Notes
Notes - notes.io |
تلك الغرفة التى لا توجد بها حياة ولكنها تملك أدوات تقول انك مازلت على قيد الحياة
تلك الغرفة الصغيرة التى تتجرد فيها من كل شئ الملابس الخواتم الهاتف حتى الناس و تبقي بين يدي الطبيب هو من يملك كل شئ حتى مواعيد الطعام و نوعه
فى تلك الغرفة الصغيرة يتبقي لك أحلامك و أفكارك
العناية المركزة .. يناير 2016
مشهد ١
بحاول امارس رياضة و قررت انى اجرى حولين سور الكليه الحربية بدل ما اروح الجيم و مصاريف ع الفاضى لأنى بنتظم اول اسبوع و من الأسبوع التانى بنتظم في قعدة البيت.
قولت اهو الجرى و المشي رياضة و مش مكلفة و لما هابطل مش هاحس بتأنيب الضمير .
ماشي في حالى و بسمع إمنيم صديقى اللى مايعرفنيش بس بحب اسمعه وقت الرياضة.
اثبت مكانك و طلع اللى معاك، قالها لى واحد في ايده سلاح و على ما استوعبت الموقف جه واحد ورايا و معاه سلاح!!
قررت اتكلم معاهم و اكسب وقت على ما اى حد يعدى و ينقذنى .. بس انا مش معايا حاجه! حتى امينيم اللى كنت فاكره صاحبي تخلى عنى..!
هات موبيلك و الساعه و اى فلوس معاك احسن لك ما احنا كده كده هانقلبك خلص بدل ما تتأذى و برضو هاتتقلب.
انقذنى الممرض .. ميعاد قياس الضغط و السكر، خلص الممرض مهمتة الدوريه و سبنى ، قررت ارجع تانى اكمل جرى عند الكلية الحربية بس المره دى كان معايا صاعق كهربي و كنت خططت هاعمل ايه معاهم.
الحقنى يا باشا !! قولتها بصوت عالى، الأتنين بصوا ناحية ما كنت بشاور واحد اخد جرعة كهرباء و التانى اخد لكمه من الصاعق و انا كملت جرى بس المره دى ناحية البيت مش حولين الكلية الحربية.
و انا بجرو كان مسيطر عليا فكرة واحده بس .. جولدز چيم..!
مشهد ٢
مؤتمر صحفى
كاميرات .. ميكرفونات .. صحفيين
بسلم على فلورنتينو بيريز "رئيس نادي ريال مدريد" و ماسك تيشرت النادى عليه رقم ٢٥ و مكتوب عليه أسمى .. مبسوط جدا، حلم حياتى العب للنادى الملكى.
اول تمرين كان فيه ترحيب كبير كرستيانو و مودرتش و مارسيلو و راموس كلهم فرحانين و بيتمنوا لى حظ سعيد .. و امنيتهم اتحققت !!
مع كل مبارة كنت بجيب جول او اتنين و اساعد كرستيانو يجيب جول و الجماهير دايما بتهتف بأسمى و فرحانين و انا وعدتهم ان الفرحه دى عمرها ما هاتغيب.
كنت عند وعدى و و هزمنا برشلونه و جيبت فيهم جول و حققنا دورى و كأس و بنلعب في دورى ابطال اوروبا و انا على وعدى و وصلنا للنهائى و العالم كله هايشوف الفرعون المصرى و هو بيحقق الثلاثية في اقوى دورى في العالم.
المبارة النهائية ريال مدريد و بايرن ميونخ.
تحضير قوى تدريبات يومية استعداد للمباراة نزلنا للإحماء و الجماهير بتهتف بأسمي و بتطلب الكأس.
دخلنا الغرفة .. قبل المباراة بدقائق الممرضة بتصحيني !!!!!
ميعاد جرعة الإنسولين و العشاء ..!!
طب تليفزيون أتفرج حتى على الماتش مش لازم ألعب
مشهد ٣
روحت سوق السيارات بالحي العاشر أتفرج على العربيات، يوم بحاله بدور و اقلب في العربيات.
