Notes

الجلسة الأولى: أول اربع صفحات كاملة هيه للدكتورة نور عدا الجزء الأخير في الصفحة الرابعة Muscle Definistions تابع لمادة الدكتور نبيل وبعدها الصفحة رقم خمسة بدايتها Ulna و Radius من مادة الدكتور نور ( المحاضرة الثالثة ) وبعدها تكملة البارت كاملا للدكتور نبيل ..

الجلسة الثانية: أول صفحتين بالبارت للدكتور نبيل وتكملة البارت كاملا هو للدكتورة نور

الجلسة الأولى والثانية شاملة لأول اربع محاضرات في الجامعة

الجلسة الثالثة: أول صفحتين هيه عبارة عن مقدمة لعظام الـ Lower Limb وهيه غير مطلوبة حرفا منكم ولكن حطيتها بالورق عشان لازم تكونوا عارفينهم عشان تقدروا تفهموا الاوريجن والانسيرشن للعضلات المذكورة لاحقا .. باقي الجلسة كاملة هيه للدكتور فاضل ..

الجلسة الرابعة: أول نصف صفحة هيه للدكتور فاضل وتكملة البارت كاملا للدكتور نبيل ..

الجلسة الخامسة: أول اربع صفحات هيه مادة الدكتور نبيل وتكملة البارت كاملا للدكتورة نور ..

الجلسة السادسة: أول صفحة ونص هيه عبارة عن مكس من مادة الدكتورة نور والدكتور نبيل لأنه في محاضرة حكو فيها عن نفس المواضيع فعليا فجمعت المعلومات من الطرفين وحطيتهم بنفس الموضوع .. تكملة البارت لحد صفحة ٥ (Skin) هيه للدكتور نبيل ومن بعدها موضوع الجلد تابع لمادة الدكتور فاضل ..

الجلسة السابعة: اول اربع صفحات هيه تكملة الـ Skin لمادة الدكتور فاضل .. وتكملة البارت هيه محاضرة الـ Skull للدكتورة نور ..

الجلسة الثامنة: رح تكون قصيرة ورح اشمل فيها اخر محاضرة للدكتور نبيل Joints of the Vertebral Column وهو موضوع بسيط وسهل وكلكم بتعرفوه ومتذكرينه + اخر محاضرة للدكتور نور Muscles of the Back بالاضافة لملخص امبريو في صفحة او صفحتين عشان عالاقل اذا ما بدكم تدرسوا المحاضرة كاملة تدرسوا من الملخص ( اذا في حدا حابب يدرس المحاضرة كاملة بالتفصيل يكتب كومنت واذا في عدد رح اعمل المحاضرة مفصلة وانزللكم اياها ) ..

اهلا وسهلا بكم جميعا .. هاد البوست رح يكون الكوريكشن زون لورقي .. رح اضيف بعض الاشياء اللي انتبهت عليها لاحقا والاشياء اللي نبهتوني عليها .. اذا في اشياء غير هدول اكتبوها عشان اضيفها او نتناقش فيها كلنا مع بعض 🌹

