Notes

Bakı Şəhəri Qaradağ rayonu Sahil Qəsəbəsi Əliyar Gülbabayev küçəsi Bina 14 , Mənzil 2 adresində yaşayan Leyla Rzayeva Mirzəhüseyn qızından Azərbaycan Respublikasının Daxili işlər naziri cənab Vilayət Eyvazov'a

Cənab nazir vaxtınızın məhdud olmasına baxmayaraq qiymətli vaxtınızı aldığıma görə sizdən üzr istəməyi özümə borc bilirəm. Mən fəxr edirəm ki, gündən-günə çiçəklənən demokratik Azərbaycan respublikasının vətəndaşıyam. Başda cənab prezident İlham Heydər oğlu Əliyev olmaqla sizi və ölkəmizi Qarabağın alınması və 44 günlük müharibədə göstərdiyimiz uğurlu nəticə münasibətilə təbrik edirəm.

Cənab nazir özüm həyat yoldaşım və övladlarım şəraiti olmayan kirayə mənzildə sıxıntı və problemlər içində yaşayırıq. Övladlarımın ikisi ciddi İxtioz xəstəsidir. Onların hər ikisi ulu öndər Heydər Əliyevin adına olan Heydər Əliyev fondunda qeydiyyatdadır.
Cənab nazir , Heydər Əliyev fondunun prezidenti xanım Mehriban Əliyeva və vitse-prezidenti xanım Leyla Əliyevanın bütün uşaqlara olduğu kimi bizim uşaqlarımızada qayğı ilə yanaşdıqları göz önündədir. Bu qayğıya görə biz valideynlər həmişə dövlətimizə və dövlət böyüklərimizə təşəkkür edirik. Heydər Əliyev fondunun bizə həmişə maddi və mənəvi dəstəyinin şahidi olduq. Və mən buna görə də dövlətimizə dövlət başçımıza və onun ətrafında olan sizin kimi etibarlı və sadiq dövlət məmuruna təşəkkür edirəm.
Cənab nazir , yuxarda qeyd etdiyim kimi kirayə yaşadığım mənzildə uşaqlarımın tərbiyə və təhsili ilə məşğul ola bilmədiyim üçün özümə mənzil almaq məqsədilə 2 ilə yaxındır ki, qızıl əşyalarının satışı ilə məşğulam. Mən 47.000 AZN dəyərində olan qızılları Vüsalə Sədrəddin qızı Süleymanovadan götürüb Gülbəs Kamal qızı Hüseynova'nın vasitəsilə rəfiqəsi Hüseynova Aysel'ə vermişəm. Onlar mənim etibarımdan sui-istifadə edərək Cinayət Məcəlləsinin 178-ci maddəsinin tələbini pozublar.
Cənab nazir , bizim aramızda olan razılaşmaya görə Aysel Hüseynova hər ay mənə 3000 AZN ödəməli idi lakin , dələduzluğa əl ataraq 7 ay ödədikdən sonra 3 aydır ki, ödəniş etmir. Mən öz hüquqlarımı tələb etmək üçün Daxili İşlər Nazirliyinin 102 qaynar xəttinə müraciət ettim lakin Qaradağ rayonu 38-cu polis bölməsi araştırmanı aparan polis mayoru təhqiqatçı müstəntiq Vəliyev Azər öz maraqlarına görə qanuna hörmət etməyərək mənim hüquqlarımı bir polis zabitinə yaraşmayan formada tapdaladı. Bu vəziyyətdə mənə qarşı olan haqsızlığa görə ailəmizdə ciddi maliyyə problemi yaranıb və mən kirayə qaldığım mənzilin aylıq kirayə haqqını ödəyə bilmirəm. Bu hadisəyə görə evə qazanc gətirən xəstə yoldaşımın müalicəsi belə dayandırılıb. Cənab nazir bu vəziyyətimiz də biz inanırıq ki demokratik Azərbaycan respublikasının dövlət böyükləri bizə yardım edələr və cinayətkarların cəzalandırılması və bizim malımızın qaytarılması üçün kömək edələr.