Notes![what is notes.io? What is notes.io?](/theme/images/whatisnotesio.png)
![]() ![]() Notes - notes.io |
أخرج من المنزل متحسراً ،، ذاهباً الى عمللي ف الاجازات عند محل عطارة والدي .
*محل العطارة بتاع بابا*
زبون 1:- السلام عليكم ..
- عليكم السلام
- ممكن بس تجيبللي الحاجات دي
- اتفضل .. (بمسك ورقة وقلم علشان اكتب اللي هيقولة)
- ١٥ جرام شيرش الزلوع .. ٢٥ جرام جوزة الطيب .. ٢٥ جرام بسباسة .. ٢٥ جرام دار صيني .. ٢٥ جرام جنزبيل .. ٢٥ جرام بذر بصل .. ٢٥ جرام طلح نخيل .. ٢٥ جرام غذاء ملكات .. واطحن لي الأعشاب دي كلها على بعضها على كيلو عسل ..
ببدأ أملّي العامل اللي عندنا الطلبات طلب طلب من الورقة ..
زبون1 بابتسامه صفرا :- متعرفش الحاجات دي بتجيب نتيجة ولا لأ
- لا والله ما جربتش يا حج
- هاهاها انت مش متجوز ولا ايه هاهاها
- لا والله .. بس عموماً الحاجات دي كلها طعمها حراق .. وهتخللي جسمك كله يسخن .. وبصراحه مش عارف هل ده بيأثر ولا لأ برضه ..
- أصل الدكتور في التلفزيون النهارده قالها على قناة الرحمه ،، وقال نتيجتها مضمونه واكيدة ومذهله
- مش عارف الصراحه .. انا مش بقتنع بالحاجات دي ..
- (اتبضن مني) طيب تمام .. هات الحاجه .. كام الحساب ؟؟
بعد ساعه ..
يقترب زبون جديد .. ينتظر المحل حتى تفرغ من الزبائن .. ثم يقترب في قلق ورييه .. ينظر يميناً ويساراً قبل ان يطلب :
- السلام عليكم .. بعد اذنك عايز الطلبات دي.
بيمد ايده بورقه فيها طلبات تبدأ ب ١٥ جرام شرش الزلوع .. و٢٥ جرام جوزة الطيب وتنتهي ب ١ك عسل ..
- خد يا محمد هات الطلبات دي زي المره اللي فاتت
بيقاطعني الزبون .. بس متجبش العسل .. انا عندي عسل
- خلاص يا محمد .. متجييش عسل
- كام الحساب ؟
بعد نص ساعه .. زبون اخر يقترب .. بنفس النظرات .. ونفس القلق .. ونفس انكسار العين ..
زبون3 :- السلام عليكم .. لو سمحت .. عندك الطلبات دي ؟؟
أنا :- عندك عسل ولا تاخد من عندنا ؟
بعد ساعه .. هاتفي يرن
- الو .. ايوا يا ابوالسيد .. شرش الزلوع ؟؟ ااه عندي ... بس خللي بالك الحاجات دي اشتغالات .. مليش دعوه ؟؟؟ طيب عندك عسل ؟؟ خلاص ماشي .. حاضر قابلني بالليل عالقهوه هجيبهوملك حاضر .. لا يا غبي الاعشاب .. مع السلامه .. معسلامه .
بعد صلاة العشا .. خارج من المسجد .. يوقفني الشيخ
- يا شيخ يوسُف (بضم السين)
- شيخ ؟؟ ماشي اهلاً مولانا ..
- كيف حالك يا ولد .. اسال الله ان يبارك فيك
- الله يكرمك يا مولانا
- انت عارف طبعاً الحديث اللي بيقول .. كان الله في عون العبد .. ما دام العبد في عون اخيه .. ثم التفت يميناً ويساراً قبل أن يخرج ورقة صغيرة من داخل جيب سري في محفظته
- عندك الحاجات دي .. ١٥ جرام شرش الزلوع ..
- عندك العسل ولا اجيبهولك انا يا مولانا
- ههههه لو عندك حاجه نظيفه ميضرش يا ابني .. الحساب كام ؟؟؟
بعد ساعه عالقهوه ..
- تسلم يا جو .. معلش تعبناك .. بس يا رب بقى هاهاها تيجي بفايده هاهاهاها .. ايه ده .. استاذ علي بينادي عليك .. شوفه عايز ايه ..
- السلام عليكم استاذ علي .. بنتادي عليا ؟
- اه اقعد عايزك .. ولا يا هيما ؟؟ شوف جو يشرب ايه ..
- الله يخليك يا استااذنا .. والله لسه شارب قرفه بالجنزبيل
- بمناسبة الجنزبيل .. تسمع عن حاجه اسمها شرش الزلوع ؟
- اه ده أشهر عشب ف مصر دلوقتي ..
- طيب بص بقى يا جميل ...
وهكذا لمدة اسبوع .. المحل و المحيط اللي عايش فيه كله عايز شرش الزلوع بالخلطه السحرية .. وكله بيشكر في النتيجة المذهله .. وانا مصدوم .. ازاي ؟؟ الخلطات دي اشتغاله يا جدعاان ..
لحد ما جات في باللي فكرة ..
مش يمكن الحاجات دي فعلاً بتجيب نتيجة وانا اللي ظالم الأعشاب ؟؟ .
مفيش غير حل واحد ..
