Notes

DIWA NG PASKO
We were the reason that He gave His life
We were the reason that He suffered and died
To a world that was last, He gave all He could give
To show us the reason to live
Kinapaloban sa lirikong ito ang tungkol sa pag-ako ng diyos sa ating mga kasalanan at pagsasakripisyo niya ng kanyang buhay para sa atin. Upang tayo'y mabuhay lamang ng mapayapa ng hindi nagdurusa sa mga kasalanang ating nagawa.

Napagtanto ko na sa paglipas ng panahon na ang ginugugol ng mga tao ay ang pagiisip tungkol sa kung ano ang nakaraan at kung ano ang nilalaman ng kinabukasan. Gaya na lamang ng pagiisip sa kung ano nga ba ang tunay na kahulugan ng pasko? Ito ba ay tungkol sa pagtanggap ng pera at regalo mula sa ibang tao? o ang paggunita nito para sa kapanganakan ni Jesus na siyang inihandog sa atin ng kaniyang ama?
Ang pasko ay araw ng Pagbibigayan at Pagmamahalan, magalak tayo at magdiwang sa pasko ng pagsilang ni Hesukristong Banal na namuhay ng kalukod-lukod sa lupa. Marapat lamang na alalahanin natin ang araw ng isilang si Hesukristo ngayong kapaskuhan. Dahil Siya ang ‘sentro’ ng ating pagdiriwang ng pagbibigayan at pagmamahalan. Ito ang araw na ating pinili upang magsilbing gabay sa ating buhay at magbalik-tanaw sa himala ng Pasko. Ito ang tunay na aginaldo na ating maaring ibahagi sa ating kapwa, pamilya, kaibigan, kamag-anak o kahit kanino man. Ang pagpapatawad, pag-unawa, pagtitiwala, pagbibigayan ng bukal sa Puso at may kalakip na pagmamahal ay siyang sumisimbulo sa tunay na masayang Pasko at masaganang bagong taon. Ang pagdiriwang natin ng Pasko ay dapat kakitaan ng pagmamahal at pagiging di-makasarili na itinuro ng diyos. Ang pagbibigay, hindi ang pagtanggap, ang siyang tunay na nagpapamukadkad sa diwa ng Pasko. Tumutulong tayo nang may pagmamahal sa mga kapus-palad. Lumalambot ang ating puso. Pinatatawad ang mga kaaway, ginugunita ang mga kaibigan, at sinusunod ang Diyos. Pinagliliwanag ng diwa ng Pasko ang inyong pananaw sa mundo, at nakikita natin ang abalang takbo ng buhay sa daigdig at nagiging mas interesado tayo sa mga tao kaysa sa mga bagay. Upang malaman ang tunay na kahulugan ng diwa ng Pasko, kailangan lang nating madama ang Diwa ni Cristo.

Nawa’y magbigay tayo tulad ng pagbibigay ng diyos. Ang ialay ang sarili ay banal na regalo. Nagbibigay tayo bilang alaala ng lahat ng ibinigay ng ating Tagapagligtas. Nawa’y magbigay rin tayo ng mga regalo na walang-hanggan ang kahalagahan, kasama ng ating mga regalo na nasisira o nalilimutan kalaunan. Mas gaganda ang mundo kung lahat tayo ay nagbibigay ng mga regalo ng pang-unawa at pagkahabag, ng paglilingkod at pakikipagkaibigan, ng kabaitan at kahinahunan.