Notes

TALAMBUHAY NG MGA SANTO
1 SANTA TERESITA NG NINO JESUS
Ang dalawang kaluluwa - Luis Martin at Celia Guerin
ay kapwa nagnais maglingkod sa Panginoong Diyos,
ang una sa pagpapari at ang huli sa pagmamadre. Subalit
ibang daan ang nakatakda sa kanila. Ang dalawang ito
ay nagkakilala at ikinasal. Sampu ang naging bunga ng
kanilang pagmamahalan. Isa sa mga ito ay si Maria
Francisca Teresa Martin na kilala rin sa pangalang SANTA
TERESITA NG BATANG JESUS O MUNTING BULAKLAK.
Maagang nabalo si Luis Martin. Ang kanyang mga anak
ay hinubog sa pamumuhay na angkop sa aral ng
Panginoong Diyos, bagay na makikita sa pagiging madre
ng apat niyang anak. Hindi nagtagal, pumasok din si Teresita
sa monasteryo ng mga Carmelita sa Lisieux noong Abril 9,
1888, sa kabila ng maraming sagabal. Lalabing limang taong
gulang pa lamang siya nang matanggap sa kumbento. Ito
You sent
about a minute ago
ang kanyang layunin:
"Magligtas ng mga kaluluwa
at ipanalangin ang mga
alagad ng Diyos."
Masaya at panatag ang
kalooban sa pagpapabanal
ng sarili at paglilingkod sa
Diyos, tinupad niyang
mabuti ang iba't ibang
gawain sa monasteryo.
Ang lihim na kabanalan ng
santa na matatagpuan sa
kanyang aklat, Kasaysayan
ng Isang Kaluluwa ay
"ang pagsuko ng sarili
You sent
a few seconds ago
sa Mahal na Kalooban ni Jesus at pagtitiwala sa Kanya
sa lahat ng bagay tulad ng isang maliit na batang natutulog
na walang takot sa bisig ng kanyang ama." Sa tanang buhay
niya ay wala siyang ginawang himala. Noong 1896
nagsimula ang kanyang paghihirap at pagtitiis sanhi ng sakit
sa baga na kanyang ikinamatay noong Setyembre 30, 1897.
Wika niya, "Gugugulin ko ang aking langit sa paggawa ng
kabutihan sa lupa, magpapaulan ako ng mga rosas."
Si Santa Teresita ay kinikilalang pintakasi ng mga
misyon at ng mga maysakit sa baga.
ARAL: Ang "Munting Daan" ng kabanalan na itinuro ng santa ay
batay sa aral ng Panginoon: "Kung hindi kayo manunumbalik at
tutulad sa mga bata ay hindi kayo papasok sa kaharian ng langit. Ang
sinumang magpakumbaba na tulad ng batang ito, siya ang lalong
dakila sa kaharian ng langit. "(Mt. 18: 3-4)
You sent
a few seconds ago
2 ANG MGA ANGHEL NA TAGATANOD
Mula pa noong ika-16 dantaon, ang mga taga-Espanya
ay mayroon nang malaking debosyon sa mga ANGHEL
NA TAGATANOD, na kanilang ipinagdiriwang tuwing
kapistahan ni San Miguel Arkanghel. Si Papa Clemente X,
ang siyang nagpalaganap ng pistang ito ng mga Anghel
na Tagatanod sa panganib ng katawan at kaluluwa.
ARAL: "Sikapin ninyo na huwag hamakin ang isa sa maliliit na ito,
sapagkat sinasabi ko sa inyo na ang kanilang mga anghel sa langit ay
laging nakaharap sa aking Amang nasa langit" (Mt. 18:10) Manalig
tayong lagi sa tulong ng ating mga Anghel na Tagatanod.
3 SAN REMIGIO
Si SAN REMIGIO ay may malaking kinalaman sa
pagiging Kristiyano ng makapal na pangkat ng mga barbaro