Notes

🔷 أول سؤال هيتسأل ... هل الألماني صعب؟
السؤال ده غلط، والسؤال الصح ..... الألماني محتاج كام ساعة عشان تتعلمه؟ 👉👊
الألماني مصنف فى التصنيف التاني من ناحية السهولة، بيحتاج تقريبا من 1000 ل 1500 ساعة (بيختلف من زلمة لزلمة ) عشان تتعلمه، وزعهم انت زي ما تحب، بس عموما ممكن توزعهم على 9 شهور بمعدل من 6 ل 8 ساعات تقريبا، أو سنة ونصف بمعدل من 4 ل 6 ساعات يوميا.
ولو انت وزعت اللغة على ال 4 او 5 سنين جامعة فده معناه انك بتخلص مستوى واحد بس كل سنة 👊 شوفت انت ازاى مضيع وقتك وبتروح الجامعة 😄
ده ميمنعش طبعا انك هتشوف حاجات لذيذة فى الالماني زى 3 أفعال ورا بعض فى جملة واحدة 😅 والداتيف والاكوزاتيف اللى هيبدأو معاك من أول اللغة وهتفضل تغلط فيهم بعد ما تخلصها ده غير الارتكل يبشة 😄 حاجة شيصى شيصى يعنى 😅
===================
🔷 تاني حاجة لازم تعرفها ولازم تكون عارفها قبل ماتتعلم اي لغة ان اى لغة بتتكون من 6 مستويات
‏A1
‏A2
‏B1: المستوى اللى السفارة الألمانية فى مصر محتاجاه 🏠
‏B2: يا حبذا لو تيجى ألمانيا وأنت مخلص المستوى ده 👋
‏C1: لما تخلصه يبقي أنت كده جامد تتش 🥇
‏C2: محدش بيحتاجه خالص
والمفروص ان أي حد بيخلص اللغة بعد ال C1 أو ال B2 وبعد كده بتمتحن DSH اللى هو زى التوفل أو الايلتس فى الانجليزى
( ال DSH بتتنطق دى اس ها، ولو 2 اتش ورا بعض بتبقي ها ها 😄 )
========================================
المهم نخش فى المفيد:
🔵🔵🔵 المرحلة الأولى: من الصفر لمستوى ال B1 فى 6 شهور 🔵🔵🔵
🔴 أول كتاب هتحتاجه هو كتاب منشن 📚
اللى بيتدرس في معهد جوته وفى معاهد هنا كتير
اللينك ده هتلاقي كتب منشن للمستويات التلاتة الأولي، حمل الأول بس واطبعه ✍️
( حاول تحط خطة على حسب الدروس انك تخلص المستوى فى شهرين مثلا )
‏Menschen A1, A2, B2 :
‏bit.ly/MenschenB1
قبل ما تبتدى فى الكتب دى، نطق الحروف هيبقي مشكلة كبيرة بالنسبة لك ولازم تسمعه من حد كويس
دول القناتين اللى انا أعتمدت عليهم فى الأول
🔴 قنوات اليوتيوب:
قناة مستر شحاته
‏https://www.youtube.com/channel/UCAUh5WfOqrTISTrdC3wq_sQ
القناة دى تاني أفضل قناة من وجهة نظرى وقدرت اطلع منها كمية كلمات كتيرة بزاف 👉
‏lingoni GERMAN(learn German with Jenny)
‏https://www.youtube.com/channel/UClBrbJXNh2sFxOuvH4o5H9g
دى أكبر قناة على اليوتيوب فى تعلم الألماني وكمان هتفيد فى النطق الصح🎤
اعمل سبسكريب للقناتين دول وابتدى خلص ال playlists واحدة واحدة وصدقني هيفرقو معاك جدا وهيخلصو مستواك أفضل من الناس التانية 🖥
🔴 كتب القواعد
الجراماتيك بتاع الألماني معقد ورخم وكتب المستويات العادية فيها قواعد بس الأفضل انك تشوف القواعد من اليوتيوب وتطبق عليها من كتاب قواعد بس....... بقيت قنوات اليوتيوب هتلاقيها تحت 👇
أفضل كتاب قواعد هى سلسلة A, b and C Gramatik شامل كل الجراماتيك اللى انت محتاجة من أول اللغة لغاية أخرها 💪📚
‏A-Gramatik (A1, A2)
‏B-Gramatik (B1, B2)
‏C-Gramatik (C1)
‏bit.ly/ABCgramatik
فيه كتب تانية زى:
‏👉 Übungsgrammatik für die Grundstufe/Mittelstufe
‏👉 Gramatik Aktiv
ممكن تذاكر منهم لما تخلص الأول ده، بس بلاش تذاكر من كتابين اتنين عشان متشتتش نفسك 👉
