Notes

Сайн уу? Бие чинь сайн байгаа биздээ?
Цаг хугацаа бидэнд олон зүйлийг зааж сургалаа.
Байгаль эх бидэнд амьдралын үнэ цэнийг улам ихээр ухааруулсаар л байна.
Бидний дунд болсон тэр хар өдрөөс хойш хоног өдөр, сарууд өнгөрсөөр бараг 1 жил болох гэж байна.
Цас, бороо ээлжлэн орсон хэдий ч би чамайг хүлээсээр л байгаа.
Учир нь би одоо болтол чамайг хайралсан хэвээр байна.
Дотор минь одоо болтол хайр мэдрэгдсээр байхад би яаж явах юм бэ?
Сүүгий нэг л өглөө сэрээд намайг санах байх даа, гэсээр хүлээх юм...
Сүүлийн үед надад их хачин мэдрэмж мэдрэгддэг болчихлоо.
Мэдрэмж минь надад "Хайрт чинь чамайг санаад байна" гэж хэлэх шиг.
Үнэхээр намайг санаж байлаа гэж бодоход би яаж мэдэх билээ? гэж өөрөөсөө асууна.
Хариулт нь яг л Сүүгий Намуунааг мэдэрдэг шиг гэж хэлнэ.
Анх би тэр үгийг чамаас сонсчихоод үнэхээр их гайхсан.
Намуунаа намайг санаад байна аа гэж чи хэлсэн.
Би чамаас чи яаж мэдэж байгаа юм бэ? гэж асуухад чи:
Би мэдрээд байна, би ээж нь шүү дээ гэж хэлсэн.
Тэр цагаас хойш би ээж минь намайг мэдэрдэг болов уу? гэж боддог болсон.
Нэг удаа би унтаж байгаад чамайг Гарьдтай уулзаж байна гэж зүүдэлсэн.
Сэрээд чамтай утсаар ярьтал чи үнэхээр Гарьдтай уулзсан байсан.
Би босоод өөрийн мэдэлгүй Автобусны буудал руу алхсан.
Чамайг аль автобусны буудлаас автобусанд суудгийг чинь ч мэдэхгүй хэрнээ
100 айлын автобусны буудал руу алхсан.
Намайг очиход чи үнэхээр тэнд зогсож байсан.
Чи надаас чи яаж мэдээд байгаа юм бэ? гэж асуусан.
Би "мэдэхгүй" гэж хариулсан.
Энэ бүх зүйл хэвийн зүйл гэж үү?
Миний бодлоор бидний хооронд ямар нэгэн нүдэнд харагддаггүй холбоос байдаг.
Энэ холбоос нь биднийг төрөхөөс ч өмнө холбогдчихсон байсан юм шиг.
Хамгийн сүүлд би ажил дээр чинь очоод Намуунаад төрсөн өдрөөр нь бэлэг авч өгөөрэй гээд мөнгө өгсөн.
Тэгэхэд чи надаас чи яагаад үүнийг хийж байгаа юм бэ? гэж асуусан.
Намайг уучлаарай, тэгэхэд би чамд үнэхээр муухай бүдүүлэг зан гаргасаан.
Чи яагаад гэдгийг нь мэдээд хэрэггүй ээ гэж хэлээд мөнгө өгсөн.
Үнэнийг хэлэхэд би өөрөө ч яагаад гэдгийг нь сайн мэдэхгүй байсан юм.
Ямар нэгэн зүйл надад чи үүнийг хийх ёстой гэж хэлсэн.
Тэр цагаас хойш би мэдрэмжээ сонсдог болж эхэлсэн.
Бүх зүйлийг Логикоор хардагаа больж хийсэн сонголтууд маань бүхэлдээ өөр болсон.
Амьдрал минь бүхэлдээ өөрчлөгдсөн.
Чамд маш их талархаж, улам ихээр хайртай болж байна.
Чамтай очоод уулзахыг хүссэн ч бидний дунд асуудал байна.
Энэ чиний буруу юу? эсвэл миний буруу юу? гэдгийг мэдэхгүй ээ.
Гэвч бидний дунд ямар нэгэн асуудал байна.
Цаг гаргаад хамтдаа энэ асуудлыг шийдвэрлэе гэж хэлэхийг хүснэ.
Гэвч би энд өөрийгөө уучилж чадахгүй байна.