Notes

"AN OPEN LETTER FOR MY FORMER PRINCE"


Naaalala mo pa ba nung panahong magkaibigan pa lang tayo? Yung sobrang minsan lang tayo mag-usap. Yung minsan lang tayo magkamustahan. Hanggang sa dumating yung panahong nagpabago sa lahat. Araw-araw na kitang kausap. Naaalala ko pa kung kelan mo inamin na may nararamdaman ka saken at ganon din ako. Naging maayos ang lahat. Pinag uusapan pa natin nun yung future nating magkasama. Nangako pa tayo na hanggang sa huli, tayo parin. Naalala ko pa nun kung pano tumibok yung puso ko sa bawat iloveyou mo. At pano ko maramdaman ang mga paro paro sa tiyan ko tuwing nakikita kita. Walang halong takot ang puso ko dahil alam kong mahal mo ako. Na kahit matulog ako, alam kong andiyan ka parin. Lahat ng pagmamahal na kaya ko ay ibinuhos ko na dahil tinatak ko sa isip at puso ko na ikaw ang huling lalaking mamahalin ko. Pero di ko pa din alam kung bakit biglang nagbago. Ang mga pangako mo ay bigla na lamang napako. Nagulat na lang ako na ayaw mo na ako makasama. Na kahit ang mga iyak ko ay wala ng magagawa. Pinilit kung ayusin pero wasak na. Wala akong magawa dahil mismong ikaw ay ayaw mo na. Pakiramdam ko ay nasira lahat. Wala na. Wasak na. Gusto kita hilain pabalik sakin ngunit kumakawala ka. Talaga ngang ayaw mo na. Sa paglipas ng araw, nakikita kong okay ka. Na parang hindi nasasaktan. Samantalang ako, umaasa parin na pwede pa na hindi mo pala kaya nang wala ako. Pero hindi. Masaya ka. Masaya ka kahit wala ako. Gusto kong ibalik yung mga ngiti ko kasi ikaw lang may kayang makapagbalik nun. Sana bumalik ka. Imposible pero sana. Namimiss na kita ng sobra. Ang presenya mo. Ang mga yakap at halik mo. Ang pagmamahal mo, ikaw mismo. Pero ngayon wala akong magawa kundi ang maghintay sa muli mong pagbabalik. Oo hanggang ngayon andito ka pa 💙 nakatanim ka pa sa puso ko na para bang bumaon ng malalim ang ugat at ayaw nang mabunot. Ayokong magpaalam dahil hihintayin kita. Hanggang kaya ko pa. Mahal na kita noon, pero mas lalong mahal kita ngayon. At sa tingin ko, di na ako makaka alis sa patibong na pinaghulugan ko 💔



Princesa
BSCE
2014
Others