🔴 حفظ الكلمات مش بالفهلوة 📘
أى لغة عبارة عن كلمات وقواعد، لو عرفت الكلمة والقاعدة يبقي انت عملت جملة ومع الوقت والتطبيق تتعلم اللغة..... بس كده ... اااه امال انت مفكر ايه 😄
عشان كده لازم من أول يوم يكون معاك كراسة بتكتب فيها كل كلمة تتعلمها، ويارت تكتبها بجملة، وكل فترة تراجع ع الكلمات القديمة، الكراسات دى هتفضب مكمله معاك لغاية ما تخلص لغة وصدقنى هتكون أغلى حاجة فى شنطتك 👉
أنا خلصت اللغة ب 5 كشاكيل مليانين كلمات ✍️
=> تانى حاجة ممكن تتعلم منها الكلمات هى Glossar يكون فيه الكلمات بتاع المستوي اللى انت بتذاكرة
ده أول واحد من معهد جوته للمستويات لغاية ال B1 📘
‏Goethe B1 Glossar:
‏bit.ly/GrB1Glossar
هتلاقى فيه الكلمة وجمل عليها، هيفرق معاك جدا وانت بتراجع على مستوة ال B1 وحتى فى المستويات العالية 💪
وده كمان قاموس أونلاين ممكن تترجم عليه (عربى = ألماني) ويجيبلك جمل وأمثلة
‏https://www.arabdict.com/
وهتلاقي Glossar لل B2 و ال C1 تحت 👇
🔴 السماعي والمحادثة 🎤 🎧
الhören وال sprechen من المهارات اللى هيكون مستواك قليل فيهم بالنسبة للمهارات التانية، ودى أكبر مشكلة من وجهة نظرى لأي حد بيتعلم ألماني لوحده، انت مبتسمعش مثلا حد بيتكلم ولا بتحاول انك تعصر دماغك عشان تلاقي الكلمة المناسبة اللى تحطها فى جملة 👉
أنا كان مستوايا قليل فيهم ولسه لغاية دلوقت بحاول أظبط السماعي وحاولت اظبطهم بالأفلام وأني اكلم نفسى .... (اااه انا بكلم نفسى عادى وفيه زيي كتير بس مستخبيين 😄 ) بس الطرق اللى انا استخدمتها تنفع بس ع المدى الطويل
👈 لغاية ما حد اقترحلى الكتاب ده hören und sprechen 📚📘
‏Hören und Sprechen B1:
‏bit.ly/B1HandS
👈 الكتاب مش بس أكاديمى ده فيه كمان مصطلحات وجمل كتير بتستخدمها فى حياتك اليومية، ودى أحلى حاجة فيه، حاول تخلص الكتاب من الجلدة للجلدة فى مستوى ال B1 عشات تبدأ بعد كده مستوى ال B2 على نضيف ✍️
👈 كلم نفسك قدام المراية كل يوم 10 دقايق أو على أد ما تقدر
ويا سلام لو معاك واحد صاحبك بيتعلم معاك ألماني تقدرو تتكلمو مع بعض 👌
👈 وفيه قنوات كتير ع اليوتيوب ممكن تشوف منها وثائقيات او فلوجز او اي حاجة انت حاببها ولما تبتدى انك تشوف فيديوهات من القنوات دى هيظهر لك اقتراحات لفيديوهات زيها 👇
‏https://www.youtube.com/user/N24de/
‏https://www.youtube.com/user/GalileoOffiziell
والراجل ده كفاءة جدا 👇
‏https://www.youtube.com/user/MrWissen2go
‏https://www.youtube.com/user/spiegeltv
🔴 التطبيقات
‏Lingodeer 👌👈
أفضل تطبيق عشان تتعلم اللغة، بس مش أشهر واحد عشان مفهوش كل اللغات، التطبيق ده اللى اقترحه لى واحد بيتكلم 7 لغات ( بيتكلم سبع لغات واحنا بنشتكى من الداتيف والاكوزاتيف فى الألماني 😅 )
‏Lingodeer: https://play.google.com/store/apps/details?id=com.lingodeer
بدأت اتعلم منه أسبانى وفعلا ممكن يساعدك انك توصل مستوى كويس وعملي جدا أكتر من أى تطبيق تانى. 👌
انتظرو Eltetsh Blueprint To learn Spanish كمان 4 سنين كده ولا حاجة 😎
===================
‏Doulingo 👌👈
تانى تطبيق مهم برده هو دولينجو وده تقريبا أشهر تطبيق وفيه مميزات جميلة وبتنافس ناس تانية، انت اللى بتحدد انت عايز تذاكر أد ايه فى اليوم وبيجيلك اشعارات تساعدك
