Notes

Ang White Skin Mentality ay talagang nagsimula noong dumating ang mga Kastila dahil sila ay mayroong ibang kulay ng balat kompara sa mga Pilipino na moreno o brown skin. Ito’y rin ay lumala nang dumating ang mga Amerikano sa Pilipinas at naimpluwensyahan pa maslalo ang mentalidad ng mga Pilipino at ginawa silang “standards” sa maraming paraan lalo na sa kulay ng balat. Ang pagkakaroon ng maputing balat ay nagpapakita ng estado sa lipunan. Ang ating matatawag na “label” na mayroong ang mga may kayumanggi na balat ay tinatawag na mahihirap lamang, hindi nakapagaral, at sa pangkalahatan, mababa ang estado sa pamayanan at hindi sila tinatrato ng maayos at kadalasan ay tinatawag na “laborers” lamang. Sa panahon ngayon, dala-dala pa rin ng mga Pilipino ang konseptong ito kaya naman tayo mayroong mga produktong na nagsasabi na pwede pumuti ang balat ninyo kapag ito naman ay pinahid sa balat niyo o tinurukan naman sa ating katawan. Siguro masasabi natin na baka naman hindi ito ganoon ka-toxic o ano naman ang magagawa nito sa atin? Pero, kung tutuus`in, marami sa produkto na mga ito ay mayroong toxic chemicals na, kadalasan, ang mataas na porsyento ng Mercury ang nilalaman nito. Maraming mga bumibili ng mga “uncertified skin whitening products” na, ayan nga mataas ang nilalaman na Mercury, hindi edukado sa bagay na ito kaya naman madali silang maloko ng nagtitinda ng mga ito. Dadami lang din at dadami ang biktima ng paso, peklat, mga pantal pantal, at mga iba’t ibang klase ng fungal infections. At para na rin maidagdag sa sagot kung ano nga ang nagagawa nito sa atin, para naman sa mentalidad, ito ay “toxic” sa paraan ng hindi na natin minamahal ang ating sarili sa aspekto ng kulay ng ating balat. Hindi na natin na“appreciate” ang ating pagkapilipino at ang pagiging ating sarili na mismo. Bukod pa sa pagmamahal sa kulay ng balat ng mga taga-ibang bansa, mayroon ding paksa na halos katugma nito na pareho rin halos ang epekto sa mentalidad dahil ito rin ay isa pang “beauty standard” na nanggaling din sa mapuputi.