Notes
Notes - notes.io |
سيداتى انساتى شبابى وشاباتى مساء الخير بنرحب بيكم ف اجتماع الشباب ويارب تكون الفقرات عجبتكم ودلوقتى شبابنا وشاباتنا نلتقى باسكتش مجلس العداله. استمتعو
المشهد الاول . ف سوبر ماركت ويقف فران بيصنع خبز
يعدى صاحب الوزة .. صباح الخير يافران
الفران . صباح النور ياخويا خير
صاحب الوزة . انا كنت عايز احمر الوزة الى معايا دى
الفران . ومالو
صاحب الوزة . طيب اجيلك امتا تكون خلصت
الفران .بعد ساعتين كويس
ص الوزه طيب تمام اشوفك بعد ساعتين
الفران .سلام
القاضى . يدخل السوبر ماركت
الفران . ياسيادة القاضى ياسيادة القاضى
ينظر القاضى الى الفران .. مين الفران ازيك
الفران . اؤمرنى يباشا عايز حاجه
القاضى . صدقنى المدام حامل وجاى اشوف حاجه ف السوبر ماركت انت معندكش حاجه
الفران.. عندى وزة تستاهل بؤك بس للاسف دى بتاعت زبون
القاضى .. طيب هاتها
الفران . ولما صاحبها يسال عليها اقول ايه
القاضى .. قوله اى حاجه
الفران.. ازاى يعنى اقولو اى حاجه دة ممكن ينفخنى ياباشا
القاضى .. قولو مرديتش تدخل الفرن وروحت
الفران .. هو دا كلام يتصدق ياسيادة القاضى
القاضى .. قله ماتت
الفران .. ماهو جايبها مدبوحه
القاضى .. قلو طارت
الفران .. طارت ازاى وهى ف الفرن
القاضى .. ملكش دعوه قلو كدة وبس
الفران . ولما يتخانق معايا اعمل ايه
القاضى .. بعد مايضربك هاتهولى
الفران . حاضر ياسيادة القاضى
يخرج القاضى ويدخل صاحب الوزة
ص الوزة .. ها الوزة اتحمرت
الفران .. اتحمرت ع الاخر لدرجه انها مستحملتش حرارة الفرن وطارت
ص الوزة .. ايه الظرف دا مش مهم هات الوزه
الفران ..بقلك طارت من الحرارة هربت ومحدش قدر يسيطر عليها
ص الوزة .. ازاى الكلام الى بتقوله دا انت مجنون
الفران .. اهو دا الى حصل
المشهد التانى. المحكمه
يدخل صاحب الوزة وهو ماسك الفران ومعاه مجموعه ناس يدخل القاضى ويجلس على الكرسى ويضرب بالمطرقه
القاضى .. سكوت
الفران.. الراجل دا بيقول انى حرامى
القاضى .. مين فيهم
الفران .. الراجل دا بيقول عليا انى سرقت وزته
القاضى .. انت تعالى هنا
ص .. حاضر يافندم
القاضى .. انت مين
ص. انا صاحب الوزة
القاضى .. كان عندك وزه
ص . ايوه ياسيادة القاضى وخدها منى الفران وحطها ف صنيه ودخلها الفرن قدام عينى روحت مشوار ورجعت جيت اطلبها منو مرديش يديهانى
القاضى . قلك ايه
ص . كلام ميتعقلش ياسيادة القاضى طبعا بيتحجج علشان ميدينيش الوزه
القاضى.. انت هنحكى ف المحكى وتزيد ف الكلام قول الكلام بالظبط
ص . قالى انها طارت انت تصدق حاجه زى دى يا سيادة القاضى
القاضى . ايه دا هو انت مش مصدق
