Notes

Ümidvaram, varsan Legend.
Hərşey ən sevdiyim fənnin, ən sevdiyim müəllimimin, dərsdə "dostlar, sizi, xatirələşən cavablarınız zatən unutdurmayacaq" deməsiylə başladı.
Bütün gün beynimdə dolaşan məhz bu cümlə idi: xatırladım, Legend. Unuda bilmədiyimi xatırladım..
"xatirələrimiz səni unutdurmayacaq."
Ən kövrək peyğəmbərliyim!

Yazmağımda bir səbəb yoxdu, ya məqsəd ummamışam. Bəlkə də yalnız mən elə hesab edirəm.
Onsuz da, getdikcə artan şiddətlə özümü tanımaqda sinqulyarlığa yaxınlaşıram, amma bu bilgisizliyimi daha da artırır.
Əslində, aşırı fəlsəfi transsendent bir cümlə ilə: "yazmağa səbəbim yoxdur, Leg. səbəblər özü yığışıb yazıya çevrildi.." deyə, duyğu sömürüsü ilə ya ümid cəftəli bir mesaj qapısını açaraq, yazıya başlaya bilərdim amma..
Hərşeyin fərqindəyəm, Leg. Bu qədər asan olmamalı. Utanıram?
İnsan cavabları inkar etdikcə, keçən cavabları - hər'lərdən utanmamağa başlayır, sonra hər kəsdən, sonra hamıdan..
Utanmadıqca yadlaşırsan utanmadıqlarına, başlayırsan digər uydurduğun başqa, yeni illuziyalara qapılmağa, başlayırsan dəyərlərə sığınmağa, sonra onlardan yavaş-yavaş utanmağa..
İnkarını doğuran suallarla doğmalaşırsan, yəqin ki, onlar həmişə var.
Keçmiş cavabların izləri, insanı çox acizləşdirir, birdənəm.
Sən ilk inkarımsan. Sən ilk cavabımsan - inkar etdiyim.

İçindəki ilahi ədalət hissini yenidən canlandırmaq üçün yazmalı idim: sənə qarşı günahlarımı əzablarımla yuyuram, Leg.

5 aydan çoxdu artıq, hər gün bütün eksistensial ağrılarımın subyektivləşdirdiyim halısan.

Hərşeyi yoluna qoyduğunun fərqindəyəm. Bir daha həyatına girib ya yenidən qarşına çıxaraq səni məhv etmək istəmərəm. Sırf yenə sənin üçün, əzab çəkməmən üçün bunları sənlə bu müddət ərzində bölüşmədim. İstəmədim bölüşüm.
21 yaşa, bu ağrıları götürmək istəmirəm.
Bölüşüb yüngülləşməliyəm.
Bu dəfə sənə qarşı yalnız özümü düşünəcəm...

Sən enerji kimisən, ruhuma hopan.
Necəki enerji təbiətdə itmir, bir haldan başqa hala keçir.
Necəki əfsanələr unudulmur, necə ki əfsanələr ölmür...

Sən mənliyimin ən ölümsüz zərrəciyisən!
Qibləgahım, içimdəki uşağa sadiq qala biləcəyim neçə il dönümləri arzu edirəm özümə..

Mesajın çatıb çatmayacağını bilmirəm, whatsAppda yazdım ancaq yəqin ki, hesabını sildiyin üçün gəlib çatmadı mən də internetin zibilliyinə atıram yazını, görsən belə sənin üçün əhəmiyyət kəsb edəcəyini ummuram, ya mesaja geri dönmən vacib deyil, amma..
Ümidlər əfsanələr kimidi, Legend!
Xoşca qal...

09.03.2018/05:58