Notes
Notes - notes.io |
اك لقيتها .. باتل غراوند لعبة مغاديش تخليك تسنى كيف نتا مولف فالعاب اخرين .. راك فاهم .... لوندينك سكرين هانتا غادي تنقز بالباراشوط من الطيارة وهانتا دخلتي وسط الاحداث بسرعة ... منبعد ماكاتنقز بالباراشوط ديالك نتا واكثر من 100 لاعب اخر ليقدو يكونو معاك غادي تنزلو لجزيرة كبيرة ... بحيت كاينين بزااف ديال الجزر متنوعة .... .
بالرغم من انه اللعبة مازال فطور التطوير لهذا مازال كنسمعوا انه اللعبة سميتها باتل غراون ايرلي اكسيس ... ولكن مقارنة بالبدايات ديال اللعاب المشهورة .. فباتلغراوند الاخطاء البرمجية والمشاكل دالسرفرات تقريبا منعدمة وقليلة بزاااف وماغاديش تأثر عليك اثناء اللعب ... الليعميها لشي وحدين وصافي
معلينا نرجعوا لاجواء التحليل على اللعبة ... اللعبة تم الاصدار ديالها فشهر مارس فهاد العام لهو 2017 بنسخة الارلي اكسس ...الاساس ديال اللعبة كيعاتمد على الباتل رويال ستايل ليكنقصدو بيه الاكتشاف ديال المناطق والبقاء على قيد الحياة ... الحاجة اكثر ليعجباتني فاللعبة هو انه فور ماكاتسباونا فالطيارة فانت ديجا دخلتي لقلب الاحداث ديال اللعبة يعني داكشي خفيف ضريف ... طيح من الطيارة نتا وصاحبك غتنزل غاتقلب على المعدات سلاح حوايج شي حاجة بحال هكا ... كيبان ليك صاحبك كيتقاتل مع شي حد كتجي تعاونو الا مات صاحبك كتبقا مقاتل مقاتل مقاتل حتى تكون نتا هو اخر رجل كيبقى على قيد الحياة
the last man standing
ههه ماكانقصدش اللعبة انمى كنقصد زعما نتا اخر واحد كيبقى حي وكيربح اللعبة ... بكل بساطة هادي هي اللعبة ديال
PlayerUnknown's Battlegrounds
اي اي اي ... بلاتي بلاتي مازال ماكملتش ههه جيتكم من الطريق ساهلة ياكا .....
ولكن اللعبة ماشي بديك السهولة ليقلت ليكوم دابا ...
بما ان الجزيرة ليكاتكونو كتلعبو فيها كبيرة بزااف وخص اللعبة تجمعكم فمكان قريب لبعضكم اللعبة دارت واحد السيستيم ليغادي يخليكوم تكونو مجموعين فمكان قريب جدا لبعضكم
هاد السيستيم غادي يخليكوم تكونو ملتازمين بدخول واحد الدائرة باللون الابيض ليغالبا شكلها كيكون بحال اشارات كهربائية فلاشية ليكاتكون بمثابة المنطقة الامنة فاللعبة اولا
safe area
وهاد الدائرة غادي تكون كتتقصل اولا كتصغار مع مرور الوقت
هيهيهيهي مازال ماكاملتش .. بل الاكثر من ذالك هو انه كاينة واحد الدائرة زرقاء غادييا وكتصغار نحو اتجاه الدائرة البيضاء ... واي واحد ماقدش يدخل المنطقة الامنة لهي الدائرة البيضاء ودازت عليه الدائرة الزرقاء .. مشا كفتا وغادي يموت بتدريج
واخيرا الدائرة البيضاء غادي توقف بشرط انه يكون اخر شخص كيبقى حي فاللعبة
شتي شحال اللعبة صعيبة .. ولكن هاد النوع دالصعوبة كيدل على انه اللعبة في عنصر المتعة ...
