Notes

طبيعي أي جيمر فينا صار له مواقف إنه يدخل في منتدى أو تجمعات للعبة معينة ويكون له تصور كيف إن اللعبة ممكن تتطور أكثر وتصير

أفضل، اللعبة اللي يتكلم عنها ممكن يكون أُعلن عنها بس ما صدرت فيعطيك الفان أحلام أو طموحات يتمناها، أو يعطيك انطباعه عن تريلر

معلن أو آرتوورك وتصميمه الخ.. وإن كانت اللعبة صادرة فالإنطباع يكون عنها من خلال تحليل للفانز و (إنه كان أفضل لو غنحط

كذا). ولكن المطور أحيانا يكون له وجهة نظر مختلفة عن الفان ويتوقع إن هذا الشي أفضل!

هنا نقطتنا في الفيديو الخامس من في جي إكسترا، وهي كيف مطورين الألعاب يرون ويتعاملون مع آراء الفانز واقتراحاتهم! بعضهم ياخذها بعين

الإعتبار عشان يطور لعبته ويخليها أحسن، والبعض الآخر يعتقد إنه بيقدر يسوي لك شي أنت مو متوقعه ويعطيك تجربة ما حلمت فيها

وتعجبك!
طبعا هذي القسمين عن مطورين ألعاب يبغون يكملون لعبتهم بأفضل شكل من ناحية ما تقدمه مو من ناحية تسويقية، ففي كثير ألعاب الناس كانوا

يبغونها ويبغون أجزاء جديدة لها بس الشركات ما سمعت رأي الفان ممكن لأنه تتوقع ما بيربحها واجد (ميجا مان إكس مع كابكوم *

العويد.جيف*) أو إنه الشركة ما تتوقع إنها تقدر تكمل اللعبة برتمها القوي المعهود ولا تبغى تخرب السلسلة ومجدها (شينمو مع سيجا أعتقد

إنه أكبر مثال! الخوف يصير لها مثل ما صار مع سونيك)
طيب هنا نتكلم عن أمنيات لألعاب، ولكن بعض الأفكار اللي تجي من الفانز صراحة تكون غير منطقية (على الأقل من وجهة نظر المطور)

مع إنه في نفس الوقت الفانز يعتبرونها شي كبير! بأعطي مثال عن بوكيمون، الكثير تمنى إنه يشوف بوكيمون بعالم سكايرم بحيث المناطق تكون

منوعة على حسب أنواع البوكيمونز ومنها تنتقل من منطقة لأخرى. بما أننا بدأنا في هالشي فخلنا نقول هالتصريح من رئيس شركة جيم فريك،

ساتوشي تاجيري، تاجيري قال إن الكل يتوقع إن عنده أفكار عظيمة لبوكيمون ولكن لو سمعت لكم بتصير لعبة بشعة غير قابلة للعبة، بوكيمونات

أول جيل فقط..... إلى آخره من الأشياء اللي قالها، في الأخير قال إنه ياخذ هذي الإقتراحات، ويروح لفريق التطوير ونضحك عليكم..
عموما بعد فترة تبين إن هالتصريح غير صحيح ومختلق عليه، ما قاله تاجيري، وإنما صفحة بارودي عنه في الفيسبوك هي اللي نشرت الكلام

واشتهر بين الناس والكثير صدقوه، ولكن بصراحة ولو إنه كان تهكمي فأنا أتفق مع كاتب النص هنا إنه في أفكار ما تستحق تكررها أو

تضيفها لألعابك سواء لأنها مستهلكة أو ما تناسب! فأنت ما تبغى تضيف أشياء زيادة للجهاز وهي ما تسوى لمجرد إنك تستخدم خصائص

موجودة ولكن تخرب عليك اللعب! *أنتشارتد الفيتا*
خلينا في الموضوع واللي هو تطنيش الفانز، شيجيرو مياموتو مصمم ماريو وزيلدا وغيرها، وأحد أشهر مطوري الألعاب (والأفضل في التاريخ

حسب مواقع كثير منها آي جي إن) قال تصريح له علاقة بهذا الأمر، بما معناه إنه "أنا"... هو يعني مهب أنا.. أقدر أصنع هيلو،

بس ما أبغى. لأن عندي فلسفة في تصميم الألعاب إني ما أبحث عن إيش الناس تبغى وأسوي مثله، بس أسوي تجارب جديدة ممتعة لأن اللعبة

اللي تبقي الإبتسامة على وجه اللاعب هي شيء جميل!

