Notes

ممكن اقولك ع قصة و بعدين نشوف بعدها اذا كنتي عندك رغبة فعلا تعرفي مين، هل عمرك جالك شعور تملكك مجرد لرؤيتك لشخص لأول مرة ان فيه حاجة في الشخص ده بتناديك تعرفه بدون سبب؟ و تملكك احساس شديد انك عندك فضول تجاه الشخص ده بالذات بدون اي مقدمات او معرفة؟ طب عمرك مشيتي ورا حدسك ده و اكتشفتي انك مندمتيش للحظة انك مشيتي وراه؟ و تحول الفضول الشخصي من مجرد فضول للمعرفة لأكبر تعلق نفسي في حياتك بيسيطر عليكي طول الوقت؟ طول اليوم؟ شاغل تفكيرك دايما حتى في نومك و احلامك مش سايبك و في نفس الوقت انت واقف مكتوف الايدين بالشعور ده لا تملك شيء تعمله غير الصبر و شوية دعوات يمكن.. القصة عن شخص بيحمل جوا نفسه كلام كتير محتفظ به لنفسه و بيحاول يقفل عليه بأقصى قوة ممكنة لكن مع ذلك انفلت منه التحكم و لقى نفسه مش قادر فعلًا، لحظة تحول حياتك إلها تعلقها بشخص واحد بتشوف مفهوم السعادة عن طريقه، مش عارف هل جربتي ان يكون وجودك فقط لوحده بدون فعل اي شيء كافي لاجتذاب قلب شخص و جعله يدق بسعادة لأقصى درجة لمجرد حاجة بسيطة أن اليوم يعدي و هو ملتقط ليكي صورة بعينه بيحتفظ بيها في ذهنه و بتفضل متعلقة معاه لوقت طويل جدًا و يفضل شايفها قدامه في كل حاجة بيعملها، تعرفي ازاي ان مجرد تفاصيل يومك، كلامك مع حد، هزارك او حتى ضحكتك و ابتسامتك مجرد اي تصرف تلقائي عفوي بتقوم بيه هي الذكرى الي مش بتفارق الشخص ده لما يحب يسترجع شكلك لما تختفي لفترة طويلة؟ تعرفي ازاي ممكن شخص يتابعك بكل شغف من بعيد بدون ما يظهر ابدًا في الصورة و هو في نفسه بيتفاعل مع كل حاجة بتعمليها، لحظات فرحك و هو قد ايه بيكون سعيد بيها بدون ان يتواجد فيها حتى، لحظات حزنك و امنياته انه لو يقدر يشاركك جزء منها! كتاباتك و تعبيرك عنها و قد ايه بيستمتع بيها، كل شيء ممكن تعمليه في حياتك بيكون له شعور معين عنده.. هل علمتي بلحظات الفخر الذاتية اللي بيحسها شخص لما بيشوف حد بيتكلم عنك و بيشكر فيكي و بيوصف قد ايه انتي شخص مثالي هو بيشوف كل ده نفسه يقول بكل فخر انه فرحان ان كل المشاعر دي متوجهة لشخص مثالي زي ده.. طب جربتي انك لما تحبي تكتبي تلاقي نفسك بتكتبي عن شخص بدون حديث بينكم بدون سابق كلام لكن رغم كل ده بتحس انك عارفه و عارفه جدًا لكن في حيطة عازلة بينكم دايما حيطة انت بتشوفه من وراها لكن ممكن هو ميكونش شايفك من عندها و رغم ذلك لا يتملكه اي شعور باليأس او الملل من ده، لأن ده الشيء الوحيد اللي بيبقيه سعيد في الدنيا لما بيفتكر ان في شخص ما في هذا الكون بكل الصفات الجميلة اللي ممكن يتخيلها مجتمعة مع بعض شخص ما كان محظوظ بشكل كافي انه يسمع عنه حتى لو مش بيقدر يعبرله عن ده كفاية انه بيقدر يترقبه من بعيد، هل من الممكن ان تتخيلي ان فيه شخص في الكون قادر على اسعاد شخص لمجرد وجوده فقط، بدون فعل شيء بدون كلمة بدون تعامل فقط وجوده قدامه كفيل بكل ده، فقط لمجرد كونك انتِ و تصادف وجودك مع شخص ممكن متكونيش عارفه عنه حاجة لكنه بيحس دايما انه عارفك بشكل ما قد لا اقدر على تفسيره، انا مين؟ انا شخص بيحبك، بيحبك لدرجة قد لا يعقلها اي حد يسمع قصته و ازاي قدر يتعلق بالشكل ده بحد بدون ما يتعامل معاه، شخص قد لا توفيه كلمة بيحبك بالمشاعر اللي بيحسها ناحيتك دايما طول الوقت، اللي وصلت لدرجة انه معدش احيانا بيعرف يتحكم في مشاعره و بقى بيبان عليه بشكل ساذج، بيحاول دايما ان يكتم على مشاعره اتجاهك و يحتفظ بيها بيحاول دايما يكون في صمت و يشاركك كل اللحظات دي بدون ما تشعري بيها بدون ما تحسي ان فيه حد متعلق بيكي بالشكل ده و يهمه امرك، و رغم كل محاولاته اصابه العجز انه يقدر يستمر في كده لانه مش قادر يتخيل نفسه بيشوف شخص زيك ممكن يختفي من قدامه فجاة بعد وقت ما بدون ما يكون اخد اي خطوة اتجاها، لكن رغم كل ده بيتملكه كل المخاوف هو لا يعرف شيء غير انك تعرفينه اسمًا و هو مش عارف اذا ممكن في يوم من الايام تحسي و لو بقدر من المشاعر دي تجاهه بيخاف يكون طرف خاسر و راهن على حاجة مش ملكه و في نفس الوقت هو مش عارف يعمل ايه و مش عارف ايه التصرف اللي ممكن يعمله، نظرته للحياة دايما مش مساعداه ابدا لانه مشافش منها حاجات حلوة كتير بس انتي اكتر حاجة حلوة شافها و مش عارف يوصلها ازاي، هو حاسك بعيدة جدا عنه و نفسه يعمل اي حاجة عشان يوصلك لكن مش دايما كل وصول مضمون نتايجه، كل اللي بيتمناه انه يحس بالامل يحس انه لو خد قرار تجاهك مش هيرجع خائب الظن او مكسور النفس و لكن مع ذلك هو مش عنده اي استعداد انه يفرط فيكي يمكن لو تطلب الامر دخول معركة فهو هيكون سعيد و هو داخلها لأنه معندوش استعداد يفرط بمشاعر حبه ليكي بسهولة لانه متاكد انه لو فرط فيها هيعيش باقي عمره ندمان عليها، انا انسان بيحبك لاقصى درجة و مش ندمان انه حبك ولا هيندم بغض نظر عن اللي هيحصل في المستقبل حتى لو مكنتيش له فهو متاكد انه مش ندمان على اختياره ليكي لأنك احسن حاجة شفتها في حياتي و رغم كل كلمة كتبتها لا يكفيني اي كلام لوصف انا بحس تجاهك بايه، ممكن كلامي ده يقابله رفض منك عادي و انا متوقع ده، انا معرفش انتي متوقعة انا مين ولا لا بس انا متذكر مقولة جلال الدين الرومي ، " وإن لم تفتح لي الباب فأنا مقيم على أعتابك"، اعتقد اني هفضل مقيم على اعتابك بدون ملل او تعب ووقت لما تحبي تعرفي انا مين مش محتاجة غير انك تبصي من الباب ده هتلاقيني موجود دايما منتظرك بكل شغف و بكل مشاعر الحب اللي بحملها ناحيتك من قلبي يا داليا، لربما ينصفني القَدَر بقَدْرٍ من حبي لكٍ.