انا لازم اقوم بتجربة الحاجات دي بنفسي ... بس ازااي ؟؟؟ انا مش متجوز ..
خلاص .. يبقى اجرب الحاجات دي على حد ثقه .. واشوف النتيجة بنفسي ..
طلعت عالسطوح حطيت مصيدتين للفيران .. بعد تلات ايام .. بقى عندي فارين في المصايد زي منا عايز ،، فار كبير جداً ذكر .. وانثى اصغر قليلاً
.. لبست بالطوا أبيض .. ونظارة طبيه سميكه وجوانتي طبي علشان ابقى زي اي بروفيسور ،، وبالمره تديني شوية وقار قدام الفيران اللي هجرب عليها ..
طحنت مسحوق الأعشاب كله على بعضه (بس زودت البسباسه شويه علشان اسمها عجبني ) .. وحطيته على ١ك عسل .. وجيت للفار الذكر .. وبدأت احطله المسحوق على طمطمايه من الخارج .. علشان اجبره يتذوق الخلطه السحرية .. وحطتهوله في المصيدة بتاعته
واستنيت تاني يوم ولبست نفس البالطوا و النظارة .. ومسكت ورقة وقلم علشان ادون ملاحظاتي زي أي بروفسيور وشغلت كاميرا الللاب علشان اسجل التجربة وبدأت ابصلها واتكلم :
" النهاردة أجبرت الفار الذكر انه يتذوق خلطة شرش الزلوع السحرية .. ودلوقتي هقوم بوضعه في صندوق زجاجي مع الفاره الأنثى .. اللي قومت بربط احد قدميها ببلاستر احمر لتميزها ،، وهسيبهم ليلة كامله مع بعض علشان اقيس مدى فاعلية الخلطة السحرية لعشب شرش الزلوع "
قفلت الكاميرا بعد وضع الزوجين مع بعض في الصندوق الزجاجي .. و قمت بتغطيته بقطعة قماش كبيرة ،، ونزلت من عالسطوح لانام ..
صباح تاني يوم .. لبست نفس البالطوا ،، والنظاره والجاونتي الطبي .. شغلت كاميرا اللاب .. وبدأت اسجل التجربة كأي بروفسيور فاهم شغله :
"دلوقتي هقوم بنزع قطعة القماش من عالصندوق الزجاجي للفارين .. (بشيل الغطا ... لحظة صمت تقارب الدقيقة) .. يا نهار ابيض ؟؟ شايفين اللي انا شايفه ؟؟ دي كارثة ؟؟ قصدي معجزة .. استنوا لما اقرب الكاميرا اكتر علشان نتأكد .. ده فعلاً .. الواضح امامنا الان ان انثى الفأر واقفه في ركن الصنوق غير مبالية بالوضع اطلاقاً تحاول نزع اللاصقة الحمراء من على قدميها ،، وفي منتصف الصندوق ،، في المنتصف تماماً ،، زي ما انتوا شايفين ..
يجلس أرنوب صغير جداً .. كيوت خالص ،، يا خراابي عليه .. كوكو خالص ..
لحظة واحدة !! ،، الارنوب الكوكو عايز فعلاً يقول حاجه ،، شايفين بيبص لنا ازاي ؟؟ شايفين نظرات عنيه بتقول ايه ؟؟ ... باخد نفس عميق .. انتهت التجربة "
بقفل كاميرا اللاب ،، وبخلع الجاونتي ،، وبمسك القلم علشان ادون خلاصة التجربة :
" بعد تجربة خلطة شرش الزلوع السحرية على زوج من الفيران .. اتضح الاتي :
منذ طفولتي وبعد عشر سنين خبرة في مجال العطارة والأعشاب تأكدت من صحة نظريتي .. وهي ان العلاج بالاعشاب 99٪ منه عبارة عن نصب ودجل من ناس بنت وسخة بتشتغل الشعب ،، والدليل هي تجربة خلطة شرش الزلوع ... التي حولت ذكر الفأر الى ارنوب كوكو ،، نظرات عنيه بتقول : أحا .. هي بقت كده ؟؟
وشكراً "
![]() |
Notes.io is a web-based application for taking notes. You can take your notes and share with others people. If you like taking long notes, notes.io is designed for you. To date, over 8,000,000,000 notes created and continuing...
With notes.io;
- * You can take a note from anywhere and any device with internet connection.
- * You can share the notes in social platforms (YouTube, Facebook, Twitter, instagram etc.).
- * You can quickly share your contents without website, blog and e-mail.
- * You don't need to create any Account to share a note. As you wish you can use quick, easy and best shortened notes with sms, websites, e-mail, or messaging services (WhatsApp, iMessage, Telegram, Signal).
- * Notes.io has fabulous infrastructure design for a short link and allows you to share the note as an easy and understandable link.
Fast: Notes.io is built for speed and performance. You can take a notes quickly and browse your archive.
Easy: Notes.io doesn’t require installation. Just write and share note!
Short: Notes.io’s url just 8 character. You’ll get shorten link of your note when you want to share. (Ex: notes.io/q )
Free: Notes.io works for 12 years and has been free since the day it was started.
You immediately create your first note and start sharing with the ones you wish. If you want to contact us, you can use the following communication channels;
Email: [email protected]
Twitter: http://twitter.com/notesio
Instagram: http://instagram.com/notes.io
Facebook: http://facebook.com/notesio
Regards;
Notes.io Team