Notes
Notes - notes.io |
واحنا صغار كنا نحب اي بنت بالحاره .. هو بالحاره بالعاده ما بيكون الا بنت وحده بس .. طبعا الكل بحبها .. ماكان في اشي اهم من بنت الجيران بالحاره .. فش موبايل تتش ولا فيسبوك فش منخفضات جوية و ربيع عربي .. فش اراب ايدول .. التلفزيون ما كان فيه الا ( عمان الاولى ) و ( عمان التانية - مغبشة ) كان اهم مسلسل نهاية رجل شجاع .. يعني فش باب الحارة .. فش غير هالبنت بالحاره ..
بعرفش ليش كنا لما نلعب ( فطبل ) بالحاره ،، اذا مرقت جارتنا .. كنت اصير اصمدّ بالفطبل .. اصمد يعني اطجّ الفطبل ع اجري دون سقوطها على الارض .. ما بعرف وين الفكره بس كنت افكر انها ازا شافتني ( لعيييّب فطبل ) رح تحبني ،، هكذا تقول الاسطورة !
كان عمري ١٤ سنة كنت احبها لجارتنا ،، طبعا هيه كانت كبيره وشنعه بتشبه ( معلمة ) الفيزيا النكدة إلي جوزها وولادها بكرهوها وعايشين معها مجامله .. ام النضارات اللي بتقص اضافرها .. طقم اسود مخطط ابيض بالطول لانها قصيره وعمرها ما حكت معي الا كلمتين ،، اصلا مع اخوانها ما كانت تحكي من كتر مهي نمرودة وشايفه حالها .. المهم كان معها سياره ،، هيه الوحيدة بالحاره اللي كان معها سياره ،، سيارة أقساط ،، عليها من ورى صورة عبسي
المهم انا فكرت وقلت لازم اكتبلها رساله واحطها بالسيارة ( جو قديم وهيك ) ،، وجبت ورقه من دفتر مربعات وكتبتلها رساله ،، كتبت بالزبط :
انا بحبك ،، انا جاركم اللي اعطيتيني ( الفطبل ) لما وقع عندكم .. انا بحبك بس تحكيش لحدا
وشكرًا
المخلص عمر .
( وكم قلب حب مايلين وهيك )
المهم من كثر مأنا حدق وشاطر ،، كتبت اسمي بآخر الرساله وحبيبك المخلص وقلب حب وسهم وحرفي وحرفها وجو رومانسي قديم ،، وملقيتش عطر ارشو عالورقه .. رشيت معطر جو ،، المهم رحت عالسياره عالخمسه الصبح ،، وقعدت للثمنية وانا بحاول ادخل الورقه من طرف باب السياره ،، وضليت عباب الدار استنا ،، طبعا حسيت انو كل الحاره عرفو وشافوني وانا بحط الرساله .. المهم من حظي الحلوووو .. بهداك اليوم اخوها كان بدو يوخد السياره يرخصها :((
انا شفت اخوها رايح عالسياره ،، برضو عملت اني شاطر و رحت لاخوها وحكتلو هسا اجا شب و حط رساله بسيارة اختك ،، هو عصب وخف عقلو ،، فتح الباب وطال الورقه وقرأها وخف عقلووووو اكتر ،، ومن هبلي انا وقفت جنبو اقرأ معو بس هوه بعد عني ،، وانا لما قرأت تذكرت اني كاتب اسمي ،، مش عارف ليش حسيت انو صار معي سرطان بالثدي .. هربت وصرت اركض هوه لحق وراي شوي بعدين رجع وحكالي والله لافرجيك يا تووووووووووت يا ابن التوووت ،،
انا يومها رحت نمت عند صاحبي (نعمان) ٣ ايام و ٤ ليالي غير شامل اشي ،،
وبس رجعت لقيتو حاكي لابوي الله يرحمه وحكالو هاد صغير وجاهل و بستحيش !!
بس بعد هالموقف حبيتها اكتر .. زي اللي عنجد ..
و لسّــا ..
|
|
Notes.io is a web-based application for taking notes. You can take your notes and share with others people. If you like taking long notes, notes.io is designed for you. To date, over 8,000,000,000 notes created and continuing...
With notes.io;
- * You can take a note from anywhere and any device with internet connection.
- * You can share the notes in social platforms (YouTube, Facebook, Twitter, instagram etc.).
- * You can quickly share your contents without website, blog and e-mail.
- * You don't need to create any Account to share a note. As you wish you can use quick, easy and best shortened notes with sms, websites, e-mail, or messaging services (WhatsApp, iMessage, Telegram, Signal).
- * Notes.io has fabulous infrastructure design for a short link and allows you to share the note as an easy and understandable link.
Fast: Notes.io is built for speed and performance. You can take a notes quickly and browse your archive.
Easy: Notes.io doesn’t require installation. Just write and share note!
Short: Notes.io’s url just 8 character. You’ll get shorten link of your note when you want to share. (Ex: notes.io/q )
Free: Notes.io works for 12 years and has been free since the day it was started.
You immediately create your first note and start sharing with the ones you wish. If you want to contact us, you can use the following communication channels;
Email: [email protected]
Twitter: http://twitter.com/notesio
Instagram: http://instagram.com/notes.io
Facebook: http://facebook.com/notesio
Regards;
Notes.io Team
