Notes

Noong unang panahon, may isang magandang prinsesa na nagngangalang Suling. Siya ay may mahiwagang kakayahan sa paggugupit at paglikha ng mga kakaibang kagandahan sa mga buhok. Ang kanyang ganda at ang galing niya sa paggugupit ay siyang dahilan kung bakit siya kinilala sa buong kaharian.

Sa kabilang dako ng kaharian, may isang maharlikang lalaki na nagngangalang Malik. Siya naman ay isang magaling na panday at tagapaglikha ng mga espada at kutsilyo. Ang kanyang mga likha ay matibay at matatalim na mapapakinabangan ng sinumang may hawak nito.

Isang araw, nagkrus ang landas nina Suling at Malik. Nangunauna si Suling na humiling kay Malik ng isang espesyal na kagamitan na magagamit niya sa paggugupit. Si Malik naman, naakit sa kanyang kagandahan, ay agad na pumayag at binigyan siya ng isang napakagandang gunting. Ang gunting na ito ay hindi katulad ng anumang ibang gunting sa kaharian. Ito ay may mga talim na hindi nauubos at hindi nagiging tumpak, kahit gaano man kahaba ang panahon na ginagamit ito.

Nang gamitin ni Suling ang gunting, namangha ang lahat sa kanyang mga likha. Ang mga buhok ay nagiging obra ng sining sa kanyang mga kamay. Ang gupit niya ay hindi lamang nagbibigay ng kagandahan, kundi nagdudulot din ng kasiyahan at pag-asa sa mga taong kanyang ginugupitan.

Ngunit, hindi lahat ay nagustuhan ang kapangyarihan ng gunting ni Suling. Isang masamang mangkukulam na nagngangalang Agapito ang nabalitaan ang tungkol sa kahanga-hangang gunting at nagnanais na ito ay mapasa kanya. Sa kanyang pagkainggit, inagaw niya ang gunting mula kay Suling nang hindi siya handa.

Nang mawala ang gunting, nagdulot ito ng kalungkutan kay Suling. Ang mga tao sa kaharian ay nawalan ng pag-asa at nagdusa sa kadiliman. Ang kanyang kapangyarihan ay nawala kasabay ng pagkawala ng gunting.

Ngunit, hindi sumuko si Suling. Sa kabila ng kanyang kalungkutan, siya ay patuloy na nagtrabaho at naglingkod sa mga tao. Sa bawat gupit na kanyang ginagawa, ibinabahagi niya ang kanyang alaala at ang kahalagahan ng kanyang kapangyarihan. Sa kabila nito, sinubukan gamitin ni Agapito ang gunting, ngunit iba ang naging resulta nito, pagkagupit ni Agapito sa kanyang buhok, bigla nalang siyang nahimatay, dahil mayroon pala itong sumpa, ang prinsesa lamang ang makakagamit nito nang mayroon na magandang kapalit sa kabaliktaran naman ay kung mayroon magnanais na kunin o nakawain ang gunting na ito, masamang epekto o resulta ang mangyayari sa kanya. Nagulat si Agapito, hindi siya makapaniwala sa nangyari sa kanyang buhok, pagkagising niya’y siya ay nasa kulungan na at ang kanyang mga buhok ay nagkalagaslagas na, binalikan ng prinsesa sa kulungan si Agapito, nagalit ang prinsesa at kinuha muli ang gunting. Humingi ng tawad ang mangkukulam at kusang ibinalik ito, mula noon payapa ng namuhay si Suling kasama ang gunting na patuloy nya paring ginagamit sa paggupit at pag-aayos ng buhok.