ص .. لا طبعا
القاضى .. هل انت مؤمن بوجود الله
ص .. طبعا مؤمن بوجود الله
القاضى .. وهو ربنا مش يقدر يقيم ميت
ص . طبعا يقدر بس
القاضى .. مفيش بس اما انت مؤمن بقدرة ربنا خلاص ياخويا حلت عليك اللعنه دلوقتى
ص الوزة .. انا مؤمن بربنا
القاضى .. يبقا اعترف ان ربنا يقدر يخلى الوزة تطير وهى ف الفرن
ص .. يقدر بس
القاضى .. اسمع هى كلمه واحدا يقدر ولا لا
ص . يقدر
القاضى انتهينا
ص . لكن ياسيادة القاضى الوزة دى الى كنت هاكلها انا وعيالى انا ماكلتش لحمه من العيد الى فات مين هيدفعلى تمنها بس. هو دا يرضى ربنا ان الوزة تطير واموت انا من الجوع انا والعيال
القاضى .. يبنى دى حاجه ف ايد ربنا مش ف ايد الفران
ص .. سبحان الله وثمن الوزه من المسئول عنه مش الفران الى اخد الوزه من ايدى دى
القاضى .. انت بتطلب من الفران ثمن الوزه
ص . لو مش هطلبها منو هطلبها من مين بس
القاضى .. خليك منطقى هو الفران بايده يطير الوزه وهى ف الفرن ولا مش بايدو
ص .. صدقنى ياسيادة القاضى انا محتار
القاضى .. متلفش وتدور اتكلم بالعقل هو الفران يقدر يخلى الوزة تطير وهى ف الفرن
ص.. لا
القاضى .. ومين الى يقدر يخليها تطير
ص . ربنا
للقاضى ... دلوقتى لما الفران ميقدرش يطيرها ازاى بتطلب ثمنها منه
ص .. ها ها. مش عارف
القاضى ... اسمع المحكمه هتخفف عليك الحكم علشان ظروفك النفسيه
ص .. ايه حكم حكم ايه ياسيادة القاضى
القاضى .. انت مش اتهمت الفران انه سرق وزتك واتهامك طلع باطل
ص .. ده حرامى ياسيادة القاضى
القاضى .. حكمة المحكمة حضوريا بتغريم المتهم 20 دولار غرامه والزمته المصاريف
ص .. انا وهو طيب
القاضى .. الفران براءه
ص .. ياعالم حرام دانا صاحب الحق وادفع غرامه وزتى تتسرق وادفع غرامه والحرامى يطلع برئ
الفران ... سامع ياسيادة القاضى قلة الادب وبيقول حرامى
القاضى .. لصاحب الوزة. عيب كدة تشتم الناس هحبسك
الفران ... بعد اذنك يا سيدى القاضى انا عايز ادافع عن نفسي واثبت حقوقى
القاضى ... اتفضل
الفران ... لصاحب الوزة قلى انت من امتا والوزه كانت عندك
ص طول عمرها كانت بتاعتى
الفران .. وقبل ماتكون بتاعتك كانت فين
ص .. كانت ف البيضه
الفران ... والبيضه كانت بتاعت مين
ص .. كانت بتاعتى بردك
الفران .. والبيضه جات من فين
ص . من الوزة الى باضتها
الفران... والوزة الام دى جات من فين
ص. كانت عندى مع الكتاكيت وربيتها بنفسى ف الباك يارد
الفران .. وقبل ماتربيها كانت ايه
ص.. كانت بيضه طبعا
الفران وام البيضه دى
ص... وزه تانيا
الفران .. والوزة التانيا فين
ص. انهى وزه تانيا
الفران .. الجده
ص .. جدة
الفران ...
