Notes

"Ang kabataan"

Gusto ko lamang sa inyo tanungin kung naaalala niyo pa ba ang pinaka tanyag na katagang binitawan ng ating pambansang bayani na si Dr.Jose Rizal na patungkol sa ating mga kabataan na tayo raw ang pag-asa ng bayan?

Ang daming mga kabataan ang naligaw na ng landas. Nalulolong sa droga, tamad ng mag-aral at nagagawi sa mga maling bisyo at kung minsan pa ay nasasangkot sa mga krimen na hindi mo maiisip na kaya nilang gawin yung mga bagay na hindi dapat gawin ng isang kabataan. Habang tumatagal nawawala na rin ang kanilang respeto sa paaralan at maging sa kanilang tahanan. Nawawalan na sila ng paggalang sa guro, kapwa at sa kanilang mga minamahal na magulang at maging sa paggamit ng ‘po at opo’ kanila na ring nakakalimutan.


Maraming kabataan pa rin ang matatawag mo pang pag-asa ng bayan, sila yung mga may matataas na pangarap sa buhay, may pagpapahalaga sa edukasyon at may pagmamahal sa ating inang bayan at higit sa lahat yung kabataan na may takot sa diyos.ngunit marami parin ang mga kabataang namali ng direksiyon sa buhay, mga kabataang nagbago kasabay ng pag lipas ng panahon.


Gumising tayo sa mga mali nating ginagawa at tayo ay magsilbi sa ating bayan, huwag nating hayaan na tayo ay maging isang salot sa ating lipunan o sa ating bayan sa halip ay panindigan natin na tayong mga kabataan ang pag-asa ng bayan.