Notes

Япон улсын Эмнэлгийн тоног төхөөрөмжийн худалдаа, засвар үйлчилгээний KOSMIC co.,Ltd ийн Монгол дахь төлөөлөгч болох Гал инженеринг сервис ХХК-ийн зөвлөмжид тулгуурлан дараах тоног төхөөрөмжүүдийг сонгон авахаар төлөвлөсөн. KOSMIC компани нь зөвхөн дотооддоо болон Монгол улсаар зогсохгүй Филиппин улсад тоног төхөөрөмжийн засварын үйлдвэр, сургалтын төв бүхий 120 хүнтэй салбар компаниар дамжуулан Зүүн өмнөд ази, Номхон далайн орнууд, АНУ-ын Чикаго хотод тоног төхөөрөмжийн худалдаа, засвар үйлчилгээний хамтарсан компаниар дамжуулан Өмнөд, Хойд Америк, АНЭУ ийн Дубай хот дахь худалдааны компаниар дамжуулан Ойрхи Дорнод болон булангийн орнуудад тоног төхөөрөмж, сэлбэгийн худалдаа, засвар үйлчилгээ, инженер техникчдийн сургалт зохион байгуулдаг, өргөн хүрээтэй үйл ажиллагаа явуулдаг байгууллага юм. Гал инженеринг сервис компани нь KOSMIC co.,Ltd-ийн төлөөлөгч бөгөөд Монгол улсад дундын зуучлагчгүйгээр хямд, чанартай дүрс оношлогооны хуучин тоног төхөөөрөмжийг нийлүүлэн, Монгол улсад суурьшаагүй орчин үеийн тоног төхөөрөмжийг иж бүрнээр буюу түлхүүр гардуулах нөхцлөөр борлуулдаг бөгөөд өнгөрсөн хугацаанд чамгүй олон ажлуудыг амжилттай гүйцэтгэсэн туршлагатай юм. Эдгээр гүйцэтгэсэн ажлуудаас дурдвал:
• Номун эмнэлэгт 64 зүслэгт компьютер томографийн аппарат 1 иж бүрдэл, Ангиографийн аппарат 1 иж бүрдэл, C-arm рентген аппарат 2 ш
• NRB ХХК-д 64 зүслэгт компьютер томографийн аппарат 1 иж бүрдэл, 16 зүслэгт компьютер томографийн аппарат 1 иж бүрдэл, MRI соронзон резонансийн аппарат 1 иж бүрдэл, 4D Эхо аппарат 2 ш
• Фрэндшип Наран ХХК-д Тархины оношлогооны зориулалт бүхий 64 зүслэгт VCT компьютер томографийн аппарат 1 иж бүрдэл
• ХСҮТ-д Тархи, зүрхний тусгай зориулалт бүхий Ангиографийн аппарат 1 иж бүрдэл (Монгол анх удаа)
• Сэлэнгэ аймгийн Нэгдсэн эмнэлэг болон Баруун хараа сумын Нэгдсэн эмнэлэг 4 зүслэгт компьютер томографийн аппарат тус бүр 2 иж бүрдэл
• Дорнод аймгийн БОЭТ-д 16 зүслэгт компьютер томографийн аппарат 1 иж бүрдэлийг KOSMIC co.,Ltd болон тус компанийн хандиваар 50 хувийг санхүүжүүлэн нийлүүлж, бүрэн угсарч, эмч мэргэжилтэний сургалтыг зохион байгуулан хүлээлгэн өгсөн.
Энэхүү туршлага, чанар, хямд үнэ, борлуулалтын дараах үйлчилгээ буюу засвар үйлчилгээ яаралтай үед хурдан хийгдэх, гэмтлийн үед сэлбэг хэрэгслийн олдоц болон үнэ хямд зэрэг давуу талыг харгалзан үзсэн болно. Үүнээс гадна тоног төхөөрөмжийн нэг жилд ажиллах явцийн урсгал зардал (цахилгаан, хөргүүрийн шингэн, засвар үйлчилгээний хөлс, нэг удаа өвчтөнд зориулсан нэг удаагийн хэрэгсэл гэх мэт) хямдыг тооцоолон сонгосон.
Зөвхөн Монгол улсаар зогсохгүй гадны улс орнуудын эмнэлгийн менежментийн жишээг судлахад дүрс оношлогооны салбар бол эмнэлгийн нийт орлогын ихэнхийг бүрдүүлдэг ашигтай салбар бөгөөд тоног төхөөрөмжийг зөв сонгон, өөрийн өртөг болон урсгал зардлыг зөв тооцоолон ажилласнаар тоног төхөөрөмж өөрийгөө бүрэн санхүүжүүлэн, ашигтай ажиллах боломжтой байдаг талаар Япон улсын мэргэжилтэнүүд зөвлөж байсан.
Мөн тоног төхөөрөмжөөс дутахгүй ач холбогдол бүхий нарийн мэдрэмж бүхий дүрс оношлогооны тоног төхөөрөмжийг суурилуулах зэс болон тугалган хамгаалалтын өрөөг Энэтхэг болон Тайвань улсын компанид захиалан шинээр үйлдвэрлүүлэн, угсруулах талаар хэлэлцсэн болно.