ايوه الى باضت البيضه الى خرجت منها الوزة الىباضت البيضه الى خرجت منها الوزة سبب المشكله
ص.... يلتفت الى القاضى. ياسيادة القاضى
ايه دخل كل دا بموضوع وزتى
القاضى .. دا جوهر الموضوع. علشان نثبت حق الفران
ص ... حقه ف ايه غريبه دى
القاضى .. بطل لف ودوران جاوب على سؤاله
ص .. هو ايه الموضوع بالظبط
القاضى .. وبعدين معاك انت دلوقتى قدام محكمه عايز توصل لحل عادل سيب الفران يتكلم براحته علشان يثبت حقه
الفران ... شفت ياسيادة القاضى شفت الظلم والاضطهاد
القاضى .. سيبك منه اتكلم احنا كلنا سامعينك
الفران ... الوزه الجدة الى باضت البيضه الى خرجت منها الوزة الى باضت البيضه الى طلعت منها الوزة الرئيسيه اساس المشكله كانت بتاعتى
القاضى ... سمعت. لصاحب الوزة
ص.. ايه الكلام دا
القاضى ... الكلام واضح زى الشمس
ص .. وزة جدة دى حاجه تضحك طيب والوزة الام ايه نظامها
القاضى .. الام مش مهم المهم الجدة لانها الاصل
ص . وايه دليله على ان الجدة كانت بتاعته
القاضى .. وايه دليلك انت ان الجدة مش بتاعته
ص.. وايه فايدة الحوار الى انتو عاملينو دة كلو اذا كان كل اجيال بيض الى خرج منها الوزه بتاعتى
القاضى ... تقر بكدا تقر بان كل اجيال البيض لغاية البيضه الى طلع منها الوزه بتاعتك بس خلى بالك لو طلع اقرارك كذب هطبق عليك عقوبة الشهادة الزور
ص... انت تقصد ايه بكل الاجيال
القاضى ... كل الاجيال يعنى كل الاجيال الكلام واضح
ص.. انت تقصد بكلامك دة اول وزة اتخلقت وادم لقاها ورباها ومرضيش يدبحها وكده
القاضى .. انت بتهزر ف المحكمه
الفران .. اتفرج ياسيادة القاضى مابيحلالوش الهزار غير ف المحكمه
القاضى ... اسمع يا .. انا هعتبر كلامك دة تهرب وعجز قدام ادلة الفران الواضحه
ص... ممكن تسمحولى بسؤال. بكل احترام. انتو عايزين منى ايه
الفران ... رد شرفى
القاضى .. اهو قلك اهو
ص... واردلك شرفك ازاى يعنى
الفران .. اعترف ان ليا حق عندك
ص... حق انهى حق دا
القاضى ... انت مش قلت انه سرق وزتك
ص.. ايوة قلت وهفضل اقول وانت حكمت عليا ب20 دولار غرامه عايزين ايه تانى اكتر من كده
الفران. ... دا مصر ياسيادة القاضى مصر على اتهامه ليا
القاضى .. خليه مصر براحته كفاية ان المحكمه برائتك انت وصدقت على اقوالك ولم تلتفت لاقواله وحكمت عليه المحكمه ب20 دولار غرامه لانه افرى عليك ودلوقتى اتفضل امشي يافران وانت رافع راسك معزز مكرم
الفران ... شكرا ياسيادة القاضى يحيا العدل يحيا العدل
ص... ارحمنى يارب حقى عندك ويخرج
وهنا الفران يحاول الذهاب ولكن جماعه من الناس ف اخر الجلسه تصيح
الناس .. متسبهوش يمشى ياسيادة القاضى
القاضى .مين دول
الناس .. الفران اعتدى علينا كلنا
القاضى .. اذاى دة
احد الناس معصوب العين يتقدم ويقف امام القاضى
المعصوب .. انا هحكيلك الى حصل ياسيادة القاضى
القاض... اتكلم باختصار
المعصوب .. كنت داخل اشترى حاجه من السوبر ماركت
القاض .. وايه الى حصل بعد كده
المعص... لما دخلت لقيت خناقه بين الفران وصاحب الوزه
القاض. .. ملكش دعوه بالوزه
المعصوب .. طبعا مليش دعوه بس انا الى شفتو خناقه بين الاتنين بالرجل والايد وكانت ظيطه ياسيادة القاضى قلت احوش بينهم واكسب ثواب لقيت الفران بيقلى امشى من هنا فضربنى على عينى صفالى عينى
القاضى .. وهى حبكت تدخل وتحوش ماتخليك ف حالك
المعصوب .. كنت عايز امنع المشكله
القاض .. انت مسمعتش المثل الى بيقول ياداخل بين البصله وقشرتها ماينوبك الا صنتها
المعصوب .. الفران فقعلى عينى وكان قاصد وانا معملتلوش حاجه
القاض.. العين دى باظت خالص
المعصوب .. خالص ياسيادة القاض
القاض.. يعنى هى مش موجوده دلوقتى
المعصوب .. هى عينى التانيه بس
القاضى ... يعنى انت عندك كام عين دلوقتى
المعصوب .. هى عينى التانيا بس
القاضى .. تقصد انك دلوقتى عندك عين واحدا
المعصوب.. ايوه عين واحده
القاضى .. يبقا نعتبر العين المفقوعه مش موجوده
المعصوب .. بالظبط.
