Notes

Magandang araw sa lahat ng mga mamamayan na nagbigay ng kanilang oras upang makinig sa aking talumpati.
Para sa talumpati ngayong araw ay tatalakayin natin ang ating isyu patungkol sa "throw-away culture" ito ay ang pagtatapon ng mga bagay na magagamit pa sa pag-aakalang hindi na to magagamit o dahil sa mayroon ng kapalit ang bagay na tinutukoy. Isa sa halimbawa nito ay ang food waste. Mayroong mga tao na bumibili ng sobra sa mga grocery store kung saan ang sumosobrang pagkain ay napapatapon na lamang lalo na ang mga binili sa sale na hindi naman nailuto o nagamit. Isa rin sa nagiging dahilan nito ay ang mga gamit elektrikal. Kagaya ng mga cellphone. Tuwing may mga bagong cellphone na ipinapakilala sa mga online platforms ay malaki ang pagkakataon na gugustuhin natin itong bilhin at napapatapon nalang ang huli nating ginamit kahit ito ay gumagana pa. Dahil dito mas maraming electronic waste ang naiipon at nakakasira sa ating kalikasan. Para maiwasan ang mga ito ay kailangan nating magtulungan at turuan ang ating sarili at kapuwa ng tamang pagtatapon at ng pagbili lamang ng kailangan. Kapag natutunan natin ang mga ito ay malaki ang maibabawas natin sa mga kalat na nakapaligid sa ating bansa at mas magkakaroon tayo ng maayos at malinis na lipunan. Yun lamang at maraming salamat sa pakikinig. Muli ay alalahanin na ang bawat isa ay malaki ang parte sa pagbabago ng ating lipunan at maaabot lamang natin ang ating pangarap na kinabukasan kung tayo ay magtutulungan.