Notes
Notes - notes.io |
تخصصه شيق جدا ومساهماته حتغير من شكل علم الاقتصاد وحتحسّن كفاءة القرارات الاقتصادية بشكل كبير.
علم الاقتصاد بيتعرّف عادة على إنه
علم اجتماع معني بإسعاد الناس وزيادة ثرواتهم،
بيبني نظرياته على فرضية إن خيارات البشر منطقية أوعقلانية (Rational)،
وعلى ضوء النظريات الاقتصادية اللي اتبنت على الافتراض ده بيقدم الاقتصاديين استشاراتهم للوزراء وأصحاب الأعمال علشان يحققوا أكبر استفادة ممكنة ..
يعني مثلا لو قدامك اتنين بياعين
بيبيعوا نفس السلعة بسعرين مختلفين ..
المنطق بيقول إنك حتشتري الأرخص بدون تفكير ..
ولو سلعتين الفرق في السعر بينهم بسيط لكن فرق الجودة رهيب ..
غالبا حتشتري اللي أغلى حاجة بسيطة علشان تاخد قصاده فرق جودة كبير ..
هو ده المقصود بفرضية العقلانية والمنطقية Rationality
واللي بيبني عليها علم الاقتصاد الكلاسيكي نظرياته.
الراجل ريتشارد ده بقى
متخصص في حاجة اسمها
Behavioral Economic أو الاقتصاد السلوكي،
بيتناول علم الاقتصاد من الناحية النفسية للبشر أكتر من الناحية الاجتماعية ..
حتى في موقع جائزة نوبل
كتبوا إنه خلّى علم الاقتصاد أكثر إنسانية ..
وده خلّاه يرفض الفرضية الكلاسيكية دي ويقول لأ ..
ماينفعش الاقتصاديين يتعاملوا مع المجموعات البشرية بالطريقة السطحية دي ..
ونفترض إنهم أناس خاليين من المشاعر في اختياراتهم.
مثلا لو انت صاحب شركة
وعندك مجموعة موظفين اشتغلوا كويس
وعايز تكافئهم وقدامك خيارين:
إما تكافئهم بفلوس كاش في إيديهم أو تكافئهم بهدية على شكل أجازة أو سفرية مجانية ..
أغلبية الموظفين حيختاروا الفلوس الكاش
لأن حيقدروا يصرفوا المكافئة دي بمرونة أكتر مش في خيار مفروض عليهم ..
لكن خد بالك إن المرونة دي ليها تمن ..
في ظاهرة اسمها
mental accounting "العقلية المحاسبية"
عند البشر
حتخليه بعد ما ياخد الفلوس
يفتكر إن عليه فواتير متأخرة أو إن سقف البيت عايز يتصلح أو كاوتش العربية عايز يتغير ..
الدراسات بتقول إن مجموعة الموظفين
اللي اخدوا الرحلة المجانية الخالية من "الإحساس بالذنب" بقوا سعداء أكتر وده كان مردوده أفضل على إنتاجيتهم في الشركة ..
بينما الموظفين اللي ظنّوا إن الفلوس الكاش حتكون أفضل
حسّوا بالذنب لإنهم ماينفعش يصرفوا المكافئة
دي في شيئ تافه زي الرحلة
قصاد الأولويات الأهم اللي وراهم.
فانت كصاحب شركة أنفع لك تحدد المكافئة
على شكل رحلة
بعد تحليل نفسية الموظف في حين إن اختيار المكافئة الكاش كان يبدو لك أكثر منطقية!
مثال تاني بيحكيه ريتشارد عن صديقته
اللي كانت محتاجة ملاية سرير مقاس دبل ..
السعر الأصلي للملاية الدبل كان 200$
والمقاس الكوين 250$
والمقاس الكنج 300$
والتلات مقاسات نازلين في عرض بسعر واحد 150$ ..
بيقول إنها اشترت المقاس الكنج
لإن عليه أكبر خصم
بالرغم من إنها أساسا محتاجة المقاس الدبل!
خيار غير منطقي بسبب تدخل عامل نفسي في اختيارها
وهو إحساسها بإنها تحصل على أكبر خصم ممكن.
مثال كمان ..
لو انت رايح تشتري جراب موبايل
ولقيته في محل بيبيعه ب 100 جنيه ..
بس انت كنت شايفه في محل قبله ب 90 جنيه ..
غالبا مش حترضى تشتريه من اللي بيبيعه ب100
وحترجع تشتري اللي ب90 علشان التاني أرخص 10 جنيه ..
لكن لو فرضنا إنك بتشتري موبايل وشفت واحد ب 9990 جنيه
وبعدها روحت تشوف محل تاني أبعد فلقيته ب 10000 جنيه ..
حتشوف إن العشرة جنيه الفرق
مش مستاهلة إنك ترجع للمحل الأولاني الأرخص ..
مع إن في حالة جراب الموبايل انت روحت للأوفر 10 جنيه
وفي حالة الموبايل مافرقتش معاك العشرة جنيه ..
منطقيا المفروض تسلك نفس السلوك في الحالتين ..
لكن نفسياً انت بتحسبها بالنسبة المئوية ..
في حالة الجراب انت وفرت 10%
لكن في حالة الموبايل المشوار مش مستاهل توفر 0.1%
مع إن هما هما العشرة جنيه في الحالتين.
الراجل ده مأسس نظرية لطيفة جدا اسمها "Nudge"
وأدق ترجمة شايفها مناسبة ليها بالمصري
هو: الزغدة .. (الدفعة الخفيفة - التحفيز) ..
