Notes

Сайн уу Сүүгий? Сайхан наадсан уу?
Би чамайг сайхан наадсан байх гэдэгт их итгэлтэй байна.
Магадгүй чи намайг гайхаж байгаа байх...
Яагаад намайг өнгөрсөн хэдэн долоо хоногт огт бичээгүй байж байсан юм бэ?
Яагаад гэнэт өнөөдөр тэмдэглэл бичиж байгаа юм? гэж гайхаж магадгүй.
Яагаад гэдгийг нь би үнэнээр нь хэлбэл их л амиа хичээсэн сонсогдох байх л даа.
Яагаад гэвэл миний сэтгэл өнөөдөр маш их өвдөж байна.
Яг одоо би үүнийг бичиж байх үедээ согтуу байна.
Нүднээс минь нулимс урсаж, сэтгэл минь ямар их өвдөж байна гээч...
Би залбирсан. Гэвч би энд өөрийнхөө төлөө залбирсангүй ээ.
Би энд найзынхаа төлөө залбирч суусан.
Би ингэж залбирсан.
Бурхан минь Төгөлдөрт туслаач. Түүнийг битгий салгаач гэж залбирсан.
Би Төгөлдөрийг үргэлж бахархаж найз нартаа үргэлж магтаж ярьдаг байсан.
Тэр хүн бол эмэгтэй хүний тал дээр Мастер.
Түүний араас бүх эмэгтэйчүүд гүйдэг гэх мэтээр ярьдаг байсан.
Гэвч тэр найз минь өнөөдөр салах гэж байгааг нь би сонслоо.
Сэтгэл минь ямар их өвдөж байна гээч. Бурхан минь түүнд туслаач.
Магадгүй тэр миний гаргасан алдааг давтах гэж байх вий дээ.
Түүнд туслаач. Түүний эхнэрт бас хүүхдэд нь туслаач гэж залбирсан.

Би одоогоос нэг жилийн өмнө хэрхэн яаж залбирдаг юм бэ? гэж асуун олон Христийн сүмд очиж үзсэн.
Нэг сүмд нь нэгээс олон удаа очиж үзээгүй. Учир нь би тэнд, нэг удаа Библийг бүтэн уншсан хүн нэгийг ч олж байгаагүй.
Миний харсан хүмүүс ийм байсан...
Хэрвээ би энэ сүмд гайгүй удаан явбал намайг гадаад руу явуулах болов уу?
Би энд гайгүй удаан яваад байвал үнэгүй комьпютер, гар утас өгнө.
Гэр оронгүй хүмүүсийг хонуулж, хоол хүнс өгнө.
Их сургуулийн сургалтын төлбөрийг минь төлж өгөх байх гэсэн хүмүүс л тэнд байсан.
Харин би тэдгээр сүмүүдэд Библийг уншчихаад, яаж залбирдаг юм бэ? гэж асуух гэж очиж байсан.
Харин би өнөөдөр яаж залбирдагийг нь мэддэг болсоон.
Амьдрал минь асуудалд орж, болохоо байхаар л би Бурханыг санаж асуудлыг минь шийдээд өгөөч гэж гуйж залбирдаггүй юм байна аа.
Жинхэнэ залбирал бол баярлалаа гэж хэлэх гэж залбирдаг юм байна аа гэдгийг ойлгосон.
Би баярлалаа гэж хэлэх гэж их залбирдаг болсон.
Бурхан минь намайг үнэнч хайртай учруулсанд баярлалаа.
Хэдийгээр би алдаа гаргаж алдсан ч гэсэн хайр гэж юу байдаг юу бэ? гэдгийг ойлгодог болсоон.
Баярлалаа.
Намайг үнэнч хайртай учруулсанд баярлалаа.
Амьдралд минь тулгарсан асуудал болгонд баярлалаа.
Учир нь би асуудлыг шийдэх гэж оролдох болгондоо илүү дээр хүн болж хувирсан.
Баярлалаа.
Өглөө сэрээд би амьд байна гэж баярладаг. Надад алдаагаа засах дахиад нэг хоногийн боломж олгосонд баярлалаа.
Намайг илүү том болгож, илүү олон зүйлсийг үзэхэд минь замыг минь зааж өгж байгаад баярлалаа.
Зүгээр л би өглөө сэрээд амьд байна.
Үүнд баярлалаа.
Амьдралд минь тааралдсан хүн бүрт баярлалаа.
Гудамжны архичин ч байсан гэсэн баярлалаа.
Би энэ хүний оронд байж болох байсан шүү гэдгийг харуулсан.
Амьдралд минь тааралдсан хүн бүр миний аялалын замд тааралдсан хүмүүс байсан.
Тэр дундаа Сүүгийд баярлалаа.
Тэр хүн миний амьдралыг өөрчилсөн.
Баярлалаа гэж залбирдаг.
Би чамд ямар их баярлаж явдаг вэ? гэдгийг бурхан мэднэ.
Үүнийг хэн ч намайг хий гэж хүчлээгүй.
Би өөрөө зүгээр л чамайг хайрлахыг хүссэн.
Үүний үр дүнд миний дотор энх тайван гэдэг зүйл тогтсон.
Үүнийг бий болгож чадах ганцхан хүн нь би өөрөө байсан.
Энэ бүх зүйлийг би чиний тусламжтайгаар хийж чадсан.
Би үнэхээр өөрчлөгдөж чадсан.
Чи намайг өөрчлөгд гэж хэлсэн болохоор биш.
Би чиний төлөө өөрөө, өөрийгөө өөрчлөхийг хүссэн болохоор би өөрчлөгдөж чадсан.
Энэ бол баярлах ёстой зүйл. Үгүй гэж үү? Ганцхан үүний төлөө л баярлалаа гэж залбирахад хангалттай.
Би баярлалаа гэдэг хүн болж хувирсан.

Чамд баярлалаа.