Notes
Notes - notes.io |
Server Link: https://discord.gg/2ZNyHAHePm
من فترة كنت اقترحت فكرة سيرفر ديسكورد للكلية كلها علي صفحة اعترافات الكلية علشان تجمع كل الكلية مع بعض لتكوين صداقات لطيفة و المذاكرة مع بعض في قنوات خاصة لكل قسم.. ممكن فيه أسئلة كتيرة عن الموضوع و هحاول اجاوب عن كل حاجة هنا..
ايه هو برنامج ديسكورد؟ ١)
ديسكود عباره عن تطبيق تواصل اجتماعي متاح علي كل الاجهزة سواء موبايل او كمبيوتر تقدر تتكلم مع اي حد او تتصل كول او فيديو كول حتي عليه بالاضافه لجروبات عامه غير سيرفر الكلية ده متاحة لكل الناس يقدروا يدخلوا عليها و يتكلموا مع اي حد في اي مكان و مع اجانب كمان علشان ممارسة اللغة
٢) هل ديسكورد صعب او مختلف في الاستخدام عن باقي البرامج؟
ديسكورد هو زيه زي اي برنامج سوشيال تاني, يمكن مختلف في حاجات بسيطة بس مع الوقت هتتعود و هتلاقيه بسيط خالص.. و ده فيديو من الشركة نفسها بتشرح البرنامج علي السريع
https://www.youtube.com/watch?v=TJ13BA3-NR4
٣) ليه سيرفر علي ديسكورد بدل جروب واتس او صفحة فيس؟
لأن كان لازم تطبيق يحافظ علي خصوصية المشاركين فيه و مش كل الناس هتحب تشارك حاجه شخصية زي رقم التليفون او اكونت فيس و دي حرية شخصية طبعا، ديسكور كان هو الاسهل من الجانب دة و بيوفر كل حاجه من غير مشاركة اي حاجة شخصية و كمان اسهل في منع المشاكل اللي ممكن تحصل و كمان هو امن اكتر، نقطة كمان و هي ان ديسكورد منظم اكتر عن الواتس و الفيس في ان كل حاجة ليها مكانها الخاص و دة بيمنع ان لو في حاجة مهمة تتوه او انه يكون صعب الوصول ليها وقت احتياجها
٤) السيرفر بتقدم ايه للاعضاء؟
السيرفر بيقدم حاجات كتير للأعضاء و يمكن اهمها هي مساحة مريحة لتكوين صداقات و مشاركة الرأي و مشاركة الهوايات مع الكلية كلها مش قسم لوحده، لأن الهدف الاول للسيرفر هو انه يكون وسيلة لربط الكلية اكتر و يجمع الناس ببعض في سبيل العلم او الصداقة في حدود الزمايل، و كمان مساحة آمنة في ان كل واحد يكون مسموع و قادر انه يشارك برأيه من غير ما يكون في اي مضايقات و لو حصل مضايقات بيبقي فيه عقوبات ممكن توصل للطرد من السيرفر, كل ده علشان نبقي واثقين في تكوين مجتمع متحضر و متعاون في مكان نستمتع بيه كلنا
٥) مين اللي المفروض يدخلوا؟
طبعا اول ناس المفروض يدخلوا السيرفر هما طلاب كلية الالسن.. كمان فيه مكان لطلاب الكليات التانية مفتوح ليهم كل حاجة في السيرفر ماعدا القنوات الدراسية للألسن, برضو طلاب الثانوية اللي خلصوا و داخلين ألسن ان شاء الله و اخيرا.. الخريجين من ألسن لو حابين يدخلوا و يشاركوا خبرتهم مع الطلاب الجداد
٦) ليه المفروض تنضم للسيرفر؟
السيرفر هنا بيقدم مزايا كتير و خاصه لطلاب كليه الألسن وهي ممارسه اللغه مع زملائك ، الاستفسارات الي ممكن تواجهها خلال السنة الدراسية سواء انت طالب جديد في الكليه أو حتي طالب في مراحل دراسيه تانيه وبتواجه مشاكل او صعوبات تقدر تدخل السيرفر وتستشير زمايلك في المناهج أو اسئله عامة عن الكليه، كمان احنا بنهتم بالجزء الترفيهي للطالب فبنقدم وسائل ترفيهيه متنوعه علي فترات وده عشان يقدر الطالب يفرغ طاقته من وقت للتاني و يستكمل مسيرته الدراسية بشكل صحيح
٧) السيرفر فيها ايه يتعمل بعد ما تدخل؟
اول ما بتدخل بيبقي في قناة مخصصه لاختيار الادوار اللي هي بتبقي عباره عن القسم بتاعك مثلا و اللغة التانية و باقي الادوار اللي بيها يتفتحلك قنوات القسم بتاعك و كمان الاعضاء التانية يعرفوا انت منين وهكذا, و فيه قناة لقوانين السيرفر علشان محدش يعمل حاجة غلط و اخيرا فيه قناة الكلام العام و ده مفتوح لكل الاعضاء علشان يتكلموا في اي حاجة يحبوها و ده غير القنوات المخصصة لكل قسم لوحده
~~~~~~~~~~~~~~~~
اخر حاجة عايز اطلبها انكم تدخلوا وتتكلموا و تدوا الفرصة للسيرفر تقدم اللي عندها ليكم و ان شاء الله هتحبوا المكان و هتكونوا صداقات في كل الكلية و كمان من كليات تانية.. و لو فيه اي اسئلة تحبوا تسألوها تقدروا تسألوا في اي وقت و أنا او المشرفين هنرد عليكم في اقرب وقت ممكن.. اتمني تشرفونا ❤️
|
|
Notes.io is a web-based application for taking notes. You can take your notes and share with others people. If you like taking long notes, notes.io is designed for you. To date, over 8,000,000,000 notes created and continuing...
With notes.io;
- * You can take a note from anywhere and any device with internet connection.
- * You can share the notes in social platforms (YouTube, Facebook, Twitter, instagram etc.).
- * You can quickly share your contents without website, blog and e-mail.
- * You don't need to create any Account to share a note. As you wish you can use quick, easy and best shortened notes with sms, websites, e-mail, or messaging services (WhatsApp, iMessage, Telegram, Signal).
- * Notes.io has fabulous infrastructure design for a short link and allows you to share the note as an easy and understandable link.
Fast: Notes.io is built for speed and performance. You can take a notes quickly and browse your archive.
Easy: Notes.io doesn’t require installation. Just write and share note!
Short: Notes.io’s url just 8 character. You’ll get shorten link of your note when you want to share. (Ex: notes.io/q )
Free: Notes.io works for 12 years and has been free since the day it was started.
You immediately create your first note and start sharing with the ones you wish. If you want to contact us, you can use the following communication channels;
Email: [email protected]
Twitter: http://twitter.com/notesio
Instagram: http://instagram.com/notes.io
Facebook: http://facebook.com/notesio
Regards;
Notes.io Team
