Notes

გიგზავნით #3 კაზუსის შინაარსს. პასუხი ითვალისწინებს მაქს. 10 ქულას.

1. 2020 წლის 10 თებერვალია, მიმდინარეობს გადახდისუუნარობის საქმის წარმოების პროცესის პირველი კრედიტორთა კრება, შემოწმდა კრედიტორული მოთხოვნები და დღის წესრიგის საკითხია: მომრიგებელი საბჭოს დაკომპლექტება;
2. მოვალემ არ დანიშნა მომრიგებელი საბჭოს წევრი და განაცხადა რომ უარს არ ამბობს მომრიგებელი საბჭოს წევრის დანიშვნაზე, მაგრამ ამ უფლებამოსილებით ისარგებლებს მხოლოდ მას შემდეგ რაც მის მიერ წარდგენილ კერძო საჩივრებზე მიღებული იქნება საბოლოო გადაწყვეტილება;
3. კრედიტორებმა სასამართლოს თხოვეს სანამ მოვალე მოიფიქრებდა და დანიშნავდა წევრს, კრედიტორთა კრებას მისცემოდა საშუალება აერჩია მომრიგებელი საბჭოს წევრი. კრედიტორთა კრებამ აირჩია მომრიგებელი საბჭოს ერთი წევრი.
4. სასამართლომ გადადო კრედიტორთა პირველი კრება 2020 წლის 02 მარტს და გააფრთხილა მოვალე, რომ მას უნდა დაენიშნა მომრიგებელი საბჭოს წევრი, წინააღმდეგ შემთხვევაში სასამართლოს შეეძლო ემსჯელა მოვალის გაკოტრების შესახებ.
5. მოვალემ არც შემდეგ კრედიტორთა კრებაზე დანიშნა მომრიგებელი საბჭოს წევრი და ამის საფუძვლად მიუთითა რომ კერძო საჩივრებზე განხილვა არ არის დასრულებული და მას მეტი დრო სჭირდება მომრიგებელი საბჭოს წევრის შესარჩევად.
6. სასამართლომ ისევ გადადო კრედიტორთა პირველი კრება 2020 წლის 10 აპრილს და დანიშნულ დღეს მოვალე არ გამოცხადდა კრედიტორთა კრებაზე. ამასთან, კრედიტორთა კრების დღის წინა დღეს მოვალემ მიმართა სასამართლოს განცხადებით და მოითხოვა გაკოტრება კანონის 27-ე მუხლის მე-2 პუნქტის საფუძველზე და წარადგინა მიმდინარე და ბოლო რამდნემე წლის ფინანსური ანგარიში.
7. კრედიტორთა კრებაზე მეურვემ წარადგინა ფინანსური ანგარიში, რომელშიც უთითებდა რომ მოვალემ 2019 წელი დაასრულა ფინანსური მოგებით, ხოლო 2020 წლის პირველი კვარტალი ზუსტად ისე დაიწყო როგორც 2019 წლის. ამასთან მეორე კვარტლის დასაწყისში პანდემიის გამო მოვალემ განიცადა ზარალი. მიუხედავად ამისა არსებობს მოვალის ფინანსური სიძნელეების დაძლევით კრედიტორთა დაკმაყოფილების შესაძლებლობა.
8. კრედიტორთა კრებაზე კრედიტორთა ხმების 50%-ზე მეტის მფლობელმა კრედიტორმა რომელიც ასევე ერთადერთი უზრუნველყოფილი კრედიტორია, მიმართა სასამართლოს, განაცხადა რომ მხარს უჭერს მოვალის რეაბილიტაციას და საჭიროებისას შეუძლია დააფინანსოს მოვალის საბრუნავი სახსრები, რომ აუცილებელია მომრიგებელი საბჭოს შექმნა რომ ნეიტრალურმა ორგანომ შეაფასოს მოვალეს აქვს თუ არა რეაბილიტაციის შესაძლებლობა და დააყენა შუამდგომლობა სასამართლოს წინაშე რომ სასამართლომ იხელმძღვანელოს კანონის ანალოგიით და დანიშნოს მომრიგებელი საბჭოს მეორე წევრი.

ამოცანა: თქვენ უნდა შეასრულოთ მოსამართლის როლი და მიიღოთ გადაწყვეტილება. დაასაბუთეთ გადაწყვეტილება და მიუთითეთ ასევე შესაბამის სამართლებრივ ნორმებზე.

კაზუსზე პასუხი უნდა მომაწოდოთ 2020 წლის 24 ივნისის ჩათვლით ელ. ფოსტაზე [email protected]. სათარუარად მიუთითეთ ,,თქვენი სახელი, კაზუსი #3".

წარმატებები!


მიგრიაული როინი(2006), „შესავალი გაკოტრების სამართალში ‘’,გამომცემლობა ბონა კაუზა.
საქართველოს კანონი „გადახდისუუნარობის საქმის წარმოების შესახებ„
საქართველოს კანონი „მეწარმეთა შესახებ“
საქართველოს კანონი „გაკოტრების საქმეთა წარმოების შესახებ ‘’;