Notes

Script

1 : Atin nang simulan ang pagpupulong para sa Konstitusyon ng Republika ng Pilipinas labingsiyam at walumputpito (1987).
4 : Sa pagsisimula ng ating pagpupulong, aking binubuksan ang usaping Wika para sa unang paksa ng pulong ito.
2 : Sa kasalukuyan ay Pilpino ang ginagamit nating Wika na binubuo ng Tagalog na mga salita at nagsisilbing ating Pambansang Wika.
3 : Kaya naman, bilang isang miyembro ng Surian ng Wikang Pambansa, aking inihahain sa Saligang Batas ang batas na kumikilala sa Filipino bilang ating batayan ng wikang pambansa.
3 : Sa aming paniniwala, “habang nililinang ang Filipino ay dapat itong payabungin at pagyamanin nang nakasalig sa mga katutubong salitang umiiral sa wikang Filipino at iba pang wika.” Ito ay nangangahulugan na ang Filipino ay hindi na ang “Pambansang Wika” na nakabatay lamang sa Tagalog kun’di ay isang wika na kinakailangang payabungin sa tulong ng pananaliksik sa mga panrehiyong wika.
4 : Sa pagpapasabatas nito ay kakailanganin ng isang ahensya na mangangasiwa sa ating pambansang wika na magmumungkahi ng mga hakbang, plano, gawain at mga patakaran hinggil sa ating mga wika lalo na sa Filpino.
1 : Kung gayon ay ating i-kokonsidera ang batas na ito sa ika-anim na seksyon ng Artikulo Labingapat (XIV), Saligang Batas ng Republika ng Pilipinas labingsiyam at walumputpito (1987).
1 : At sa bisa ng Kautusang Tagapagpaganap Bilang Isang daan at Labimpito (117) na aking lalagdaan ay ang pagbubuo ng Linangan ng mga Wika sa Pilipinas (LWP) na papalit sa Surian ng Wikang Pambansa (SWP).
2 : Sa mga nagdaang taon, pinagtibay ng Surian ng Wikang Pambansa ang mga makabagong alpabeto ng wikang Pilipino na binubuo ng tatlumput-isang letra, ngunit matapos ang isinagawang Repormang Ortograpiko, nabuo ang sumusunod na Alpabetong Filipino na may dalawamput-walong letra.
4 : Masinsing isinuri at inaral ng Surian ng Wikang Pambansa ang mga wika at lumang alpabeto upang mabuo ang kasalukuyang Alpabetong Pilipino.
3 : Ang aming ahensya ay magsasagawa pa ng ilang mga pagsusuri para sa paggamit nito sa iba pang mga wikang panrehiyon, at sa paggamit nito sa mga paaralan, departamento at publiko.
1 : Sa pagsasabatas ng Wikang Filipino ay atin ding kikilalanin ang Alpabetong Filipino na magsisilbing ating pambansang wika at alpabeto na magagamit mula sa ngayon at sa mga susunod pang henerasyon.