حتى غلاف كتابه
عبارة عن فيل كبير بيدفع فيل صغير قدامه دفعة خفيفة ..
النظرية دي بتقول إن التعامل مع الاقتصاديات
من خلال فهم سلوكيات ونفسيات البشر
مش من خلال فرضية "العقلانية" الكلاسيكية
ممكن يخلينا نضيف إضافات بسيطة جدا (nudging) بتحسن قراراتنا
ويكون لها تأثير كبير جدا على الصحة والثروات والسعادة (الأهداف الأساسية من علم الاقتصاد) ..
في 2010 رئيس وزراء انجلترا ديفيد كاميرون
بمساعدة صاحبنا
عمل وحدة اسمها "nudge unit"
استعان بيها لإيجاد حلول إبداعية لتغيير سلوك العامة ..
مثلا في خطابات تحذير المواطنين المتأخرين عن دفع الضرائب كان المعتاد يستخدموا أسلوب تهديد شوية ..
ادفع اللي عليك وإلا حتفقد سيارتك اللي نوعها كذا.
لكن لما غيّروا التون وشرحوا للناس قد ايه الضرايب دي بتساعد في تحسين الخدمات وإنها ممكن تختفي بدون دفع الضرائب .. شوية التعديلات دي شهدت 210 مليون جنيه استرليني اتدفعوا من الضرائب المتأخرة للمواطنين دول ..
مثال تاني برضه في لندن الحكومة لاحظت انخفاض كبير في الاشتراك في نظام المعاشات في القطاع الخاص ..
كان علشان يبقى ليك معاش لازم تشترك في نظام باختيارك ويبدأ يخصم من راتبك وبعد تقاعدك يديلك معاش ..
لما حللوا الانخفاض ده لقوا إن أغلب الموظفين عايزين يشتركوا فعلا بس بيخافوا يدخلوا في تعقيدات إجراءات مش عارفينها وده بيتم بشكل عفوي إلا لو موظف بيدوّر ويدعبس علشان يشترك ودول مش الأغلبية ..
وبحل بسيط عملوه في 2012 وهو إن الاشتراك في نظام المعاشات بقى هو اللي افتراضي وأوتوماتيك بدون ما تطلب تشترك فيه وبيتم خصم جزء من راتبك على طول ..
مع احتفاظ الموظف بحقه في عدم إلغاء الاشتراك ده في أي وقت ..
يعني هو نفس النظام بس عكسوا
وخلّوا الاشتراك هو اللي default مش عدم الاشتراك.
الحل ده خلّى الاشتراك في النظام يقفز من 2.7 مليون في 2012
إلى 7.7 مليون في 2016 ..
فرق كبير جدا بتغيير بسيط وغير مكلف.
النظرية ليها تطبيقات كتير ..
زيادة مبيعات الأكل الصحي مثلا ..
ريتشارد ثيلر
شايف إننا مهما كتبنا تحذيرات من الأضرار والأمراض اللي بتسببها الأغذية الغير صحية ..
مش حيكون تأثيرها
زي لو بدّلت أماكن الأطعمة الصحية
وحطيتها في أرفف ظاهرة وبارزة في السوبر ماركت أو المطعم لأن أغلب الناس بيستسهلوا ويستعجلوا في اختيار الأكل اللي زي البرجر والشيبس
أكثر من اللي يبحثوا ويقروا المكونات الغذائية والسعرات الحرارية وده بعد تجربة عملها بتثبت ده.
تغيير بسيط وغير مكلف.
الرئيس الأمريكي السابق باراك أوباما
عيّن مستشار مخصوص اسمه Cass Sunstein
لتبنّي المفاهيم الاقتصادية السلوكية في الأقسام الحكومية زي نظرية ال Nudge دي ..
والإدارات في الدنمارك واستراليا وكندا وهولندا
بدأت تهتم جدا بالأساليب دي لأنها بتعمل تغييرات بسيطة وغير مكلفة لإحداث تحسينات كبيرة في صحة الشعوب وإسعادهم ..
واحنا؟؟؟
منقول للتجربة والتطبيق كمدير تسويق او صاحب شركة ، لأن هذه النظرية قائم عليها بند التسعير كأحد أهم ال 4Ps
|
|
Notes.io is a web-based application for taking notes. You can take your notes and share with others people. If you like taking long notes, notes.io is designed for you. To date, over 8,000,000,000 notes created and continuing...
With notes.io;
- * You can take a note from anywhere and any device with internet connection.
- * You can share the notes in social platforms (YouTube, Facebook, Twitter, instagram etc.).
- * You can quickly share your contents without website, blog and e-mail.
- * You don't need to create any Account to share a note. As you wish you can use quick, easy and best shortened notes with sms, websites, e-mail, or messaging services (WhatsApp, iMessage, Telegram, Signal).
- * Notes.io has fabulous infrastructure design for a short link and allows you to share the note as an easy and understandable link.
Fast: Notes.io is built for speed and performance. You can take a notes quickly and browse your archive.
Easy: Notes.io doesn’t require installation. Just write and share note!
Short: Notes.io’s url just 8 character. You’ll get shorten link of your note when you want to share. (Ex: notes.io/q )
Free: Notes.io works for 12 years and has been free since the day it was started.
You immediately create your first note and start sharing with the ones you wish. If you want to contact us, you can use the following communication channels;
Email: [email protected]
Twitter: http://twitter.com/notesio
Instagram: http://instagram.com/notes.io
Facebook: http://facebook.com/notesio
Regards;
Notes.io Team