العربيات كلها خارجه من محطة الغسيل عربيات كتير و تجار اكتر كل واحد معاه عربيتين تلاته نازل يبعهم و يكسب فيهم، عجبتنى عربية رينو كليو "حالتها كويسه" قالها لى خبير فحص العربيات اللى كان معايا و بعد مناهده و فصال كتبنا العقد الأبتدائى على مايخلص الاجراءات الروتنية في المواقف اللى زى دى اخدت العربية و مشيت فرحان بيها.
بعدها بكام يوم اخد العربية محطة بنزين اغسلها و لما رفعتها اتصدمت !!!! العربية كانت عامله حادثه و غيرت جزء من الشاسيه "ربع قدمانى" اتصلت بالراجل رد عليا لسه بقوله انا اشتريت منك الكليو من اسبوعين قفل السكة و تقريبا رمى الخط و باع الموبيل .. ابن الـ ....
كلمت خبير الموبيلات اللى كان معايا "لأنه طلع مابيفهمش في العربيات" قالى تعالا نروحله السوق، يلا بينا.
ميعاد جرعة الإنسولين و الغداء .. و ده وقته يا ستى انا مش جعان اصلا، الممرضه استغربت قالتلى في حاجه ؟! عندى مشوار مهم و عطلتيني، الممرضه ادتني الإنسولين و حطت الأكل و مشيت و هى مندهشه و تقريبا بتقول جواها "الراجل شكله لسع من قعدت المستشفى!!" مش مهم هاكل و اروحله بكره الصبح، بالليل رتبت افكارى و حطت خطتى.
روحت انا و ستيف جوبز السوق، ساعتين بنلف لحد مالاقينا التاجر ساعتها الخبير اللى معايا استعد علشان يدخل فيه شمال، مسكته من إيده و قولته استنى.
قعدنا هناك لأخر اليوم و مشينا وراه لحد ماوصل معرض عربيات قولت بس كده تمام، طبعا الخبير مش فاهم حاجه و كل شويه يسألنى.
بالليل بعد ما قفل و اطمن على العربيات اللى واقفه قدام المعرض قولت لصاحبي انزل .. في ايه انت اتجننت؟! بقولك انزل.
ربطت الحزام كويس .. حددت اتجاهى عربيه مرسيدس و فولكس باسات .. الموتور صرخ من دواسة البنزين رفعت رجلى من الدبرياج و العجل راح مصفر و خبطت العربيتين، سامحيني يا كليو!! و اخر نفس كان فاضل فيها خبطتهم تانى، المهم خلصت و العربيتين محتاجين ربعين و كبوت.
التاجر شاف المنظر من البلكون صرخ و نازل تقريبا كده ناوى يقتلنى "ده على افضل تقدير" جيت افتح الباب علشان اجرى مابيتفتحش و العربيه طبعا حتى الكلاكس مش شغال فيها.
ميعاد الفطار حضرتك ممكن دلوقتى ولا مش جعان؟
يااااه دا انتى انقذتينى .. والله لتفطرى معايا
مشهد ٤
موبيلى بيرن !! مين اللى بيتصل دلوقتى ان مش مستنى تليفونات الوقت ده، بصيت في الموبيل لاقيت أيمن بهجت قمر.
ميييييين ؟!!! طب إزاى و متسجل كمان عندى؟
أنا: ألو
أيمن: حبيبي أزيك عامل ايه هو انا صحيتك
أنا: أنا صاحى بس عينى بتشوف حاجات غريبة و ودانى كمان
أيمن: بطل هزار .. عدى عليا في البيت دلوقتى حالا، عندى ليك حاجه حلوة
أنا: انت متأكد يا أستاذ أيمن؟!
أيمن: متأكد !! و أستاذ !! مخك شكله راح .. يلا يا جدع بقي انجز انا مستنيك
أنا: طب العنوا.......
