Notes

السلام عليكم
الجلسة كان فيها تولجان (مالك الايلوكس ) و كمال (الشخص اللي عم يتواصل معي دائماً )
الجلسة كانت باسطنبول بمكتب شركة الايلوكس
اول شي سألوني
عندك مشكلة بالشغل معنا
قلتلهم لأ ، قرار العمل معكم مو عندي، انا بشتغل وين بتوجهني الإدارة ،

قال اول شي بالنسبة لموضوع السيرفرات ، الحكومة ما رح تسمع بوجود سيرفرات في إدلب ، قلتلو ممكن تعيد الكلام مرة تانية رح اكتبو مباشرة مشان ما يصير سوء فهم ، قال الحكومة "اللي جلسنا معاهم" -يقصد المخ- لن تسمح بوجود سيرفرات في إدلب ، قلتلو انا رح اكتبها متل ما قلتلي ياها و انقلها للإدارة و فرجيتو شو كتبت بالإنكليزي و اكدت عليه اكتر من 5 مرات بالجلسة على هي النقطة
قال السيرفرات حصراً لازم يتم إدارتها من قبل اي لوكس ، هاد قرار من الحكومة
الحكومة تريد ابقاء الوضع مستمر على حالو، يعني :
ايلوكس تدير كل شيء
انس و نحن نبيع سيمات و ناخد عمولة فقط

قال الحكومة بهمها جمع المعلومات عن إدلب و هاد الامر عن طريقنا حصرا ، و إذا الإدارة عندكم بدهم معلومات نحنا ممكن نتعاون معكم،
قلتلو هاد الموضوع بتم مناقشتو بين الإدارة الداخلية و الجهات المعنية بالحكومة التركية ، و انا ما عندي قرار بهاد الخصوص ، لكن رح انقل الرسالة متل ما حكيتلي ياها تماماً

قالو في عنا عرض رح تستفيد انت و نحنا و الإدارة
قلتلهم شو هوة
قال نحنا منبيعك سيمات ب 7 دولار و انت بتبيعها بشقد ما بدك
و منبيعك بطاقات شحن و بتاخد 15% عمولة مربح يعني :
بتشتري من عنا ب 100 الف دولار بطاقات شحن و بتبيعها ب 115 الف دولار ، بيطلعلك 15 الف دولار
و بالنسبة لأنس ممكن نجلس معو و تتفقوا انت و اياه على نسب

قلتلو يعني انا متلي متل انس تماماً ، قال نعم تماماً
اكدت عليه اكتر مت مرة على النقاط و قلتلو ارسملي عرضك عالوح ،
فرسمو و صورتو مشان ما يصير اي سوء فهم
و قال بدك تشرح للادارة انو مافي ارباح ليصير عندكم مليون مشترك
قلي نحنا لحد الان ما عم نربح شي
قلتلو ليش شغال اذا ما عم تربح، انا مكانك بشغل المبلغ بغير مشروع ، الك ٥ سنين ما ربحت شي و لسا شغال،
قال ما سمحولنا نوسع
قلتلو اخر سنة سمحولكون ووسعتو و لحد الان ارباحكم دون الحد الأدنى و هي انت عم تقول ما عم تربح شي!
قال نحنا شركة عمرنا ٥٠ سنة
منشتغل حتى لو ما ربحنا
قلتلو غريب ما حدى بيشتغل هيك
قللي شقد متوقع ارباح
قلتلو ١٠٠ الف دولار بالحد الادنى بعد التشغيل ب6 اشهر
قلي بس يصير غندك مليون مشترك ممكن تربح ١٥٠ الف ، و نحنا هاد عرضنا اللي عطيناك ياه 15%

حاول طول الجلسة ياخد مني كلمة انو تم الاتفاق بيني و بينوا ولو مبدئياً ، فكان طول الوقت يقلي ( انا رح خبر المسؤولين بالحكومة انو اتفقنا ) قلتلو لا لسا ما اتفقنا، انا اخدت عرضك و بدي قدمو للإدراة أنا دفعت ضرائب و اذونات لحصلت على إذن للعمل و بدي ادفع 75% من ارباحي للإدارة ، يعني إذا بدو يطلعلي الفين تلاتة من المشروع و يطلع للإدارة 10 الف ، ما رح يقبلو ، قللي هيك انس عم يشتغل معنا و هوة عم يعطي الإدارة عندكم مبلغ حقيقي، قلتلو عم يدفع بحدود 10 إلى 12 الف بالشهر ، قلي هاد المبلغ صحيح ،
قلتلو انا صرت دافع لحد الآن 2 مليون و لسا في قدامي 2 مليون و في معي شركاء
قلي شو رايك بالعرض اللي عطيناك ياه، قلتلهم عرض ال15% انا شخصياً مو موافق عليه، ولا الإدارة رح توافق عليه، قلي شو عندك عرض ، قلتلو كمثال فقط و ما بتوقع يظبط حتى لكن ، ممكن نقترح 50% ع فواتيركم، قال ال15 % هي نفسها 50، لأن نحنا في عنا دفع للتركسيل و لفودافون و للمنظمة الدولة للإتصالات و و و ،،، قللي ممكن نفرجيك الفواتير ، قلتلو حتى 50% ما رح تظبط انا شو بعرفني بفواتيركم و دفعاتكم ، قلتلو ما بتوقع تظبك قضية النسب، إذا حصل و افتقنا ممكن نشتغل بيع و شراء
قلتلو خليني انقل الصورة و العرض اللي عطيتني ياه للإدارة و بردلك خبر، إذا ما حلينا موضوع السيرفرات ما خرج نحكي باي شي،

قلي طيب خلينا نختصر الوقت ، ركب برج من ابراجك الجديدة و خلينا ندمجوا مع شبكتنا ، قلتلو طول بالك ، اول شي خلينا نتفق ، ما خرج نشتغل بهي الطريقة ،

بإختصار حجي ، هدول ناس ما بتوقع خرج نشتغل معهم،
هنن عم يحاولو يركبو ابراج 4ج و بدهم يوسعوا ، فبرائي ما نسمحلهم ...