Notes

Isang araw hingal na pumunta si Alina sa kaniyang Ama upang magsumbo na dinaya siya ni Bentot sa teks (Laruang pangpinoy) "Ehh kasi naman Tay eh si Bentot dinaya nanaman ako sa teks." Tinawanan siya ng kaniyang Ama at pinangakuan siya na magsasabi siya kung magpapa-alam na siya sa mundo.

Lahat ng babae nagkakagusto sa kaniyang ama ay inaayawan niya at pasimpleng sinisiraan sa kaniyang ama. Gumagawa ng paraan si Alina para hindi mag-usap ang kaniyang ama at ang babaeng tipo nito o kaya siya mismo nagsasabi sa babae na ayaw niya ito para sa kaniyang ama. Isang araw nahuli ni Alina ang kaniyang ama na makikipagkita ito sa kaniyang babae na siya si Rachelle at ayaw niya kay Rachelle dahil hindi naman ito maganda. Sa totoo lang lahat ng babae na lumalapit sa kaniyang ama ay pinipintasan niya. Katulad nina Rose ay malaki ilong. Neri ay mabaho ang pabango at kay Lili ay baliko ang mata. Pinangaralan siya ng kaniyang ama na mali ang kaniyang ginagawa. kalaunan, hindi nagwork out ang pangliligaw ng kaniyang ama kay Rachelle dahil sinabi ni Alina na may ibang pangnililigawan ang kaniyang ama. Mula noon hindi niya na nakita si Rachelle kaya naging malungkot ang kaniyang ama ng ilang araw.

Kalaunan may bagong nililigawan ang kaniyang ama na si Cathy isa itong balik-bayan na maganda kaya wala siyang masabi o malait dito. Kaya siniraan niya ang kaniyang tatay kay Cathy at sinabing marami itong babaeng iniwan at hindi sineryoso. Kinagabihan, umuwi ang kaniyang ama na galit ngunit hindi niya alam kung bakit kaya pinagtimpla niya nalang ito ng kape. Bago pa niya pa maabot ang kape, tinanong muna siya ng kaniyang ama kung ano-ano pinagsasabi niyang kasinungalingan kay Cathy. Nagalit si Alina kay Cathy dahil sinungaling ito at sinabi ang kaniyang imungkahi kay Cathy sa kaniyang ama. Tumakbo nalang si Alina sa kaniyang kwarto at umiyak. Makalipas ng ilang oras, pumasok ang kaniyang ama sa kaniyang kwarto at doon sila nag-usap nang masinsinan. Umamin ang kaniyang ama na gustong gusto niya si Cathy at napa-amin siya na nagseselos siya rito dahil baka mawala ang kaniyang atensyon dito.