Notes

წითლები — მტრებია
მწვანეები — მოკავშირეები
მინირუკაზე მტრული ტექნიკა ჩანს მხოლოდ მაშინ როცა იგი „ნათდება“ მოკავშირეების მიერ ან და იმყოფება ჩვენი მხედველობის არეში. როგორც მიწინააღდგე ასევე მოკავშირე ტექნიკა შეიძლება გაქრეს მინირუკიდან, თუ ის იმყოფება რადიოგადაცემის დისტანციის მიღმა (ეს ძირითადად დაბალ დონეებზე ხდება).
თამაში მთავრდება სამი შესაძლო შედეგით: გამარჯვება, დამარცხება ან ყაიმი.
გამარჯვება შესაძლებელია მტრული ტექნიკის სრული განადგურებით ან და მტრული ბაზის აღებით.
დამარცხდება გუნდი რომლის ყველა ტექნიკა განადგურდება ან მისი ბაზა აღებულ იქნება მტრის ტექნიკით.
ყაიმით სრულდება თამაში, რომელშიც 15 წუთის მანძილზე ვერც ერთი გუნდი ვერ მოხერხებს მოწინააღდეგე გუნდის ტექნიკის სრულ განადგურებას ან და მათი ბაზის დაკავებას (ყაიმი არ ხდება „იერიშის“ რეჟიმში).
თამაშში არსებობს 5 კლასის ტექნიკა:
1. მსუბუქი ტანკი (ნიშანი: რომბი) – ყველაზე მსუბუქი და მოუხელთებელი კლასი. მისი მოვალეობაა მტრული ტექნიკის გამჟღავნება, რასაც იგი თავისი მცირე გაბარიტების, შესანიშნავი დინამიკის და კარგი მხედველობის ხარჯზე ახერხებს.
2. საშუალო ტანკი (ნიშანი: ორი ხაზი) – თანამედროვე ძირითადი საბრძოლო ტანკების კლასის წინაპრები. მათ შორის გვხვდება როგორც სწრაფი მზვერავები ასევე ტანკები კარგი ჯავშნით და მძლავრი ქვემეხებით. მათზე მიზანია მოწინააღმდგეზე სწრაფი იერიშის მიტანა, მძიმე ტანკების საცეცხლე მხარდაჭერადა ა.შ. გამოირჩევიან შედარებით სწრაფი გადატენვით, საშუალო ჯავშანგამტანობით და ზიანით.
3. მძიმე ტანკები (ნიშანი: სამი ხაზი) – ეს კლასი შეტევის და თავდაცვის ძირითადი ქვაკუთხედია. ამ კლასში გვხვდება როგორც სუსტჯავშნიანი ტანკები, რომელთა მიზანი საცეცხლე მხარდაჭერაა, ასევე მძლავრქვემეხიანი ძლიერჯავშნიანი ტანკები. მძიმე ტანკები გამოიყენებიან საკვანძო წერტილების გასამაგრებლად, ასევე მოიერიშე ჯგუფების და ფლანგების გასაძლიერებლად.
4. ტანკსაწინააღმდეგო თვითმავალი საარტილერიო დანადგარები (ნიშანი: სამკუთხედი) – ეს კლასი წარმოადგენს თავდაცვის ძირითად ბირთვს და შეტევის უკანა ფლანგის მხარდაჭერის ტექნიკას. იგი ძირითადში აერთიანებს მძლავრ ქვემეხს დიდი ჯავშანგამტანობითა და ზიანით, დაბალ დინამიკას, გადატენვის დიდ დროს და კარგ შენიღბვას. ამ კლასის დანიშნულება შორ მანძილებზე მტრის ტექნიკის განადგურებაა, რომელსაც იგი ახერხებს მსუბუქი და საშუალო ტანკების სადაზვერვო მონაცემების ხარჯზე (ე.წ. განათება).
5. თვითმავალი საარტილერიო დანადგარები (ნიშანი: კვადრატი) – ესაა თვითმავალი ჰაუბიცები, რომლებიც წინა ფლანგზე მყოფ მოკავშირე შენაერთებს კიდული ტრაექტორიით შორ მანძილზე უწევენ საცეცხლე მხარდაჭერას. როგორც წესი ამ ტიპის ტექნიკას აქვს მსხვილკალიბრიანი ქვემეხი დიდი ზიანის უნარით, დაბალი დინამიკა, დაბალი შემჩნევადობა. აღსანიშნავია, რომ ტექნიკის ეს კლასი თითქმის არაეფექტურია დამოუკიდებელი მუშაობისას, ამიტომ მას შედეგიანობისთვის მოკავშირეების მხრიდან მუდმივად სადაზვერვო მონაცემების გადაცემა სჭირდება.
თამაშში თამაშის ექვსი რეჟიმია, მათგან ძირითადი „შემთხვევითი ბრძოლაა“, რომელიც სამ ქვერეჟიმად იყოფა: სტანდარტული ბრძოლა, შემხვედრი ბრძოლა, იერიში.
სტანდარტულ ბრძოლაში ორ გუნდებში განაწილებულ 15-15 მოთამაშეს აქვთ თითო-თითო. მოკავშირეების მიზანია ან ყველა მტრული ტექნიკის განადგურება ან მტრული ბაზის აღება, იმავეს ცდილობს მტრული მხარეც.
შემხვედრ ბრძოლაში ორ გუნდებში განაწილებულ 15-15 მოთამაშეს არ აქვთ საკუთარი ბაზა. ბაზა განთვასებულია ნეიტრალურ პოზიციაში და მოწინააღდგე გნდების მიზანია ან სრულად გაანადგურონ მტრული ტექნიკა ან ხელში ჩაიგდონ ბაზა.
იერიშის რეჟიმში ორი გუნდიდან ერთ-ერთს ხვდება თავდაცვის როლი, ხოლო მეორეს შეტევის. თავდამცველ გუნდს აქვს ბაზა, შემტევს – არა. შემტევი გუნდის მიზანია 10 წუთში ან აიღოს მტრული ბაზა ან გაანადგუროს მოწინააღმდგე სრულად, ხოლო თავდაცვაში მყოფი გუნდის მიზანია არდაუშვას 10 წუთის განმავლობაში საკუთარი ბაზის მტრის მიერ ხელში ჩაგდება ან და გაანადგუროს შეტევაში მყოფი გუნდის ყველა ტანკი.

დამწყებს გამოადგება :)