Notes

الف الف الف الف الف الف مبرووووووووووووووووووووووووووووووووووووووووووووووووووووووووووووووووووووووووووووووووووووووووووك يا نور العين ! الف مبروك يا دفى ويا روح الئلب! الف مبروك يا احلى بنت بالدنيا ! الف مبروك يا احن واغلى ئلب عندي! الف مبروك الك يلي سهرت معك احلى ليالي عمري وانا حاكيكي واضحك معك وضحك ! الف مبروك للي انا عزبتو كتير وزعلتو مني كتير وكنت دايما حب زعلو علشان ارجع واعد راضي فيه وهو بعدو زعلان مني. الف مبروك ل يلي ئهرني كتير وعزبني وانا ئلوووووووو ادرسييييييي ادرسسسيييييييييي ادرسييييييييي اسمعي كلاممممممميييي لا تضلي طالعة هون وهون لا تضيعي وئتك على شغلات مانا طعمة ادرسي نورا ادرسي! الف مبروك ل يلي جنني ودبحني. الف مبرووووووووووووووك ! ما بتعرفي ئديش انبسطت بس وصلني الخبر ! ما عرفت حاكيكي ئبل هيك ما كان رقمك عندي لحتى بعتتلي ياه مرام وكنت متأكد انو ما كان وئت مناسب امبارح اني حاكيكي علشان عندك الكل ! اول ما وصلني الخبر من مرام كنت بالمحاضرة ويا الله نزلت الدمعة من عيوني وكنت بدي بدي ابكي واضحك ونط فرح بنص الوئت ! انا ما فرحت بنجاحي بالتوجيهي لاني ما كنت مبسوط من حالي ومن معدلي ! بس فرحة التوجيهي يلي ما فرحتا الحمد لله فرحتا امبارح فيكي يا روح الئلب! فرحتا فيكي وطرت فرح! كبرت وصارت مدام وصارت بنت جامعة وصبية متل الئمر ! كبرت وصارت فهمانة كتير وعئلا بيوزن بلد وصارت على ئد حالة ! نجحت ووفتني بوعدا الي يلي وعدتني يا مرة اخر مرة سمعت فيها صوتا ئبل ما سافر من سنة ونص ! سمعت كلامي لما كنت ضل احكيلي ما رح ينفعك غير دراستك وكنتي تعبانة كتير وما كنتي تعرفي شو طعما حلو لما تخلصي وطلعت نتيجتك اخيرا وعرفتي طعما ! دئتي حلاتا وشفتي شو انو بتجنن انو تنجحي وتخصلي مرحلة صرلك سنين حياتك فيها ! وهلأ متل انك عصفور طلع من ئفصو وصار عم يحلئ ومبسوط كتير ! صرتي حرة وخلصتي شي اسمو مدرسة ! وهلأ حطيتي رجلك بحياة جديدة ! نجحتي ومعدلك كتير منيح ورح تدرسي يلي بدك ياه وتكوني ناجحة اكتر واكتر بالجامعة لاني متاكد هلأ لعرفتي وحسيتي شو انو حلو تكوني ناجحة ! ئد ما كان نفسي شوفك لما طلعت نتيجتك بس مو ئد ما كان نفسي شوف عيون امك وفرحتا فيكي لانو متأكد انو بكيت عليكي من فرحا وطاااااااااااااارت من الفرح لانو انتي بنتا الوحيدة والغالية عندا ويلي ما في متلا !! متأكد انك هلأ عرفتي شو معناتو انو تفرحي ئلب ماما نورا ! صح ؟
هلأ نور يلي جننتني ههه صارت نور جديدة وارجتني انها ئوية متل ما تركتا ورح تصير ائوا وائوا كمان ! ارجتني انها ناجحة ولما تدرس وتركز بتعمل يلي نفسا فيه ! يا الله شو فرحان فيكي وما عاطي فرحتي ! فرحتي كلها فرحتا فيكي ويا ريتني كنت بجنبك ! هديتك بس ارجع ها لا تفكري ناسي ؟؟ هههه وعدتك وما برجع بوعدي الك ! مع انو انتي يلي لازم تعطيني الحلوان بس يلا تضامنا مع غزة ما بدي حلوان ههههه ! مجنونة انتي حلواني وانتي بعيونك بتخلي دنيتي احلى. ان شاء بس ارجع فلسطين بشوفك وبجبلك الهدية معي ههههه رح تعجبك هاااااا ههه واهم شي رح جبلك معي اوريووو من المانيا ههه بعرفك بتحبيه كتير ههه. نور بدي ياكي تعرفي كم شغلة ! بغض النزر عن يلي صار من بعد ما انا سافرت وانا متأكد انك فهمانة عن شو بئصد ما كان طالع ب ايدي شي وما كان ب ايدي وما كنت اعمل شي من وراكي بس كل يلي صار اني حسيت اني فئدتك وانك ما عدتي بدك ياني ف فئدت عئلي وصرت بدي حد ينسيني وهاد كل يلي صار ! مين اعز شخص عليكي ؟ تخيلي انك تفئديه ؟ شو بصير فيكي ؟ بتجني ما ؟ وانا يلي صار فيني نفسي الشي ! حسي فيني وفكري فيني رح تفهمي يلي صار لوحدك ! وانا بعتزر لانو في كتير شغلات كان معك حئ فيها كنت لازم عملت احسن من يلي عملتو ! انا ما ئصرت وانتي بتعرفي كل الئصة لانك عشتي ب ئلبي وانا عئت ب ئلبك كل الوئت وما كان في شي يخفى عليكي ! وما في حد ما بيغلط ! انا بغلط انتي بتغلطي ! الكل بيغلط وكلنا بشر بالنهاية! وحتى لو ما صار يلي صار ما بعرف كنت شو رح بعمل لاني انا طلعت لبرات البلاد وكنت خايف ضلني عزبك معي لانو نور انتي عارف الفرائ كيف صعب ! بدي ياكي تعرفي كمان اني مشتائلك .. كتير...كتير كتير كتير! بس ما في باليد حيلة وانتي عارفة الئصة! ويلي عشتو معك لليوم بتزكرو وببكي عليه لاني اشتأتلو ولاني ما عارف انساه ولا عارف عيدو ما حد تاني ! حتى لو حاولت ما رح ائدر سدئيني ! لانو هاد ما بيجي كل يوم وصعب يجي كتير لانو ما بنئدر نعمل كل هاد الشي بئلبنا مع الكل ! انتي بتعرفي, انا بعيد عنك وهيك وغلطت ئبل هالمرة بس انتي لساتك عايشة جواتي وحتى لو بدي طلعك من جواتي ما رح اعرف, لانك وصلتي بجواتي ئبل كتييييير! انا بحبك! اه انا لسا بحبك بس نور ما عاد ائدر احكيلك ياها ! مو لاني ما بدي ! بدي بس ما عاد ائدر! لاني ما بدي ياكي تضلي تتعزبي بسببي لاني بعيد ولانو ما بتشوفيني و و و و ! ئلوب البشر مانا لعبة تحت ايدي! بعرف انو يمكن مالو لازم احكي هاد الحكي بس ما لئيت وئت غير هالوئت لاحكيه لاني فكرت انو ممكن يبسطك.
كتير بكون فايئ بالليل وبجي لاسمع اغاني بتزكرك بجي بدي ببكي بس بروح بسرعة بغسل وشي بمي باردة هههه ! لانو ما لئيت ادفى من حضنك يلي ضمني من ئبل.
نورا يا نور عيوني مبرووك الف مبروك وان شاء الله يا رب ان شاء الله يا رب يااااااااا رب عئبال ما اجي شوفك عم تتخرجي من الجامعة ولابسة روح التخرج وعم ترمي الطائية فوئ فوئ بالسما فرحانة بتخرجك بالجامعة ! هلأ ائعدي منيح وفكري شو بدك تدرسي وتكوني! انبسطي واطلعي وغيري جو واعملي كل شي نفسك فيه لانك هلأ بديتي حياة جديدة! وسجلي بالجامعة وانبسطي واعمل كل شي كان نفسك تعمليه! لانك بتستحئي! لانك تعبتي ونجحتي ودئتي شو حلو طعمتا!
ضايلي امتحان عن ئريب نورا ! ادعيلي من ئلبك لما تصلي اني انجح فيه لاني لما انجح فيه رح كون على اول طيارة على البلاد ان شاء الله ! ولك نور اشتأتلك شو نفسي ابكي بحضنك وصرخ متل الولد الصغير لاني مئهوووور كتير واشتأت لامي واهلي والك ! مانا حلوة الغربة ومانا حلوة الوحدة بس ضحيت بشي علشان شي تاني !
نورا ! ما بدي وصيكي ئي ؟ ديري بالك على حالك وعلى صحتك وديري بالك على ماما حبيبة البك وضلك فرحيها فيكي انتي بنتها الوحيدة! واختاري دربك الصح وطريئك وديري بالك على دراستك! ونورا ئلبي لا تنسي صلاتك, الله يحماكي ويرضى عنك ويحط ملاك من وراكي وئدامك وعلى كل جنب من جنابك لحتى يحموكي من كل عين وشر وحاسد يا رب ! ديري بالك على حالك ونور ما بدي ياكي تردي على هالرسالة ! خليها جوات ئلبك واحكيلي يلي بدك تحكيه بس ارجع.
ومن كل ئلبي نور. بحبك.
رح شوفك ان شاء الله! ادعيلي. بأمان الله.