مشكلة هذي السياسة برأيي صراحة إنها تعتمد على التقبل أولاً وأخيرا، فإما إنك تسوي لك لعبة تعجب الناس بشكل مهول ما تصورها أحد أو

فاقت تصوراتهم بالأصح، أو إنك تضع فكرة تتوقع إنها جديدة وبتعجبهم ولكن تفاجأ إنها شي ... ما يسوى! وهنا تجي نقطة ثانية إنها ما

تنفع مع كل المطورين، في حالة مياموتو كمطور عبقري فالطريقة تناسبه ولكن مو كل مطور عنده هذا الخيال!

ممكن بتلاحظ إن أغلب الكلام السابق كان عن نينتيندو بالتحديد، لو بتسأل ليش فالجواب بيكون في آخر فقرة إنها ممكن أشهر شركة ما تسمع

كلام الفانز وتسوي ألعاب جيدة (أو فاشلة) ما كان الناس يتوقعونها. على الرغم من بدائيتها من الناحية التقنية! صحيح سوت إيفينتس في

إي3 الماضي وكله كان للفانز ولكن كلامي بالتحديد عن إقتراحات الناس في ألعابها، فلا أحد يضيع الموضوع *XD*

إقتراح الناس في لعبة.. هممم من قريب ما سمعت خبر قريب متعلق في هالشي؟ كاتسوهيرو هارادا مطور تكن7 القادمة ومن فترة قريبة طلع

صورة آرتوورك لشخصية عربية ممكن تنحط في اللعبة، وطلب من الناس آراؤهم عن الشخصية (وخاصة المجتمع العربي). بصراحة حركة

إيجابية من هارادا ولو إني أتوقع سواها خوفًا من إنه يسوي شي غلط بما إنه في تيكن تاج تورنمنت2 الماضية كان في أحد الحلبات لفظ

الجلالة على الأرض وأزالها بعد ما أرسلوا الناس شكواهم.

أحياناً يكون مطور الألعاب هو المظلوم في سالفة "آراء الناس" لأن في غيره يتحكم فيه، مثل ما صار مع ميشيل آنسل مع يوبيسوفت وغضبه

وقت تطوير رايمان ليجيندز، وقبل صدورها للوي يو بأسبوعين تم إعلان تأجيلها لمدة 7 شهور عشان تصدر على باقي الأجهزة. أو حتى قصة

مطور نينجا غايدن و ديد أور ألايف الأصلي، تومونوبو إتاغاكي، في مؤتمر دايس 2012 كان له كلمة ألقاها، اللي يهمنا فيها إنه تكلم عن

شي يسميه "الهابي 3" لمطورين الألعاب، واللي هي ارضاء المطور نفسه وعائلته، إرضاؤه للفانز والجماهير، إرضاؤه للناشر. في حياته

التطويرية كلها (اللي بدأت عام 1992) ما أرضى الثلاثة إلا في لعبتين أو ثلاث ألعاب فقط! في أحد المرات حاول يطور فلسفة الهابي3

إلى هابي4، والإضافة كانت ارضاء الشيرهولدرز واللي هم المساهمين. هذي القصة مشهورة عن لعبة ديد أور ألايف 2 واللي صدرت على

الدريمكاست وبعد كذا قرر المساهمين إن اللعبة تصدر كلعبة لانش للبلاي ستيشن 2، ولكن قرار تيكمو الناشرة كان قبل تاريخ اللانش بشهرين

ونص بس! ما يمديك حتى تسوي بورت خلال هالوقت! الفريق حاول بكل جهده حتى يخلصها ولكن اقترب موعد اللانش، بعدها جا مدير

المبيعات لإيتاجاكي وطلب منه نسخة تحت التطوير غير مكتملة عشان يلعب فيها ويجربها.. بوووم بعدها بكم يوم إكتشف إيتاجاكي إن اللعبة اللي

أعطاها راحت لمكان النشر واللعبة بتننشر كلعبة غير كاملة! هالشي حطم الرجال طبيعي، على الرغم من أن اللعبة كانت ناجحة تجارية..

عموما بعدها إيتاجاكي رجع لبيتهم وقعد فيه 3-4 شهور ما غير يشرب ويبكي من الصبح لليل حتى اقترحت عليه زوجته إنه يتابع أفلام

واللي كان يقول إنه يناظر التلفزيون من دون متابعة، ولكن في فلم واحد شافه أكثر من 100 مرة واللي هو أرماجيدون (اللي يتكلم عن

نيزك بيضرب الأرض) وهو كان كل ما يشوفه يبكي ومعاه بنته الصغيرة 3 سنوات، مرة من المرات قالت له إنها ما تبغى تشوف الفلم.