القاضى. اثبت يبنى. اذا احنا هنتصرف على اساس ان عندك عين واحده والعين السليمه الى موجودة قدامنا دلوقتى ف الجلسه
المعصوب .. تمام
القاضى .. لازم القانون ياخد مجراه
المعصوب .. ربنا يخليك لينا ياسيادة القاضى
القاضى .. انا هطبق على حالتك نظرية الجزاء من جنس العمل يعنى انت تفقع للفران عين وهو كمان يفقعلك عين
المعصوب .. انهى عين ماهو فقعها خلاص
القاضى .. العين السليمه الى قدامنا دلوقتى
المع.... العين السليمه
القاض.. وهو انت عندك عين تانيا ممكن تتفقع
المع .. وعينى الى راحت
القاض .. متغلطش العين دى مش محسوبه
المع .. مش محسوبه
القاضى .. طبعا مش محسوبه انت مش اعترفت دلوقتى قدام المحكمه ان العين راحت ومش موجوده وهى ف حكم العدم يبقا ازاى تبنى الاحكام على حاجه معدومه
المع .. لكن ياسيادة القاضى ..
القاضى .. هتعترض على حكم المحكمه
المع ... انا مبعترضش لكن ...
القاضى .. لكن ايه انا طبقت عليك حاله العين بالعين والسن بالسن ودا مبدئ قانونو واحنا اديناك حقك بالقانون
المعص .. ايوه ياسياده القاضى . لكن انت الى بتقوله دا هيخلينى اعمى
القاض .. ايوه بس تبقى اخدت حقك
المعص .. حقى انى ابقا اعمى
القاض .. ف المقابل هتفقع عين الفران
المعص .. بس هو مش هيبقا اعمى وهيشوف بعينه التانيه
القاضى .. لانه له عينين
المعصوب .. منا كان عندى عنين
القاضى .. بتغلط تانى
المعصوب .. واذا رفضت
القاضى. .. رفضت ايه
المعصوب .. رفضت ان كل واحد يفقع عين التانى
القاض .. ترفض الحكم
المعصوب .. واروح لحالة ومطلبش حاجه وربنا يعوضنى
القاضى .. يعنى انت بترفض حكم المحكمه
المع..... المحكمه الموقرة جابتلى حقى وانا متنازل عن الحق دة بطيب خاطر
القاض .. ده يعتبر استهتار واستخفاف باحكام المحكمه وبناء عليه حكمت المحكمه حضوريا على المتهم معصوب العين بغرامه 20 دولار والزمته الاتعاب والمصاريف
المعصوب .. انا المظلوم واخرج بغرامه منكم لله ياظلمه. ويخرج وهو يضرب كف على كف
القاضى .. الى بعده
يدخل زوج وزوجته
الزوج .. سيدى القاضى انا والمدام بتاعتى كنا ف السوبر ماركت ومعديين من قدام الفرن
القاضى .. هو مفيش غيرة السوبر ماركت دا
الزوج ... ومراتى كانت حامل
القاضى . وايه دخل الحمل ف الفرن
الزوج .. مفيش دخل
القاضى .. كمل
الزوج .. لقينا خناقه جامده على الاخر بين الفران وصاحب الوزة
القاضى .. قلتلكم ملكوش دعوة بالوزة
الزوج .. انا مدخلتش ف الخناقه علشان المدام معايا وهى حامل ف شهرين كنت مستنى الحمل بفروغ الصبر ياسيادة القاضى لانى لسه ربنا مرزقناش بعيال ودى اول خلفه ليا
القاضى ..طالما انت متخنقتش ايه الى جابك هنا جاى تبلغنا بالمولود السعيد علشان نهنيك
الزوج .. لا ياسيادة القاضى للاسف الشديد فرحه ماتمت مش هيكون فيه مولود
القاضى .. سبحان الله ايه السبب
الزوج .. الفران هو السبب
القاضى .. ماله هو السبب ف الحمل كمان
الزوج .. كان بيتخانق مع ناس كتير يضرب دا بايدة ودة برجلو وداخل ف الناس كلها قلتله ياعم حاسب معانا ستات فراح ضارب رجله ف بطن المدام سقطت الحمل
