Notes

Sa kasalukuyan, ang aming pamayanan ay labis na naaapektuhan ng mga isyu kaugnay ng pangangalaga sa kapaligiran, partikular na sa usapin ng pagtatapon ng basura. Ang sobrang dami ng mga insidente ng basura na itinatapon kahit saan ay nagdudulot ng malaking epekto sa aming pamayanan. Ang ilan sa mga residente ay walang sapat na kaalaman hinggil sa tamang pamamaraan ng pagtatapon ng basura kaya't kadalasan ay itinatapon na lamang ito kung saan-saan. Bilang tugon dito, ang aming barangay ay nagpapatupad ng iba't ibang mga hakbang upang linisin ang kapaligiran Isa sa mga kilos na isinasagawa ay ang pagbuo ng mga grupo na naglalayong linisin ang aming kapaligiran. Marami sa mga residente ang nagboluntaryo upang tumulong sa mga proyektong ito, anuman ang kanilang personal na mga dahilan Ang mga grupong ito ay nagsasagawa ng iba't ibang mga aktibidad tulad ng paglilinis ng maruruming kanal at lawa na naging tambakan ng basura ng ilang mga residente. Isa rin sa mga layunin nila ang regular na pagwawalis sa mga kalsada upang mapanatili ang kalinisan ng aming komunidad.Ang mga simpleng hakbang na ito, tulad ng pagtatapon ng basura sa tamang tapunan, ay napakahalaga sa pag-iwas sa polusyon at sa pangangalaga sa kalikasan. Sa pamamagitan ng pagtutulungan at pagtutok sa mga ganitong isyu, mayroon kaming pag-asa na maibabalik ang kaligtasan at kagandahan ng aming kapaligiran.