Notes

MAGANDANG ARAW SAINYONG LAHAT, NARITO AKO UPANG MAGBALITA TUNGKOL SA DISKRIMINASYON SA LGBTQ SA PILIPINAS. Base sa pahayag sa itaas, nakararanas ng bullying at diskriminasyon ang mga miyembro ng LGBTQ sa ating bansa. Ang diskriminasyon laban sa LGBTQ ay may mahabang kasaysayan at patuloy parin ang debate hanggang sa panahong ito kung karapatdapat ba na sila ay tanggapin. Makikita natin na sa sobrang lala ng diskriminasyon laban sa LGBTQ sa ibang bansa, may mga paaralan na hindi tumatanggap ng mga miyembro nito at mas pinahahalagahan ang mga hindi ka-miyembro imbis na itrato sila nang pantay-pantay. “Ang mga estudyanteng LGBT sa Pilipinas ay kadalasang target ng pangungutya at pati karahasan,” sabi ni Ryan Thoreson, isang fellow sa programang pangkarapatan ng LGBT sa Human Rights Watch. “At sa maraming beses, ang mga guro at administrador pa ang sumasali sa ganitong pagmamaltrato imbes na magsalita laban sa diskriminasyon at gawing lugar ang klasrum kung saan matututo ang lahat.” Napansin na ng mga mambabatas sa Pilipinas na isang problema ang pambubully sa sekundaryang paaralan at gumawa na sila ng mga importanteng hakbang para tugunan ito, ayon sa Human Rights Watch. Noong 2013, nagpasa ang Kongreso ng Pilipinas ng anti-bullying law at ang Kagawaran ng Edukasyon (o DepEd) ay naglabas din ng alituntuning nagbabawal sa pambubully na ayon sa oryentasyong sexual at identidad sa kasarian. Sa kampanya sa pagkapangulo noong 2016, hayagang nangondena si Rodrigo Duterte sa bullying at diskriminasyon sa mga LGBT.

“Nagpahayag noon ang Pangulong Duterte ng pagkontra sa bullying at diskriminasyon laban sa LGBT, at dapat na gawin niya ito ulit ngayon.”