Notes

السلام عليكم
الكارتردج؟ سهل يتهكر*ارمي الكارتردج*.. السي دي؟ تهكيره أصعب.. بس سهل نسبيا*ارمي السي دي*.. الدي في دي؟ نفس الحكاية.. البلوراي... هنا استصعبوها!*لا ترمي حطها بشويش*.. وبعد ما ننسى *طلع الهاردسك* إنه في أجهزة تم تهكيرها عن طريق وضع الألعاب كاملة.. في هاردسك*ارم الهاردسك*! طيب كل هذي طرق التهكير المختلفة اللي مرت عليها الألعاب وأكثر فايدتها إنك تلعب الألعاب المنسوخة الرخيصة نسبيا!
اللي نلاحظه إنه مع تطور التقنية تصير عملية التهكير أصعب مع كل مرة، بس كل ما له التهكير بشكل منافس يحاول يجاري هذا التغيير، مثلا البلاي ستيشن 2 في بداية أيام تهكيركان لازم تسوي عدة خطوات بشكل متتالي: أولا تركب قطعة جوا، وتركب قطعة خارجية أحيانا، تشغل شريط جيم شارك مثلا وتختار اللعبة اللي تبغى تشغلها، ومنها تشتغل! الوضع تطور بعد كذا وصار يكتفي بقطعة داخلية بس.. بعد كذا صار الوضع فري من دون أي هاردوير، تهكير بالسوفتوير! تهكير السوفتوير نقدر نعتبره إنه هو آخر مرحلة، لأنك فعليا قاعد تغير ببناء نظام التشغيل، مو القطع نفسها!
التهكير كان موجود من بداية وجود السوفتوير فصعب نحدد بدايته، وعشان كذا كثير من شركات التطوير (خاصة أيام كانت الألعاب على فلوبي ديسك) تحاول تسوي عملية تكتشفت لو اللعبة مهكرة أو لأ (تسمى بآنتي-بايراسي لوكس). تعتمد بشكل رئيسي على إنه كل ما شغلت اللعبة فيجيك سؤال منها، جوا هذا السؤال موجود في المانييوالز اللي تجي مع اللعبة! بمعنى ثاني لازم تكون شاريها. في كثير من الألعاب اللي عمدت إنها تسوي هالشي بشكل مضحك، مثلا يسألونك عن كلمة في صفحة معينة في سطر معين! .. المشكلة حاليا إن هالشي ما صار ينفع بوجود الإنترنت! لأن الحلول ممكن تجدها في أي مكان.. عشان كذا صاروا يحاولون يحطون طرق ممكن تعيقك في اللعب.
مثلا في لعبة مايكل جاكسون ذا إكسبيريينس للدي اس، لو شغلت اللعبة واكتشفت إنها من روم محملة فكل ساوندتراكس اللعبة يشتغل معاها صوت الفوفوزيلا... أو لعبة ألان ويك، نسخة البي سي، بيعطي ألان آي باتش حقت قراصنة، بتصعب عليه اللعب والرؤية خصوصا في الليل! أو في لعبة بوكيمون فايرريد وليف جرين، لو كانت اللعبة منسوخة فراح يطلع لك هذا الكلام في أحد المحادثات!
في كثير من طرق الآنتي-بايرسي المختلفة، تقدر تشوف بعضها في الديسكريبشن. طيب أحد يعرف وضيفة الفري لودر؟ في أجهزة الريجن لوكد (الأجهزة اللي ما تشغل الألعاب الا من الريجون نفسها، خصوصا أجهزة نينتيندو) فالفري لودر مهمته إنه يشغل لعبة من ريجون مختلف! هل هذا الشي يعتبر مخالف؟ أكيد.. بس هل هو هاكينج.. امممم مدري بالضبط وش يسمى بس أعتقد إنه أحد الأنواع.
طيب.. علامة البطريق هذي.. وين تذكر إنك شايفها قبل.. طيب كذا *البانر كامل*.. لو ما عرفتها فحاول تشوف أشرطة كوبي عندك للبللاي ستيشن 2.. في السابق أيام الكوبي لهالجهاز كانت هالأشرطة المنسوخة منتشرة مرة عندنا.. أي لعبة تشتريها تلقى هذا البانر! طيب وش سالفته؟ بعد بحث مدة ساعتين عن الموضوع كان في مصادر تتكلم عن هالشي المسمى بالبلاي ستيشن إكسبيرينس. الغريب إن كل هالمصادر كانت بالأندونيسية! جوجل ترانزليت ما قصر وطلعت شركة.. أو خلنا نقول "ماركة" للتهكير هناك! الأشرطة المهكرة هذي اختلفت وتطورت ولكل واحد فيهم ميزات! بعضها أفضل من الثاني و"ينصح فيه" وبعضها مجرد أبجريد للماركة.. على ما يبدو إنه سبب وجودها عندنا هو بعض اللي يستوردونها بكميات كبيرة من أندونيسيا. أعتقد هذا هو أكثر سبب منطقي *كيس سولفد*
بعدها تطور التهكير وصار في متناول الجميع ولاحظنا صار في استغناء كبير عن "ماركة أبو بطريق" ذي.. بسبب إنه التهكير والنسخ المحلي صار متوفر وأسهل.. فصار في موزعين معتمدين للتهكير يوزعون على المحلات ألعاب هكروها ونسخوها، وثانيين يعدلون على ألعاب مشهورة ويحطون فيها بصمتهم. يعني أكيد الكل بيتذكر *أهلي هلال شباب قادسية*. هي تعتبر نسخة مهكرة وانتشرت بسبب إنها مناسبة للمحتوى السعودي أكثر.
بعدها راحت السالفة لشكل أكثر متخصص وصارت المحلات بنفسها هي اللي تنسخ لأنه هالشي أرخص لها، ومن هنا تبدأ الفنون بشتى أنواعها تطلع! في كثير من الناس والمحلات أخذوها للنيكست ليفل وورونا أشد الأشياء غرابة *أغنية بايخة مع بعض الصور العبيطة لأشرطة الألعاب*
طبعا في كثير من الأشخاص اللي صنعوا طفولتنا بسبب تعريبهم لبعض الألعاب لأن جهدهم كان طالع من قلب! شكرا جزيلا لعدنان على ترجمته لكابتن ماجد العائلة واللي كانت عملية جدا صعبة وقتها! الترميز العربي ورسمه في جهاز مو مدعوم في هذاك الوقت مو شي بسيط أبداً! وهالكلام من طالب حاسب. فشكرا له على جهده الرهيب.. بس في نفس الوقت ما اعتقد بأقول شكرا للي وصّل "الدوري الياباني" للجزء السبع ميّين *رقم كبير جدا بمقياس السوبر م ه د*..
في سؤال بديهي واللي هو تفضل تهكر أو أصلي بس أحسه تسليكي... خلنا نقول شي ثاني، مثلا هل تفضل الألعاب يتم تهكيرها عشان يصير فيها محتوى عربي مختلف شوي عن اللعبة أو لأ؟
عموما اللي ما شاف الحلقتين السابقات بق بق
وكالعادة آت إكسترا مهد، محمد العويد، مع السلامة
*يلتفت البطريق*
"""وش فيك أنت علينا حنا البطاريق؟ هاا؟؟""
والله... آسف
""حنا ما نهكر.. تسمععع؟؟ لبلبلبلبلبلبلبلبلبلبلبلب""
()()()() بعد الكريديتس ()()())()
نظرة البطريق..