أ. البارت الأول:
البارت الأول الصفحة الأولى الرجاء تعديل النقطة رقم ٤ في خصائص الـ Scapula .. في اخر السطر مكتوب Cricoid Process عدولها خلوها Coracoid Process.
البارت الأول صفحة ٤ ضيفولي على الـ Synovial Membrane هاي الجملة: Synovial membrane extends through the anterior wall of the capsule to form the subscapularis bursa.
البارت الأول صفحة ٧ عند العضلة رقم ٢ في اخر الصفحة بدلوا كلمة اويجن بانسيرشن
ب. البارت الثاني:
البارت الثاني صفحة ٢ اول عضلة بالضفحة بدل Adductor خلوها Abductor هيه الصح
البارت الثاني صفحة رقم ٤ عند الـ Metacarpal Bones تحت كنت بحكي عن الميتاكاربل تبع الـ Thumb بس ضيفوا عليه هاي المعلومة: Its roatated medially though a right angle so that its extensor surface is directed LATERALLY and not backward!
في الصورة المروسة برقم ١ بالتعليقات هاي مجموعة الحركات المسموحة على الـ Wrist Joint والعضلات المسؤولة عن كل حركة .. كله مذكور سابقا بالـ Actions تبعت العضلات بس اعتبروه سلايد مراجعة عشان هيك ما حطيته نصا بالورق ..
ج. البارت الثالث:
البارت الثالث صفحة رقم ٣ عند الـ Insertion تبع الـ Gluteus Maximus ضيفولي عليه Gluteal tuberosity
د. البارت الرابع:
البارت الرابع صفحة رقم ٣ عند الـ Rectus femoris خلولي الاوريجن تبعا Anterior inferior iliac spine بدل Anterior superior iliac spine
البارت الرابع صفحةة رقم ٤ عند الـ Pectineus ضيفولي على الانسيرشن Pecineal line of femur
هـ. البارت الخامس: لا يوجد أي تعديلات تذكر حتى اللحظة
و. البارت السادس:
بخصوص الـ Arches of the Foot هيه موضوع الدكتور حكى عنه بشكل سريع جدا وحتى ما كان اله سلايدات فلا تقعدوا تحفظوا فيه بالحرف
الصفحة الأولى عند الـ Inferior extensor retinaculum الشبيبة المفرغين الله يعطيهم العافية حكوا مع الدكتور وصلحلهم معلومة كانت مكتوبة بالسلايدات .. بس غيرولي عند inferior حرف b بدل navicular and medial cuneiform خلوها Medial side of plantar aponeurosis

ز. البارت السابع:
الصفحة رقم ٦ السطر ما قبل الاخير مكتوب كلمة formate غيروها خلوها foramen
الصفحة رقم ٧ اول الصفحة مكتوب Parietal bone عنوان اول فقرة غيروه خلوه Temporal bone

بس بدي احكي كلمة رجائي الحار من الجميع انه لو الكل صار يدور فكل مكان على Origin و Insertion وعلى معلومات جانبية صدقوني الورق رح يصير عبارة عن خبيصة وانتو نفسكم رح تتوهوا .. اذا دورتوا فالغوغل او ويكبيديا او بالكتب عادي جدا تلاقي اوريجن واحد ناقص مثلا وهيه بتكون شغلة كثير بسيطة وكثير تفاصيل هاي كلها مش مطلوبة منكم .. انا دورت على كل العضلات على الويكبيديا وبجداول الكتاب ولقيت كل اللي مكتوب صح ما عدا الاشياء اللي عدلتها فوق فالكوريكشن زون .. أي اشي ناقص من اللي كاتبه بأي عضلة ثانية هو صحيح مية بالمية وانا ناقله من السلايدات بالحرف الواحد ..

وصدقوني بالنهاية أي اشي غلط بيجيكم بالامتحان فهو سقط سهوا من الدكتور واذا قدرنا نثبت انه فعلا غلط الدكتور ما رح يقصر معكم وهذا الحكي صار في السنوات السابقة وفي سستم الـ CVS بسنج ثانية .. فلا تخافوا ولا تدققوا ولا تتوتروا انتو اعملوا اللي عليكم ويعطيكم الف عافية .. ❤️
رجائي من الجميع انه يعمل سيف لهاد البوست وينقط عليه او يعمل فولو للبوست عشان اي تعديل عالبوست رح انزل فيه كومنت في حال ظهرت تعديلات جديدة عشان تقدروا تضيفوها عالورق ( مع اني اتوقع اذا في كمان تعديلات رح تكون طفيفة جدا ) .. 😊

البارت الأخير يمكن يتأخر شوي عشان امتحاني الباطني الاسبوع الجاي ( دعواتكم ) وقاعد بعمللكم لابات كمان بس لا تخافوا رح ينزل البارت بوقت مناسب والجميع رح يلحق يدرسه بكل بساطة .. ✔︎

وبالنهاية بتمنى تستغلوا وقتكم بالاسبوع هاد اللي ضل من السستم وانا الخاص عندي مفتوح لأي فيد باك او استفسار انتو بس ابعثوا وان شاء الله ما بقصر معكم ( اذا بعثت وما فتحت المسج بكون واصل عالاثرز بدكم تستنوا شوي تا مني انتبه على الاثرز وارد على اسئلتكم ) .. 🥰

بالتوفيق اعزائي ودعواتكم الي بالامتحان 🔥