Notes

Nakalulungkot na tila walang napala ang mga kawawang commuters at ang mga umantabay sa 'commute challenge' na isinagawa ni Presidential Spokesperson Salvador Panelo. Ito'y matapos paninindigan at pagtibayin ni Panelo ang nauna niyang pahayag na walang 'mass transport crisis' sa bansa.

"Mukha namang wala pa. Kasi nakakarating pa naman yung mga dapat makarating sa kanilang pupuntahan". Iyan ang mariing sagot ni Panelo sa ipinupukol na isyu ng krisis sa transportasyon sa bansa, partikular sa Metro Manila. At matapos ang tatlong oras at talumpung minutong byahe mula sa Marikina hanggang sa Malacanang at ang humigit kumulang na apatnaput limang minutong late sa trabaho, nakabibiglang hindi parin nabago ang paninindigan nito sa naunang pahayag.

Tunay bang walang 'mass transport crisis' sa bansa at ito'y imahinasyon lamang ng mga makakaliwang grupo o pilit lamang pinagtatakpan ng pamahalaan ang kakulangan kanilang kakulangan sa aksyon sa pumapalyang sistema ng transportasyon sa bansa?

Una, ang mga pasahero ang pinakamatinding tinamaan na animo'y naiipit sa dalawang naguumpugang bato sa nangyaring malawakang 'transport strike' bunga ng patuloy na bangayan ng mga jeepney drivers at ng pamahalaan sa usaping modernesasyon sa mga jeepney.

at Higit sa lahat,

Sa kabilang banda, may punto rin naman ang ipinaglalaban ni Panelo. Tunay na nakakarating din ang mga pasahero sa kanilang destinasyon at hindi din paralisado ang lahat ng operasyon ng mass transport systems sa bansa.

Subalit kung ibababase mismo sa resulta ng nangyaring commute challenge, makatarungan ba na mahigit kumulang walong oras araw-araw ang gugugulin ng mga kawawang pasahero upang makapunta sa trabaho o paaralan at pabalik sa kanilang tahanan? makatarungan bang matapos ang mahabang araw ng pagbabanat ng buto sa trabaho ay makikipagbuno pa at maghintay ng napakatagal upang makasakay sa di mahulugang karayom at minsan pa'y pumapalyang bus, dyip o tren? — Hindi.

Sa huli, hindi man natamo nina Juan dela Cruz ang simpatya at aksyong hinihingi sa pamahalaan, naging malinaw sa nangyaring ito ang di maitatangging lumalalang problema sa transportasyon sa bansa. Nawa'y mamulat at huwag magbulag-bulagan ang gobyerno sa problemang ito at kagyat na kumilos upang matamo ng mamamayan ang kaginhawahang kanilang inaasam at mapatunayang may pinupuntahan ang buwis na kanilang binabayaran.