Notes

Zindagi ajib si hi chiz hai. jab aap ye sochne lgte ho ki han ab sab sahi hai, aapko jawab me zinagi puri ulat k dikha deti hai
bebasi kya hoti hai? woh ehsaas ho jaye jab aapko ki zindagi tabah hone k raste par nikal padi hai, par aap paband ho koi sawal jawab krne par. han chup ho kar bas apni tabahi ko gawah ban na hi bas bebasi hai
Par ab kya karu, wada kar lia tha khudse bhi or us se bhi ki tumhari kamyabi ka hissa banu na banu tumhare sangharsh me tmhra sath bakhubhi nibhaungi, fir chahe tumhre sangharsh k din muje puri tarah se tod hi kyu na de., fir chahe ye din mujhe tumhri kamyabi ka hissa ban ne layak rehne ki paristhithi me bhi na chode
Maine apne aap me jeena seekh lia tha, khudko khush kese rkhte hai ye karigari bhi jaan li th or bakhubi pehchaan bhi li thi. Par na fir tum aa gaye, or dhire dhire tumne meri zimmedari mere kandho pr se hatha k khudke kandho par rkh li, me bhi bekhauf behichak behisaab tum pr apne aap ka bojh daal k chain se jeene lagi.
par wahi na, zindagi, use toh apko ye batana hai hi ki woh aapko chala rahi hai aap use nahi, kese ye taya kr skte ho ki ab sab sahi hai
Tumhre sapne, jinka hissa me bhi th kabhi woh kab dhire dhire tumhre apne sapne me badalne lage, or ek din fir tumne mujhse kaha ki kar lo aankh band krk vishwas agar tum kar sakti ho toh, jo bhi kar raha hu humare liye kar raha hu.
mene bhi jawab me tumhe ye kaha ki bas itna hi chaiye tha toh pehle hi maang lia hota, bas itni si baat ye toh bahut asan hai mere liye, kyuki vishwas pr vishwas krna bhi toh tumne hi sikhaya tha muje
fir, fir kya tha mene tumhe ek vada or kar liya or chal padi khudki barbaadi ki or
arey, tum jis hum ki baat kar rhe th uss hum ka hum rehna bhi toh zaruri tha. kyuki tum toh tum ho hi chuke th apne kaam me, apne sapno me, apni zimmedario me uljhe hue har waqt, waqt se ladte hue or mai, mai tumhare intezaar me jabke dil k kisi kone me mai janti thi ki iss sapne k pure hote hote hum, hum se bht dur ho jaege ye hum, tum or mai hokar reh jaega. Uss waqt chahti thi tumhe kehna ki suno, mat lo ye vaada mujhse kyuki vaada karne k baad me chah kar bhi koi sawal nahi karungi tumse or ye rasta nikal jane k baad tum chah kar bhi koi jawab nahi maang paoge mujhse. Par nahi, ek vada toh mene bhi kia tha na khudse yei ki tmhri kamyabi ka hissa me banu na banu tmhre sangharsh me mai tumhre sath rahungi.
Toh bas tumhe dil se tumhari kamyabi ki dua dete hue ab chup ho jati hu, kyuki usk tumhari zinagi me aane ke baad muje tumhri zindagi se alvida lena hoga.