Notes

Paano mo masasabi na ika'y Pilipinong ng tataguyod sa pagpapayaman ng ating Wika? Anong mga hakbanggin ang iyong maaaring gagawin upang mabigyan pansin ang pagpapayaman at paggamit ng wika?

Masasabi ko na ako'y isang Pilipinong nag tataguyod ng ating wika sa pamamagitan ng paggamit nito sa pakikipagtalastasan sa aking kapwa, pagpapakadalubhasa sa asignaturang kaugnay ng wika at paghikayat sa kapwa kabataan na patuloy na gamitin at bigyang pansin ang ating sariling wika. Bilang isang mag-aaral na nagpapakadalubhasa sa wikang Filipino, tunay na ang wika ang daan sa pagkakaisa at simbolo ng kaunlaran ng isang bansa. Ang mga hakbang na maaari kong gawin upang mabigyan pansin ang pagpapayaman at paggamit ng wika ay ang paginagamit nito sa araw-araw sa pakikipag-usap. Oo nga't madalas na ating gamitin ang ating mother tongue, ngunit kung maaari ay gamitin din natin ang ating pambansang wika paminsan minsan. Hindi lamang nito mapapalawak ang atin bokabularyo ngunit makakatulong din ito upang mapreserba at patuloy na magamit ang ating wika. Bukod pa rito ang Pilipinas ay may iba't ibang diyalekto subalit, halos lahat ay nakaiintindi o nakapagsasalita ng wikang Filipino at itoang nakapaguugnay sa mga Pilipino. Malaki ang impluwensiya ng wikang Ingles sa ating bansa, lalo na ito ang pangunahin wikang ginagamit upang makipagkalakaran sa ibang bansa. Hindi ipinagbabawal ang paggamit ng ibang wika sapagkat ito nga ay nakakapag-bigay pa ng dagdag na kaalaman, ngunit kung maaari ay mas unahin nating tangkilikin ang ating sariling wika. Akin ding napapansin sa mga kabataan ngayon, ay uso ang mga pinaikling salita o mga bagong style ng pagsasalita, marahil ay dulot ito ng impluwensiya ng makabagong teknolohiya. Ang ilang kabataan ay nalilimutan na nilang gumawa ng isang pangungusap na kumpleto at may saysay sapagkat minsan ay naangkop na nila ang mga salitang ginagamit madalas sa internet.