قفل السكه !! طب اروحه فين طب لو اتصلت بيه اسأله على العنوان مش بعيد يدينى عنوان السرايا الصفراء و يسلمنى تسليم اهالى بحكم انى اتجننت و مش فاكر بيته .. طب انا هاقوم ألبس هدومى و ربنا يسهل.
أنت رايح فين الحركة خطر عليك .. الممرضه الجديدة بترجعنى على السرير، معلش أيمن بهجت قمر مستنينى و لازم اروحله.
حضرتك الساعه ٤ الفجر و ده ميعاد دواء الاعصاب و كمان اكيد ايمن نايم دلوقتى، زعقت فيها قولتلها ده لسه قافل معايا و بوريها ريموت السرير على انه الموبيل، الممرضه جريت على دكتور العناية المركزه و سمعتها بتقول مهدئ اعصاب.
يهمك فى ايه اموت ولا اعيش
ده كلام ملكش تسألني فيه
وهتقولي ايه ده اللي بيتغير اكيد بيبان عليه
مين اللي قدامي دا واحد معرفوش
مابقيتش اخاف عليه اسيبه او اجرحه
عشاق كتير اتقابلوا عادي ماكملوش
واهو كل واحد يعمل اللى يريحه
يلا يا فنان سمعنى صوتك .. مبدأياً انا مش فاكر قابلت ايمن فين و ازاى بس الحقنة الزقت اللى اخدتها هى اللى ودتنى.
قولت لأيمن هو انت كويس؟ انا اعرف ممرضه بتدى حقن كويس.
يلا يابنى احنا ماقدمناش وقت شم النسيم قرب و انت وعدت جمهورك، لا لا طالما فيها جمهور يبقي لازم هشتغل بجد.
يوم الحفله ايمن كان معايا فى الاوضه بقوله انا حاسس انى اول مره هاغني "انا اصلا اول مره في حياتى اغنى" قالى ماتخفش هاتكسر الدنيا زى السنه اللى فاتت، ابتسمت و قولتله انا واثق ان الدنيا هاتتكسر بس انت خليك بعيد، واحد يتأذى احسن من أتنين.
١٠ دقائق و نبقى على المسرح يا فنان .. أخرس يا عم ماتفكرنيش
ببص في موبيلى و برفع وشي لاقيت عمرو دياب واقف قدامى !!!!! بص يا باشا انا كنت بدور على اسمك في موبيلى ماهو طالما ايمن بهجت قمر متسجل عندى مش بعيد الاقي رقمك و رقم عمار الشريعى كمان!!
قالى كلمة واحده .. انا جاى النهاردة اسمعك
جاى تسمعنى؟!!!
طب معلش ممكن رقم موبيلك علشان لسه مغير الموبيل و الأرقام اتمسحت
تمت
٢٧/٥/٢٠١٦
|
|
Notes is a web-based application for online taking notes. You can take your notes and share with others people. If you like taking long notes, notes.io is designed for you. To date, over 8,000,000,000+ notes created and continuing...
With notes.io;
- * You can take a note from anywhere and any device with internet connection.
- * You can share the notes in social platforms (YouTube, Facebook, Twitter, instagram etc.).
- * You can quickly share your contents without website, blog and e-mail.
- * You don't need to create any Account to share a note. As you wish you can use quick, easy and best shortened notes with sms, websites, e-mail, or messaging services (WhatsApp, iMessage, Telegram, Signal).
- * Notes.io has fabulous infrastructure design for a short link and allows you to share the note as an easy and understandable link.
Fast: Notes.io is built for speed and performance. You can take a notes quickly and browse your archive.
Easy: Notes.io doesn’t require installation. Just write and share note!
Short: Notes.io’s url just 8 character. You’ll get shorten link of your note when you want to share. (Ex: notes.io/q )
Free: Notes.io works for 14 years and has been free since the day it was started.
You immediately create your first note and start sharing with the ones you wish. If you want to contact us, you can use the following communication channels;
Email: [email protected]
Twitter: http://twitter.com/notesio
Instagram: http://instagram.com/notes.io
Facebook: http://facebook.com/notesio
Regards;
Notes.io Team