‏Doulingo: https://play.google.com/store/apps/details…
===================
‏Tandem: https://play.google.com/store/apps/details?id=net.tandem
تالت تطبيق هو tandem وده أشهر تطبيق محادثة وتبادل اللغات فى العالم بس مش موجود فى مصر 😄، مش موجود ليه؟ عشان احنا نيتنا مش حلوة ومش داخلين عشان نتعلم 😄 ، ممكن تجرب تنزله وتعمل Vpn او ابعت لهم ميل مثلا وقولهم أنك هتشترك بحساب مدفوع ومتيالي هيقبلو الاكونت بتاعي، الاشتراك ممكن تعمله ب 3 يورو فى الشهر، كلمهم وفاصل معاهم 😄
لو بتسال هل فعلا التطبيق ده يستحق انك تشترك فيه، فالاجابة أكيد أيوه خصوصا لو بتتعلم لوحدك
وفيه تطبيقات كتير زيه، ادخل على جوجل بلاي وابحث عن exchange applications language وهتلاقي تطبيقات كتير، ممكن تكلم حد ألماني
وفيه طبعا تطبيقات كتير غير دى بس دى أشهرها واللى انا جربتها 👉
=================
بعد ما تخلص ال B1 ولو حابب تتمتحن ال B1 فى جوته فتجربة محمد ناصر أشهر حاجة عشات تعرف تعدى من الامتحان، مينفعش تدخل الامتحان من غير ما تقرأها 👌
رابط التجربة:
‏https://www.youtube.com/playlist…
ونصيحة مهمة جدا جدا جدا ( محتاج تتبروز وتتعمل بوست لوحدها والله) 👌
متسجلش فى امتحان ال B1 فى جوته او فى اي حتة تانية غير لما تحل 3 امتحانات مثلا، أكتر من نصف اللى بيمتحن ال B1 مش بينجح من أول مرة، ومحدش بيحب بيقول انه منجحش، يعني أنا أكيد مثلا مش هقولك انى منجحتش من أول مرة 😉
خد وقتك على الاخر عشان مترميش مصارى ع الأرض
===================================
بقية قنوات اليوتيوب، اعمل سبسكريب عشان القنوات دى تبدأ تظهر لك فى ال feed على اليوتيوب 👌
‏☑️ Hamza Nabeel / تعلم الالمانية مع حمزة
‏https://www.youtube.com/channel/UCbxP6U9-CKyEOvryfqaMogA
‏☑️ Khaled Bozan
‏https://www.youtube.com/user/SyrerInDeutschland
‏☑️ Deiaa Abdullah
‏https://www.youtube.com/user/Deutschkursful
‏☑️Learn German
‏https://www.youtube.com/…/UCaeT58uDMlPpBlwAYaxN0LA/playlists
===================================
🔵🔵🔵 المرحلة الثانية: من مستوى ال B2 لمستوى ال C1 4 شهور 🔵🔵🔵
متقرأش الجزأ ده ومتركزش فيه غير لما تخلص ال B1
شايفك وانت بتقرأ 🙄 برده ... أنت مصمم
لو أنت بتقرأ الكلام ده وخلاص خلصت ال B1 فأنا عايز أقولك انك خلاص خلصت جزأ كبير من اللغة، والجزء الباقى ممكن يكون أقل منه بس أحيانا بيكون أكبر وفيه ناس بتقعد سنة وسنتين فى ألمانيا ومش بتخلص اللغة 👉👉
فمتستقلش بالموضوع وخد نفس طويل تاني ..... نفسك اتقطع ؟ أنا اسف 😃
ندخل تانى فى الموضوع، خلاص انت فهمت الموضوع، فنصب ف المصلحة عشان البوست ميطواش عن كده، وبعد ال B1 الدنيا هتوضح قدامك جدا 👉
🔵 الكتب الأساسية 📚
( شايفك وانت عمال بتحمل بس ولسه مش بدات أصلا .... scheiße Ausländer)
‏👉 Aspekte B2
‏bit.ly/AspekteB2
‏👉Aspekte C1
‏bit.ly/AspekteC1
================
🔵 مصطلحات وكلمات الكتب اللى فوق 📘
‏👉 Aspekte B2 Glossar
‏bit.ly/GrB2Glossar
‏👉Aspekte C1 Glossar
‏bit.ly/GrC1Glossar
‏By: Amr Elgabri
ملفات الكلمات دى مش أنا اللى عملتها، ناس تانية على جروب " تعلم الالمانية مجانا " وشاركوها مع الناس.