سمعتي اللالة سمعتي .. حلي ودنيك وسقيهم الليرضي عليك .. على ماركة كيدايرة
السيستيم ديال فكرة الدائرة البيضاء اولا سيف اريا هي فكرة ذكية جدا ... بحيث غادي تخليك تحس بلي كاين هدف من اللعب فهاد اللعبة ... طبعا كأنسان غادي تفكر فجوج خيارات ... يا ايما انك تمشي تقلب تقتل اللاعبين ليمازال ماوصلوش لدائرة البيضاء وانك تقلص المشاكل وتجمع الاسلحة بشكل كبير .. او انك تمشي بسرعة لدائرة البيضاء ولكن فالاخير كيكون الخطر كبير لانه غادي يكونو الناجين اكبر وتكون احتمالية الموت ديالك اكبر كذالك
كاين خيار اخر لهو انك تبقى
camper
فداخل المباني وانك تعتامد على عنصر المفاجئة وتجيب القتلات ديالك ايزي بيزي ... ولكن الا طحتي فشي ولد الناس واكل اللعبة غادي يعطيك علاش كاضور .. الحاصول دبر راسك
هادي هي القصة ليكتمحور عليها اللعبة .. ونفس الاحداث ليكيكونو فكل مرة ... وباش مايكونش واحد النوع من الملل ... كل مرة جديدة غادي تلعب فجزيرة مختلفة عن الاخرى .. ... ايضا اماكن تواجد ديال الاسلحة بكثرة غادي يكون متخالفة من سيرفر ل سرفر اخر ..
اللعبة كتخليك تحس بانك محرر من القيود ديالك اللعب ف الفريق ... بالرغم من انه خيار اللعب لوحدك او سولو فيه نوع من المغامرة ولكن هادشي كيحسسك انك بحال شي سراق زيت لينجا من القنبلة ديال هيروشيما هههه
كنفضل اكثر انني نلعب بفريق خاص كنكونو كندويو مع بعضياتنا .... وكيكيون التنسيق ديال الاحداث بطريقة جيدة وهكدا كيكون النصر الحليف ديالنا دائما
بخصوص ال gameplay
مانقدش نقوليكوم عليه خايب ولا زوين ... لانه اللعبة مازال فطور الارلي اكسس ... لذالك اللعبة مازال كتطور شوية بشوية ...بخصوص المنظور ديال اللعبة فهو رائع ... بلمسة زر كتقد تبدل بين المنطور الاول والثالث
اللعبة كيفما ذكرت سابقا انها مازال فطور التطوير .. فعادي انك تلقى شي مشاكل بحال مثلا ماكاتقدش تهز الاسلحة او بعض الاغراض الاخرى على الارض او بعض المرات كتكون كتيري بالسلاح ديالك وماكايوصلوش العدو نظرا لانه كاين واجد الجدار غير مرئي ....
عادي عادي والله خصك تشوف واحد لالاهم شنو دوزات علينا فالسوسانت اللاولين ديال اللعبة ديالها ... الليسامحك فهاد النهار
ولكن عموما المشاكل فهاد اللعبة نادرة الوقوع ... وكل مرة كيكون تحديث من الشركة كيتم اصلاح فيه المشاكل بسرعة
وحاجة اخرى ليغادي نضيفها هو انه اللعبة تباعت منها اكثر 3دالمليون نسخة على ستيم ... الرقم كيدل على انه اللعبة عندها اقبال جماهيري كبير ... واللعبة دارت بلاصتها فالسوق العالمي ديال الالعاب ...
وفالاخير واش تستاهل هاد اللعبة انك تشريها ولا لا .... نعم تستاهل تشريها هادشي كامل وهي غي فطور التطوير .. علم الله النسخة النهائية كيغادي طلع
وهادشي كامل لاقلناه غي باش تستهلك وبلا ماتهلك
|
|
Notes.io is a web-based application for taking notes. You can take your notes and share with others people. If you like taking long notes, notes.io is designed for you. To date, over 8,000,000,000 notes created and continuing...
With notes.io;
- * You can take a note from anywhere and any device with internet connection.
- * You can share the notes in social platforms (YouTube, Facebook, Twitter, instagram etc.).
- * You can quickly share your contents without website, blog and e-mail.
- * You don't need to create any Account to share a note. As you wish you can use quick, easy and best shortened notes with sms, websites, e-mail, or messaging services (WhatsApp, iMessage, Telegram, Signal).
- * Notes.io has fabulous infrastructure design for a short link and allows you to share the note as an easy and understandable link.
Fast: Notes.io is built for speed and performance. You can take a notes quickly and browse your archive.
Easy: Notes.io doesn’t require installation. Just write and share note!
Short: Notes.io’s url just 8 character. You’ll get shorten link of your note when you want to share. (Ex: notes.io/q )
Free: Notes.io works for 12 years and has been free since the day it was started.
You immediately create your first note and start sharing with the ones you wish. If you want to contact us, you can use the following communication channels;
Email: [email protected]
Twitter: http://twitter.com/notesio
Instagram: http://instagram.com/notes.io
Facebook: http://facebook.com/notesio
Regards;
Notes.io Team
