Notes

Sumasang-ayon ako sa sinabi ng awtor na si Jimuel Naval sa video file na "Estado ng Wikang Filipino" sa kaniyang sinabing ang wika ang kaluluwa ng isang bansa at ito ang paraan upang malaman na ang bansa ay nagsasarili dapat may sarili itong wika. Naniniwala ako na ang wika ang nagbubuklod sa ating mga Pilipino at ang dahilan kung bakit tayo nagkakaintindihan. Naniniwala rin ako na ang bawat bansa ay nangangailangan ng wikang pambansa dahil ito ang pagkakakilanlan ng isang bansa at ang tanda na ang isang bansa ay nagsasarili. Sumasang-ayon din ako sa sinabi ng awtor na si Virgilio Almario na sa kasalukuyan ay napakalaki na ang kaibahan ng Filipino sa naging batayan nito na Tagalog. Bagama't nagmula ang ating wikang pambansa sa Tagalog na ngayon ay tinatawag na Filipino ito ay nagkaroon ng malaking pagbabago sa paglipas ng ilang mga taon dahil sa impluwensiya mula sa ibang bansa at mga salitang pinaikli o mga bagong salitang ginagawa ng mga tao.Sumasang-ayon din ako sa pinahayag ni Jimuel Naval na aralin natin ang wikang Englis bilang pangalawang wika. Karamihan sa mga Pilipino lalo na ang mga magulang o sa paaralan ay mas nakapukos sa pagtuturo ng Englis sa kanilang mga anak o mag-aaral na ang nangyayari ay mas lumalawak ang kaalaman ng mga Pilipino sa Englis kaysa sa wikang pambansa. Sang-ayon din ako na ang wika ay pinag-aaralan at hindi natural sa ating mga tao bagama't normal o natural sa atin ang pagsasalita dahil ang pag-aaral ay nagbibigay sa atin ng kaalaman.