Notes

Kultura ng Pilipinas.
Ang kultura ng Pilipinas ay binubuo ng pinaghalong tradisyonal na Filipino at Espanyol na mga tradisyong Katoliko, na may mga impluwensya mula sa Amerika at iba pang bahagi ng Asya. Ang mga Pilipino ay nakatuon sa pamilya at kadalasang relihiyoso na may pagpapahalaga sa sining, fashion, musika, mga kaugalian, sistema ng edukasyon, pagkain at iba pa.
Ang Pilipinas ay napakayaman sa pamana ng kultura na binubuo ng iba't ibang tradisyon at kultura, dahil sa iba't ibang impluwensya mula sa mga nakaraang kolonisasyon,
dahil din sa kolonisasyon na ito ay nagkaroon ng malaking kontribusyon sa kultura ng bansang Pilipinas,ang Wikang Filipino, na mas kadalasang kilala bilang Tagalog, ay maraming hiniram na salitang galing Kastila. Karamihan sa mga pinagdiriwang na mga tradisyon ay magkahalong Kristiyano, Pagano, at iba pang lokal na seremonya. Halimbawa na lamang nito ay ang kalagayan ng malaking pista, Ang mga Pista ay kadalasang may patimpalak sa katutubong pagsayaw at and pagdiriwang sa pagpapaalala sa mga Santong Patron ng mga bayan, barangay, o mga distrito.
Ang mga mangangalakal na galing sa ibang bansa ay may malaki ding kontribusyon sa bansa ng Pilipinas, Isang mabuting halimbawa ang karma, na hanggang ngayon ay pinaniniwalaan pa rin ng mga Pilipino. Marami sa mga pamahiin, hiniram na salita at pagkain, tulad ng pansit, siopao at iba pa ay minana sa mga mangangalakal na Tsino.

Ang bansang Pilipinas ay nahahati sa pagitan ng mga Kristiyano, Muslim, at iba pang pangkat; sa pagitan ng mga nasa lungsod at sa mga nayon; mga tagabundok at tagapatag; at pagitan ng mga mayayaman at ng mga mahihirap.

Ang kadalasang paraan ng pamumuhay sa Pilipinas ay:
Pagsasaka
Pangingisda
Pagnenegosyo
Pagiging propesyonal katulad ng guro, engineer,doctor,pulis at iba pa.
Ang mga kaugalian naman ng mga Pilipino ay may pakikipagbayanihan, may pakikisama, may hiya, may delicadeza, may utang ng loob at may pagpapahalaga sa isang tao.
May mga pansibikong pagdiriwang din ang bansang Pilipinas katulad ng Araw ng mga Puso, Araw ng mga Ina/mga Ama,Linggo ng Wika at iba pa. May mga pagdiriwang ding pangrelihiyon ang Pilipinas katulad ng Mahal na Araw, Pista, Pasko, Ramadan at iba pa.

Sa kabila ng lahat ng mga impluwensya ay napananatili parin ang kulturang pilipino saan ka man magpunta ang kultura at mga pagpapahalagang pilipino ay napakalinaw at higit na pinahahalagahan at pinalakpakan pa sa maraming bahagi ng mundo.