رابط الجروب: https://www.facebook.com/groups/German4Free/
الجروب ده فيه كل حاجة انت ممكن تتعلمها عشان تتعلم اللغة، بس عامل زى البحر وانت المفروض تعوم فيه، عشان كده أنا هنا 😄 علشان اوصلك البر التانى ان شاء الله 👌
================
🔵 كتب المحادثة والسماعى 🎤 🎧
‏👉 Hören und sprechen B2
‏bit.ly/C1HandS
مش لاقي نفس الكتاب لل C1
===================================
شوية نصايح عشان تتعلم اللغة:
1. حول اللغة فى الموبيل لألماني، ومتنساش التطبيقات كلها، الفيس، الياهو، الجيميل، يوتيوب وأي حاجة ينفع تكون بالألماني 📱
2. مينفعش انك تتعلم لغة من غير ما يكون معاك كراسة بتكتب فيها الكلمات اللى بتكتبها، وكل وقت تبتدى تراجع عليهم 📘
3. أكتر حد هيفيدك وانت بتتعلم اللغة هو واحد صاحبك ماشى معاك فى نفس الموضوع، دور عليه هتلاقيه ان شاء الله 👌
4. حول اللغة من مرحلة want لمرحلة ال need، هتبذل مجهود كبير بس لما تنجز حاجة هتنبسط جدا، مقدرش اوصف لك كمية البهجة وانا بعمل ملف جديد ع اللاب لمستوى جديد 👌
5. مش أى حد فعلا هيعرف يتعلم اللغة لوحده بس لازم يكون عندك العزيمة انك تكمل وحاول تلاقي ناس تشاركهم نفس الهدف عشان يسهلو عليك المشوار.
6. فيه مكتبة اسمها برونتو فى العباسية ( ابحث ع الفيس وجوجل هتلاقيها)، انا كنت بطبع منها الورق ملون بسعر كويس، انت ممكن تعمل كده لو حابب.
فيه شوية حاجات تانية كنت كاتبها ع الموبيل بس مش لاقيها 😃 😄
================
• رأيي انك تاخد ال A1 فى مكان كويس خاصة معهد جوته وممكن تكمل لوحدك لو تقدر، يعن انت هتخلص مستوى ال A1 فى شهرين تقريبا وممكن بعد كده هتعرف لوحدك ازاى تذاكر وهتكتشف ان المدرسين بيساعدوك ع المذاكرة بس، وطالما انت بتذاكر لوحدك فليه تروح كورس ؟ 🙄 ..... دى وجهة نظرى فمتعتبرهاش من الثوابت 😉
• كل اللينكات مفيهاش اى مسئولية لو حد بيحمل من ألمانيا 👉
• الهدف مش انك تتعلم اللغة لوحدك، الهدف انك تتعملها وخلاص
• لو حابب تحمل البوست PDF هتلاقيه فى اللينك ده:
‏bit.ly/GrBlueprint
• ان شاء الله ممكن انزل تحديثات للبوست فى المستقبل
👈 👈فى النهاية فيه ناس كتير هتشوف البوست ويتحمسو شوية وبعد كده ييجي بعد سنة ويلاقي انه مبدأش ولا حط خطة، الهدف بدون خطة هو وهم 👉👉
===========================================
أنا حابب أقول ان البوست أخد مني وقت كتير عشان اطلعه بالشكل ده ولو انت وصلت للسطر ده فأكيد استفدت لو حتى بفكرة صغيرة وأكيد تعرف حد مهتم بالسفر شيرها معاه 👉 👉
👈 شير لو البوست هيفيد غيرك 👉 😉
‏“ Eine Tausend Meilen lange Reise beginnt mit einem einzigen schritt „ 💪
رحلة الألف ميل تبدأ بخطوة 💪
#التتش
‏#eltetsh