Notes

Сайн уу?
Өнгөрсөн хэд хоногт сонгууль гээд их л завгүй ажилласан байх.
Ядарч байгаа болов уу? гэж хааяа боддог л байлаа.
Бодох зүйл их л байгаа болов уу? анхаарлыг нь сарьнуулаад яах юм гэж бодоод нэг ч удаа мессеж бичсэнгүй.
Өчигдөр орой сонгуулийн дүн гарч байх үед ээжийн минь санаа их зовсон.
Учир нь ээж минь АН ялаасай гэж хүсэж байсан юм.
Сөрөг хүчин ч байхгүй нэг намын давамгайлал болох нь гээд их сөрөг энерги ялгаруулж байсан.
Би ээжийн биед санаа зовсон.
Ээж та яг одоо их сөрөг энерги ялгаруулж байна. Энэ бол таны биед их муу та өөрөө мэдэж байгаа шүү дээ.
Хэрвээ та үүнийг хараад тайван байж чадахгүй байгаа бол битгий үз.
Өөр таныг инээлгэх кино эсвэл хошин шог үз гэж хэлсэн.
Ээж минь сөрөг бодол бол бүх өвчний эх үндэс нь гэдгийг ойлгодог болсон.
Энергийн эмчилгээ, хийн дасгал хийдэг болсон. Би ч бас үүнд нь их баярлаж байгаа.
Ээжийн минь биологийн нас нь 20 насаар залуу байна гэж гарсан.
Энэ бол энергийн эмчилгээ, дасгал хийдэг болсоных нь үр дүн.
Үзсэн эмч нь та юу хэрэглээд байна аа?
Та яаж ийм залуу байна аа? гэж асууж байсан.
Гэтэл өчигдөр орой ээж минь их таагүй байлаа.
Суваг сольж байтал нэг суваг дээр би ээжтэй хамт үзэж байсан сонгодог урлагийн тоглолт гарч байсан.
Ээж энд бид 2-н үзсэн сонгодог урлагийн тоглолт гарч байна, үүнийг үзэх үү? гэж асуусан.
Ээж минь сонгодог урлагт дуртай учраас түүнийг үзэж байгаад унтсан.
Дараа нь би орон дотроо унтаж чадалгүй их удаан хөрвөөж хэвтлээ.
Учир нь би чамд санаа их зовсон.
Яагаад гэвэл би МАХН-ы санал их доогуур байгааг нь харсан юм.
Сүүгийгийн сэтгэл санаа ямар байгаа бол... гэж бодон унтаж чадсангүй.
Өнөөдөр би чамаас энэ асуултыг асуумаар байна.
How are you?
Are you ok?

Би чамайг одоо яг ямар байгааг мэдэхгүй болохоор юу гэж бичихээ сайн мэдэхгүй л юм.
Хүчтэй байгаарай, итгэл найдвараа битгий алдаарай.