Notes

صباح الخير :) انا بعد كتابتي للمسج البارحة وضعت رأسي على وسادتي وامسكت بكتاب وبدأت اقرأ وخلال ثلاث دقائق انتقلت الى العالم الآخر من شدة التعب والانهاك , ما علينا ههههه , المهم انا لما قرأت بعض اسئلة صاحب الظل اللطيفة واجوبتك عليها وجدت نوع من التواصل لكّنَكي قُلتي بأنّه اختفى وما عاد يتواصل معك عالآسك , هذا طبيعي ... انا لأ ما بختفي هههه

بالنسبة للمساعدة والتناصح هاد , هو شيء طبيعي واساسي في حياتنا .. انا بعرف انه في احد حُجُرات دماغك ما زِلتِ تتسائلين من انا ؟؟
وانا كمان بعرف بعض الاسئلة مِثل ليش شَهد بالذات وشو سبب التناصح وليش انا مجهول و و و
في سبب بسيط حسب مُعتقداتي , انا الان بدي اميّز نفسي واحكي اني صديقك الالكتروني .. اذا كشفت عن هويتي الحقيقة ومن هوَ هذا الـ"شين" فلَن ابقى بعدها صديقاً الكترونياً -ليسَ عدوا بالطبع- لكن هذه الشفافية ربما ستزول وراح تتغير امور أخرى ومن الافضل ان اتوقف هُنا ولكن بنهاية الامر اكيد رآح تعرفي كل شيء =)

وشكراً عالثقة , وهاي من انواع الثقة اللطيفة بين الناس بغض النظر عن السبب إن كُنتُ لا اعرفك او لا تعرفينني وما إلى ذلك .. المهم إنه في ثقة وهاي احدى القواعد الاساسية الموجودة عنا بالمجموعة :P

ضِيق ,عدم ارتياح , رغبة بالصُراخ , احاسيس متداخلة ... يآآآه كلها عاشرتها في قلبي في سابق الزَمان وكانت مؤذية صراحة
"سلامةُ قَلبك يا شَهْد . هاي الحالة النفسية اللي بمر بها الواحد احياناً وليس دائماً بشعر بالضيق وعدم الارتياح
وانا مُتأكّد انه السبب دنيوي وليس ديني , بما انه غَلَب في حياتنا الطابع الدنيوي وصار له تأثيره العظيم على حياتنا فاصبح الواحد اذا "خَبَّص" بإمتحان يصبح مائِلاً متمايلاً مهموما وحزين , اما لو انه "ضَيَّع" صلاة الفجر فإنه يغدو مشرِقاً في الصباح ومهلهِلاً ووضعه تمام وقيسي على ذلك ما صِرنا إليه اليوم .. عالعموم راح اكون مُنصف واحكي بكل صراحة وهذا ما عَهدتيه عني -من اول مرّة تحركشت عالآسك- هههه ..... هسا الاِناث بشكل عام رقيقات وبتأثّروا بسرعة وهاي حقيقة واقعية إنه الشب بتحمل كلام ومواقف اكثر من البنت ولكن احياناً بنسبة التأثّر بتتفاوت وبالتالي الاسباب اللي دَفعتك للضيق وعدم الارتياح ممكن عند صديقتك ما تتأثّر او تعتبره يوم عادي وسَأُداوله كيفَما كان ,,,
طيب بما انك طالبة جامعية وبتدرسي -كهربآ ._. - وبالجامعة الاردنية -جامعة النفسيات والدكاترة الشريرين هههه - اكيد راح يصير عندك ضيق وسببه الاكبر راح يكون الجامعة ولَفيفُها ,, وبالتالي آنسة شَهد لازم تكوني مَرِنة اكثر خلال تفاعلك مع الاحداث اللي بتصير معك لتفادي مشكلة الضيق وما في داخلك من آهات , وهذا الشي يتطلب منّك ثقة بالنفس كبيرة وكمان ما تستغربي بس لازمِك عَدم مبالاة وهاي سِر من الاسرار اللي تعلمتها بإنّه بعض المواقف يتطلب منك استرخاء تام وان لا تُبالي بما يتفاعل معك ومرّات بتقدري تقلبي الموقف لصالحك ليتحول من سبب ضيق الى سبب تخويت وهاي طريقة عَملية ,, فلا تحزني من امور بسيطة وحاوِلي الّا تشغلي تفكيرك باحداثٍ مضت وانا حاسس إنه قلبك يتألم بس خلص لازم تعطيه آنتي-بآيوتِك ويصير اقوى من السابق ... يعني بدك تصيري تتعاملي مع اي حَدَث يومي يحدث معك بكل مرونة لإنك انتي المُتحكّمة الوحيدة في طريقة سَير يومِك بالرغم من حدوث المُنَغِّصات الّا إنه لازم ما تتأثّري فيها خصوصاً بالامور الدراسية كالجامعة والمواصلات والطلاب والدكاترة والامتحانات وهاي الشغلات ...
لانه صراحة لو بدي اقعد واحط كفّي على وجهي وانحَب يومي واحكي "ليش هيك بصير معي" و"ليش انا بالذات" و"انا بكره كذا وكذا " وقتها للاسف ما راح يقدر يعيش الواحد منيح ..

انا عَن نَفسي , بس يزعّلني شي ويدفعني لعدم الارتياح والصراخ الباطني هاد ... بمتص ما في داخلي وبحاول اتمالَك نفسي وممكن افرّغ القليل منه لوحدي في غرفتي السرية , لكن سأنسى وراح امشّي يومي مثل ما بدي ولم ولن اسمح لموقف سخيف او انسان صعلوك يخرّب يومي لانه بحاول التأثير علي بطريقة سلبية ... ولا يَخفى على شَريف علمِك إنَّ الله مع الصابرين
برضه برجع بحكيلك " ينعن عينو يلي بزعّلك وبخلّيكي تتدايقي" اقتلي النَكد ومشّي حياتك
فَــرفِـــشــي =))

صباحك لوز بإذن الله :)
وشو صار معك بالدائرة الكهربائية -يا رب تكون زبطت- ؟