القاضى ..سقط حملها
الزوج .. وهو يبكى. ايوة ياسيادة القاضى الملود الى مستنيه الى هيشيل اسمى وريثى
القاضى .. وريثك. انت شغال ايه
الزوج .. عندى محل احذيه
القاضى .. وكنت مستنى وريث
الزوج .ايوه
القاضى .. وريث على عرش الجزم
الزوج .. على كل حال هو ابنى من صلبي ودمى
القاضى .. انت شوفته
الزوج .. هشوفو ازاى وهو لسا ف بطن امه
القاض .. اذن انت بتتكلم عن حاجه مشفتهاش بعينك
الزوج .. وهو ممكن حد يشوف الحمل
القاضى .. وهو معندكش خبر هو ولد ولا بنت
الزوج . روحت اعمل سونار قالولى لسا مبنش
القاض .. يعنى انت متعرفش حاجه عن الحمل
الزوج .. طبعا معرفش حاجه
القاضى . طالما انت متعرفش انو ولد ازاى بتقول وريثك
الزوج .. من باب الامل والعشم
القاضى .. يعنى انت مش متاكد
الزوج ..طبعا
القاضى يبقا طالما انت مش متاكد فا ملكش حق انك تقول انه ابنك
الزوج .. قصدك
الزوج.. قصدك ايه ياسيادة القاضى
القاضى . حاجه متعرفش عنها حاجه ازاى بتقول انها بتاعتك
الزوج .. مش فاهم
القاضى .. افهمك هى مش مراتك حامل ف حاجه مخفيه محدش بيشوفها وانت متعرفهاش يبقا انت مالك بيها
الزوج ...طيب خد شهادة مراتى اهى يمكن توضحلك الحقيقه
القاضى .. تعالى يامدام انتى عندك شكوى ضد الفران
الزوجه.. طبعا ياسيادة القاضى عندى شكوى ضدة
القاضى .. عمل ايه
الزوجه .. ضربنى برجله ف بطنى فسقطلى الحمل
القاضى .. يعنى معملش حاجه غير انه سقطلك الحمل
الزوجه .. ايوة سقط حملى بس
القاضى .يعنى هو فضا بطنك
الزوجه . ايوة
القاضى . وانتى بتطلبى العدل والانصاف وانتى تستحقى العدل والانصاف فعلا
الزوجه .. وده املى فيك ياسيادة القاضى
القاضى . العدل هو انه كما تدين تدان يعنى زى مافضا بطنك وادالك بالرجل انتى كمان تضربيه ف بطنه بالرجل
الزوجه .. وهو دا العدل ماهو مش حامل ومش هيسقط حاجه
القاضى .. كل واحد بقا ونصيبه. احنا بنحكم بالعدل وبس
الزوج والزوجه. .. بقا هو دا العدل ياسيادة القاضى احنا مش عايزينه
القاضى ... انتو بترفضو حكم المحكمه
الفران.... شفت ياسيادة القاضى مبيحترموش احكام المحكمه ازاى
القاضى .. حكمت المحكمه عليك انت ومراتك ب20 دولار غرامه والمصاريف واتعاب المحاماه
الزوج والزوجه .. غرامه غرامه ويخرجان
القاضى .. ها. الى بعده
:(يشير الى فلاح اخر الجلسة)يا سيادة القاضى الفلاح الى فى اخر القاعة ده
القاضى:ماله
الفران :كان ماشى وسط الخناقة وهو راكب حماره فلما الناس مسكونى وكانو بيشدونى بيقول انى فضلت ماسك فى ديل حماره لحد ما ديل حماره اتقطع فى ايدى
القاضى:(ينادى الفلاح)تعال يا فلااح
الفلاح:(يتقدم)ايوة يا سيادة القاضى
القاضى:ايه الى حصل
الفلاح :محصلش حاجة يا باشا
القاضى:غريبة هو الفران مش قطعلك ديل حمارك؟
الفلاح: ابدا يا باشا
القاضى:هو مش حمارك ديلو مقطوع
الفلاحة:خلقة ربنا يا باشا
القاضى:من يوم ولادته وهو كدة
الفلاج طول عمرو كدة يا باشا
القاضى:طب بيهش الدبان عن نفسو ازاى
الفلاح:انا بهشلو يا باشا
القاضى:طب منا عندى فكر........ليه متركبلوش مشة بدل الديل
