Notes

ساء الخير،
هو انتي اتصرفتي صح جدًا في الهدية ال جبتيها دي، لفتة كويسة يعني،
أنا شايف من كلامك إن فيه حدود كبيرة بينكم لدرجة مش عارفين تواجهوا بعض ب واقعكم، بالنسبة لانه يركز معاكي ف الكام يوم ال بتقولي عليهم دول ف المفروض يتقبلك فيهم ويتعود عليكي بكل حالاتك ويكون راضي بكده وإلا هتتعبوا بعض يعني، ف دي أول حاجة لفتتني بصراحة بعيد عن الموضوع الأساسي هتكلم فيه ف الأخر، لازم تكونوا واضحين جدا مع بعض ف علاقتكم، مش منطقي كل حاجه تبقي ماشية بالمسطرة يعني، لازم تعاريج كتير، ده الطبيعي، بس لازم تتقبلوها وتواجهوها سوا، محدش يقف للتاني على حاجه يعني، انتم هتكملوا حياتكم سوا -ان شاء الله- فلازم تعملي حاجه ف النقطة دي يعني.
تاني حاجه:
المشكلة ال انتي باعتالي عشانها، ف انتي عاوزة تلفتي نظره لحاجة أساسية و جوهرية عشانه هو نفسه قبل ما يكون عشانك، هو حسب كلامك إنه مش مضغوط ولا حاجه يعني، وقولتي إن ده طبع مش انشغال مثلاً أو سهيان، ف الطبع بيبقي أثره عميق شوية ومحتاج مجهود عشان يتغير، الأول لازم هو يقتنع إن ده مش الصح وإنه لازم ياخد باله مثلاً، وف نفس الوقت انتي مش هتعرفي تكلميه بوضوح عشان محرجة أو خايفة تحرجيه،
ممكن تجيبيله هداية كل فترة تيشيرتات لطيفة بألوان مختلفة، بسعر مناسب طبعاً، وقوليله إنك حابة تشوفي كل يوم تيشيرت، ومثلاً ممكن تقوليله إن الجو ده مكتوم الأيام دي ولازم أحط سبراي كل يوم وبرفان، ايه رأيك اجبلك معايا؟ عشان ببساطة أما ده أفضل..
ممكن لو واخدين على بعض شوية ف وقت هزار تلمحيله إنه محتاج يكوي القميص أو يحط اسبراي عشان العرق بيبهدل القميص مثلاً، وإنه لو حطه ده هيساعد كتير وهيخلي القميص شيك اكتر..
ربنا يوفقكم ويسع