قال لها بس أنا أحبه، قالت: بس الأب يموت هنا! *بكاء* عموما من يومها يقول إنه رجع للتطوير وإنه لازم يهتم ببنته بلاه بلاه

بلاه..
عموما عشان كذا إيتاجاكي يقول صعبة جدا جدا إنك تحقق الهابي4! فأفضل شي إنك تكتفي بالهابي3 حسب فلسفته. لو تبي تسمع كامل

السبيتش عن حياته فشيك على الديسكربشن تحت

نقدر نختصر الكلام كله إنه عملية أخذ الآراء وانطباعات الفانز ممكن تتم قبل التطوير بحيث إنك تشوف هم كيف توجههم وتحط عليه، أو أثناء

التطوير وهم يعطونك إقتراحات وتحسينات إن كنت مطور جديد، أو حتى حلها بأبديتات وباتشز بعد صدور اللعبة، ولكن في الأخيرة تكون غالبا

عن المشاكل! برأيي الألعاب اللي يؤخذ فيها آراء الناس تنقسم ل3 أقسام: القسم الأول اللي ما تحتاج إلا آراء بسيطة خاصة الألعاب اللي ما

تحتاج أونلاين مثل الفيجوال نوفلز، الثاني هو الألعاب اللي فيها أونلاين لأن الأونلايان للناس أكثر من القصة، القسم الثالث والأهم في هالحالة

هي الألعاب اللي قائمة على الأونلاين خاصة الإم إم أوز! مثلا في حالة ليج أوف ليجيندز في مجتمع خاص يتناقشون فيه مع الناس عن

التحسينات وممكن آراؤهم يأخذونها بعين الإعتبار لأنه شي قائم الأونلاين والناس بشكل رئيسي!

طيب حاب أتكلم شوي عن شي أعطى للفانز صوت أقوى لألعابهم والأشياء اللي يبغونها، اللي هو كيك ستارتر. فكرة الموقع إن أي شخص

يضع فكرة مشروع ويوري كيف بيسويه والناس تساعده ماليا. حقيقة كيك ستارتر فتح مجال كبيييير جدا إنك تسوي لعبة الناس يتمنوها، أو

على الأقل عدد من الناس! ففي كثير ألعاب يتوقع المطور أو الناشر إنها ما راح تحقق نجاح في مبيعاتها فما يقبل بالمشروع، أهمها ألعاب

البوينت&كليك واللي صارت قديمة ولكن للآن في فانز لها ممكن يساعدون بأي طريقة! على سبيل المثال لعبة بروكن ايج بدأت من هنا،

مطورها المشهور تيم شيفر طلب 400 ألف دولار فقط.. ولكن خلال شهر فقط جمع 3.45 مليون دولار كأكثر فيديو جيم عليها فلوس

في الموقع! منها يوريك كيف إن الناس تبي أشياء. لا ننسى إن في خاصية بعد في الموقع إنه تضع خصائص أكثر لكل شخص يدفع..

مثلا شخص يدفع 1000 دولار ممكن يصمم شخصية في اللعبة أو يضعون وجهك في لوحة (أو كلهم)

عموماً آخر سنوات نلاحظ في اهتمام أكبر بالفانز من ناحية شركات الألعاب! ممكن لأن المطورين الغربيين آخر السنوات هم اللي ماسكين زمام

الأمور، وعرفوا إن الأشياء اللي ما لها داعي مثل ألعاب الرقص والالعاب العبيطة الثانية قاعد توخر الفانز عنهم. نلاحظ أكبر مثال حاصل

هاليومين ومن إي3 الماضي هو فيل سبينسور من مايكروسوفت، يعجبني هذا الرجل! ردة فعله بعد دون ماتريك، وكيف إنه "إتس أول أباوت

جيمنج" فهو يعرف كيف الجيمرز يفكرون وإيش يبغون! بالمناسبة ذكرني بتصريح جميل من رئيس نينتيندو، ساتورو إيواتا، في جي دي سي

2005 قال فيه: في بطاقة العمل، أنا رئيس شركة، في ذهني أنا مطور ألعاب، ولكن في قلبي أنا جيمر!! عموما باختصار هنا نقطة

جوهرية بنختلف فيها، هل المطور "الجيمر" هو اللي يسوي اللي يبغونه الجيمرز؟ ولا هو اللي يسوي شي جديد يعجب الجيمر؟ أعتقد لكل منا

وجهة نظر في هذا الأمر، ولكن دام الفانز راضين فمطو الألعاب

الحلقتين السابقات
@عكسترامهد
محمد العويد
مع السلامة