الفلاح :تصدق فكرة حلوة يا باشا
القاضى:انت رجل كداب
الفلاح :انا يا جناب القاضى
القاضى:هو فى حمار بيتولد من غير ديل
الفلاح: ربنا قادر على كل شىء يا باشا
القاضى:ات سمعت ان فى حمار بيتخلق من غير ديل
الفلاح:زى ما سمعت انو بيخلى الوزة تطير بعد ما تتحمر فى الفرن
القاضى:(متحدثا الى نفسه) اممممم معقول الفلاح ده غلبنى
(متحدثا الى الفلاح)يعنى انت دلوقتىملكش شكوة ضد الفران
الفلاح :لا ابد لسمح الله ده راجل طيب
القاضى:طب جيت تعمل ايه هنا
الفلاح:اتفرج.....
القاضى:تتفرج؟ تتفرج على ايه
الفلاح: على الجلسة
القاضى:قالولك انا ان المحكمة فرجة حكمت عليك المحكمة بجنيه غرامة
الفلاح:بشكوى ومن غير شكوة العدل ملاحق الكل
سلام عليكم
(ينصرف الفلاح وينصرف معه الحاضرين ولا يبقى فى الجلسة غير القاضى والفران)
القاضى:اظن ان الجلسة انتهت
الفران:على خير والحمد لله
القاضى:ايه رأيك طلعتك منها زى الشعرة من العجين
الفران:والغرامات........
القاضى :متقلق ليك نصيب فيها
الفران:طبعا ده عشان التهزيء التهزئتو من الناس كلها الى جبلة حالة اكتئاب
القاضى:اطمن هتاخد صيب تعويض هيخ
h others. Click here ...
|
|
Notes.io is a web-based application for taking notes. You can take your notes and share with others people. If you like taking long notes, notes.io is designed for you. To date, over 8,000,000,000 notes created and continuing...
With notes.io;
- * You can take a note from anywhere and any device with internet connection.
- * You can share the notes in social platforms (YouTube, Facebook, Twitter, instagram etc.).
- * You can quickly share your contents without website, blog and e-mail.
- * You don't need to create any Account to share a note. As you wish you can use quick, easy and best shortened notes with sms, websites, e-mail, or messaging services (WhatsApp, iMessage, Telegram, Signal).
- * Notes.io has fabulous infrastructure design for a short link and allows you to share the note as an easy and understandable link.
Fast: Notes.io is built for speed and performance. You can take a notes quickly and browse your archive.
Easy: Notes.io doesn’t require installation. Just write and share note!
Short: Notes.io’s url just 8 character. You’ll get shorten link of your note when you want to share. (Ex: notes.io/q )
Free: Notes.io works for 12 years and has been free since the day it was started.
You immediately create your first note and start sharing with the ones you wish. If you want to contact us, you can use the following communication channels;
Email: [email protected]
Twitter: http://twitter.com/notesio
Instagram: http://instagram.com/notes.io
Facebook: http://facebook.com/notesio
Regards;
Notes.io Team
