bumalik ang alaala ni Don Juan at humingi ng tawad. Ipinamana naman kay Don Diego at Prinsesa Leonora ang kaharian ng Berbanya samantalang si Don Juan at Maria Blanca naman ang namuno sa Reyno delos Cristales.