Notes

Nagsimba sina Maria at Tiya Isabel, at pagkatapos ay naghintay si Maria habang nanahi. Iminungkahi ni Tiya Isabel na magbakasyon sila sa San Diego, kung saan malapit na ang pista. Dumating si Ibarra, at nag-usap sila ni Maria sa asotea. Nagbalik-tanaw sila sa kanilang kabataan, at sinabi ni Ibarra na hindi siya nakakalimot kay Maria, kahit na sa ibang bansa. Ganun din si Maria, kahit pinayuhan siya ng kanyang padre kompesor na limutin si Ibarra.

Binasa ni Maria ang liham na iniwan sa kanya ni Ibarra bago siya umalis, kung saan sinabi ni Don Rafael na nais niyang pag-aralin si Ibarra upang maging kapaki-pakinabang sa bayan. Napatigil si Ibarra at sinabi na nalimutan niyang gampanan ang kanyang tungkulin dahil kay Maria. Dahil sa paparating na Undas, kailangan niyang umalis. Nagbigay si Maria ng bulaklak kay Ibarra at pinasa ang mensahe ni Kapitan Tiyago na ayusin ang kanilang bahay sa San Diego para sa bakasyon.

Pagkaalis ni Ibarra, pumasok si Maria sa kanyang silid at umiyak. Inutusan ni Kapitan Tiyago si Maria na magtulos ng kandila para sa kaligtasan ng mga manlalakbay.