Notes

Ilang tulog na lang, pasukan na ulit, at ang problema ni Donalyn ay kulang pa ang school supplies para sa kanyang apat na anak. Kahit mayroong supplies na ibinigay ang barangay, inaantay pa rin nila ang tulong mula sa LGU. Bukod sa pag-aalala sa mga gamit pang-iskwela, iniisip rin ni Donalyn kung paano mapagkakasya ang pambaon ng kanyang mga anak. Ang dalawang anak niya sa high school ay kailangang magdala ng tig-100 pesos na pambaon araw-araw, habang ang dalawang anak niya sa grade school ay tig-20 pesos lang. Ito ay nagkakahalaga ng 240 pesos kada araw, na kulang para sa 26,000 pesos na buwanang sahod ng kanyang mister.
"Nabubuhay po kami sa pagbabayad ng utang, ma'am; pagkatapos, kailangan mangutang ulit para masustentuhan ang aming pang-araw-araw na gastusin."
Si Denice Antonio naman, magpe-first-year college na sa pasukan sa kurso ng Information Technology. Sabi niya, 250 pesos ang kanyang baon araw-araw, kasama na ang pamasahe mula Batasan Hills, Quezon City, patungo sa kanyang paaralan sa Cainta, Rizal. Ngunit sa ngayon pa lang, nag-aalala na ang mga magulang niya kung kakayanin nilang pondohan ang pag-aaral ni Denice gamit ang kinikita ng kanyang ama bilang isang driver.
"Makakasave pa po siya kasi matipid naman po siya eh sa pang araw araw din niyang bayarin."
Si denice daw ang tinuturing pag asa ng kanyang pamilya kaya pinanghahawakan raw niya ang pangarap niya na makaaahon sa buhay balang araw.
"Pinipilit ko pong mag aral ng mag aral para matupad koo po yung pangarap ko."