Notes

خلاصة الاجتماع بخصوص الداتا سنتر
اخذت منهم خيارين
الخيار الأول انو يتم الشراء بشكل رسمي و تحويل بنكي و فواتير نظامية
سلبيات و إيجابيات هاد الخيار
الإيجابيات انو كل شيء بتم بشكل رسمي و كل شيء موثق و فواتير مفصلة و دقيقة و تسليم على العنوان في تركيا
السلبيات انو البضاعة رح تبقى بذمة الشركة اللي رح تشتريها و رح تخرج تهريب، و رح ندفع 18% ضريبة +25% ضريبة على أرباح الشركة
يعني إذا كانت البضاعة مكلفة عليهم مثلاً 50 الف و باعونا ياها ب 100 الف ، الفرق بين الشراء و البيع هوة الربح =50 الف ، الحكومة بتاخد 25% من 50الف فالشركة بتحط ضريبة الأرباح على المشتري بحيث يطلعلها 50 الف صافي للشركة ، أما ال18% فهي على المشتري و بتاخدها الحكومة من قيمة الفاتورة كاملة

الخيار الثاني انو نشتري بدون فواتير او اثباتات رسمية
السلبيات و الإيجابيات
السلبيات انو مافي شيء موثق قانونياً ، فالشركة ممكن تنصب علينا (طبعاً انا عم اذكر كل الاحتمالات) لكن خيار النصب ضعيف جداَ لأن هي الشركة كبيرة و عندها عقود مع التركسيل و الترك تيليكوم و فودافون ، و هي نفسها اللي اشترينا من عندهم المشروع بقيمة 1.5 مليون تقريباً ،
الإيجابيات انو رح نوفر 18% و كل الضرائب و مافي مسؤولية قانونية

أنا حاسس انو الشركة طمعانين كتير ، لأن عرفانين انو الداتا سنتر ضروري و هم اللي اقترحوه اصلاً انا ما كنت متوقع انو لازمنا ولا رفعتو بالدراسة ، و هم ما استفادو كتير من مشروع ال4ج، لأن انا كنت بعرف الأسعار من المصنع فكانت ارباحهم شبه مكشوفة

الخيارات اللي عنا
انا شفت اكتر من شركة بتركيا و خارج تركيا ، وكانت عروضهم اقل من نصف عرض هي الشركة ،
شفت شركتين او تلاتة بتركيا ، وحدة مشتغلة مركز كهربا شبيه بالداتا سنتر لكن بخص الكهرابا فقط ، مثل محولة مركزية
و شركة مو مشتغلة داتا سنتر من قبل بس قاللولي انو بيشتغلولنا ياه أول مرة
و شركة بدهم مني اعطيهم رسم الحديد و هنن بيقصو و بيطعجو عالطلب ( يعني ما الهم علاقة بالموضوع)
خبرت الشركة بالاجتماع انو في عروض ارخص منكم، ليش عرضكم غالي لاكثر من الضعف، قالولي نحنا شغالين بهاد المجال من سنوات و عندا تققيم و عالي و زباينا حكومات و شركات عالمية ، و عنا شهادات دولية أي شي منبيعك ياه منعطيك فيه شهادة و هاد بخلي الداتا سنتر اللي عندك متوافق مع شروط الشركات العالمية مثل التركسيل و غيرها، قلتلهم ما بدي شهادات ، قالولي حتى إذا ما بدك ياها ، نحنا دافعين عليها ،
فنياً:
نحنا بحاجة إلى داتا سنتر لمشروع ال4ج لكن يمكن التركيب بدونو
المخاطر أنو يضرب السيستم اللي عنا
ممكن متل ما خبرتك انو اعمل داتا سنتر مصغر ما بكلفنا 50 الف و اقل، لكن حسب الخبرة و حسب ما شفت ، الشركات تنصح بشدة بوضع السيرفرات ضمن بيئة خاصة يلي هية داتا سنتر، و من التجربة ، سيرفرات طويلو ضروبو اكتر من مرة و اضطر لشراء سيستم جديد
خيارات الشراء :
1. يتم الشراء عن طريق الشركات اللي عند فولكاان، و نحاول نخرج البضاعة اللي بتطلع نظامي ، و اللي ما بتطلع منحاول نرتبها ، او منخلي هوة يرتبها، بهي الطريقة بصير فوولكاان كفيل فقط و ممكن الشركة اللي رح تساعدنا تاخد نسبة بسيطة جداً كون انو كلشي انا رح اشتغلو انا و هنن فقط رح يشيلو الأمور القانونية
2. الشراء عن طريق شركات وسيطة و وسطاء اتراك (كنت عم اشتغل بهي الطريقة آخر فترة و هنن دخلولي الأمور اللي شفتها من مضخمات و سيكتورات و غيرو)
طبعاً هاد تم بعد نقاش طويل مع المدير ، انا انزعجت منهم لأسلوبهم ، لكن بالأخير تم الاتفاق معهم على الخيارين اللي ذكرتلك ياهم اول الرسالة، و بالنسبة لعرض السعر، قال أسعار المعادن ارتفعت و هاد العرض قديم و ملغى، و حتى العرض القديم كان مخطط على أساس الاوتوكاد اللي رفعتو للمغارة،طلبت منو سعر تقريبي ، فما عطاني قللي بس تقرر بعطيك دراسة دقيقة مافي سعر تقريبي ، لكن من النقاش فهمت انو اللي رح يزيد هوة فقط نسبة ارتفاع المعادن ، حالياً المكان اختلف فممكن تختلف بعض الأمور زيادة او نقصان (غالباً نقصان لأن المساحات صغرت )، و بدهم قرارنا يوم الاثنين لحتى يتم المباشرة بالعمل، و إذا ما عطيناهم قرارنا يوم الاثنين رح تلغى الصفقة بسبب انو مشروع صغير متل هاد اخد اكبر من حجمو نقاشات و تفاوض على حد زعمهم
ملاحظة: عرض الشركة في حال تثبيت الطلب يتضمن داتا سنتر متكامل ولا يتضمن التالي
الاعمال الانشائية : الحفر و البناء و تمديد شبكات الكهرباء و الانارة و ما شابه لبناء المركز
مصادر الطاقة: مولدة او منظم الواح طاقة شمسية ،
أبواب او اسقف مستعارة ( نحتاج بابين او ثلاثة أبواب مضادات و عازلات للحرارة والحرائق)
موانع صواعق