Notes

ان الله اذا احب عبدا ابتلاه !!!
...
معلش استحمل كلامى شوية لأنة هيكون صادم حبتين ولكنة يعبر عن وجهة نظرى وياريت تقراها للاخر بتركيز قبل ما ترد
.
أولا لازم اشرح شويه نقط كدا علشان توضح الأمور اكتر بشكل عام
.
1-لازم اتأكد من مصدر أى مقولة تجيلى فبل ما احطها فى عقلى اللا واعى لأن مقولة واحدة خاطئة ممكن تسبب لصاحبها الكثير من المشاكل فى حياته دون اين يدرى بأنها السبب
2-فى المقولات المنسوبة للدين والرسول لازم اتحقق من مصدرها كويس جدا وحتى لو حديث صحيح لازم اتحقق من المتن عن طريق مباينة الاراء حتى أستطيع ان اصل الى رأى يرضينى ويتماشى مع فطرتى التى فطرنى الله عليها
3-فهم الناس للدين مش دين ... يعنى لو الحديث صحيح والمتن متفق عليه من حقى أنى أعترض وأحاول تفسيرة بطريقتى علشان مبقاش بناقض نفسى ولان ربنا وحده بس اللى هيحاسبنى على دينى مش اى حد تانى وعلشان مقعش فى النقطة اللى كان بيقع فيه الكفار زمان (حسبنا ما وجدنا علية أبائنا) والنقطة ديه هى اللى جيه الاسلام علشان يغيرها
.
.
ثانيا قبل ما نتعرض للشرح خلينى اديك مثال صغير قد كدا هو
.
لو صغرنا المثال ده حبتين وقولنا "ان الأب إذا أحب أبنة أبتلاه" هل معنى ذلك أن الاب عندما يحب ابنة سوف يحرمة من مصروفة او سيمنع عنة الطعام أو سيجبرة على ترك تعليمة ... لا أبدا ... أختبار الأب للأبن هيكون عن طريق أنة يشتريلو هدية مثلا ويشوف هيحافظ عليها ولا لأ علشان لما يشتريلة حاجة اغلى يبقى متأكد انة هيحافظ عليها أو مثلا يعطيه سيارتة ليقودها بمفرده أو يأتمنة على ورق مهم أو سر من اسرارة ... كل هذة الأختبارات ليست فيها مشقة على الأطلاق بل كلها متعة وسعادة ... هو أيه المشقة والكد والتعب فى ان أبوك يديك عربيتة مثلا ... اذا الابتلاء فى مثال الاب كان كلة ايجابية ومتعة وحجات حلوه كتير
.
.
ثالثا نيجي بفى للمقولة نفسها "ان الله اذا احب عبدا ابتلاه"
.
1-هي ليست حديث ولم ترد عن النبى صلى الله عليه وسلم لا ندرى من أين مصدرها
2-طالما هى مش حديث يبقى ممكن نغير كلمة ابتلاه ل أختبره وهى تحمل نفس المعنى ولكن ابتلاه أشمل وأدق لكن للأسف مرطبته فى اذهان ناس كتيير انها كلمه سلبيه للأسف
3-مما لا شك فيه ان 95% من الأبتلاءات من ربنا بتبقى ايجابية ... يعنى مثلا كل نعم رينا عليك هى صوره من صور الابتلاء ... عينك ابتلاء, ايدك أبتلاء, علمك أبتلاء, فلوسك أبتلاء ... لأن ربنا بيختبرك بيهم وهيحسبك على اللى بتعملة بيهم يعنى ابتلاءات ربنا معاك فى اى وقت وفى كل حتة "وان تعدوا نعمة الله لا تحصوها" ... ولكن 5% بس هى الأبتلاءات السلبية زى المرض او موت حد عزيز عليك وديه حجات مبتحصلش كل يوم ومش قد نعم ربنا عليك
4-أشهر حديث يقترب من المقولة ديه اللى هو بيقول "اشد الناس بلاء الأنبياء فالأمثل فالأمثل" وهو حديث صحيح على فكرا لكن معناه مش ى ما ناس كتير فسرتة لأن اشد الناس بلاء هما الانبياء فعلا لأن ربنا اداهم علم و معجزات مش عند اى حد تانى من البشر "زى ملك سليمان مثلا" أو "ملك يوسف لمصر" ولازم ربنا يختبرهم ويشوف اذا كان هيأدو الرسالة زى ما أمروا ولا لأ وكذلك كل من يحمل رسالة أو علم "فالأمثلا فالأمثل" لكن بعض الناس للأسف بتبص ان الأبتلاء هو سجن يوسف او حرق ابراهيم بس " عليهم جميعا أفضل السلام" وان دايما ابتلاءات ربنا بتبفى سلبية بس مع ان ده غير صحيح اطلاقا
5-ده سؤال منطقى ... هو من المعقول ان كل ما حد معين يزيد فى حبة ليها هيعذبنى أكتر!!! هل ده منطفى؟!! أكيد لا ... حاجة غير منطقية بالمرة وايجابة السؤال ده تثبت وجهة نظرى اللى فاتت بكل نقاطها