Notes
Notes - notes.io |
هتكلم عن ادعاءات التنمية البشرية واحده واحده وهرد عليها، وبعد كده هنتقل للأشخاص اللي بيتكلموا باسمها مع العلم إن المفروض انتقد الفكرة مش صاحبها، بس صاحب الفكرة هنا ليه عامل كبير فعشان كده هتكلم عنه..
أول ادعاء وأتقل ادعاء التنمية البشرية وصفته انها علم، عشان حاجه تتوصف إنها علم لازم شروط كتير .. عشان العلم فيه ميزة إنه بيصلّح نفسه بنفسه، لازم يتطبق عليها المنهج العلمي .. ونبدأ بيعني ايه منهج علمي.
المنهج العلمي أو الScientific method هي مجموعة خطوات بتتعمل على أي ظاهرة عشان تفسّرها .. بدايةً من ملاحظة الظاهرة دي ووضع تفسيرات كتير ليها، لحد اختبار التفسيرات دي، كمثال شفت تفاحة وقعت على الأرض .. سألت نفسي ايه وقّع التفاحة دي وايه بيخلي الحاجات تقع؟ حطيت مجموعة تفسيرات او زي مابيقولوا Hypothesis .. وبعدين هخضع التفسيرات دي ونواتجها للاختبار، بإني اسلّم التجربة لشخص ميعرفش حاجه عن أفكاري، واطلب منه يعمل حاجه ويقولّي النتيجة ايه ... بس مجيش بنفسي انا اقوله النتيجة هتبقى كذا لأن بكده هيبقى متوقع نتيجة وده هيأثر على مصداقية العملية كلها .. وبعد مالنتايج تطلع يبدأوا يخضعوا التفسير ده لحاجات تانية كمحاولة إنهم يثبتوا غلط التفسير .. ولو فشلوا يبقى التفسير صح، بيحاولوا يبعدوا أي عوامل خارجية، بيحاولوا يتأكدوا ان الموضوع مش صدفة .. لأ ده 100% صحيح .. وحتى بعد ده كله ممكن قدام يرفضوا النظرية خالص في مقابل نظرية أحسن .. وهنا تظهر ميزة العلم الكبيرة، مش لازم تؤمني بالعلم او تصدقيه .. ممكن تخشي المعمل وتعملي التجربة بنفسك وتشوفي النتيجة وتتأكدي بنفسك إن الكلام صح، من أول واصغر نظرية لحد نظرية الانفجار العظيم اللي كوّنت الكون
السؤال بقى، هل ده ينطبق على التنمية البشرية؟ هل لو اتبعت الخطوات المكتوبة في الكتب اللي غالباً بتبقى كلها شبه بعض هحقق النجاح المطلوب حتى وأنا مش مؤمن بالتنمية البشرية؟ هي الطاقة الإيجابية أو السلبية قابلة للقياس؟ قابلة للمراقبة؟ هل حاولوا بالتجربة يشيلوا أي عوامل أو صدف تسبب في النتايج؟ لأ
التنمية البشرية زي أي علم زائف أو Pseudoscience بتعتمد على كلام مبهم غير قابل للاثبات أو النفي .. وحاجات سهل أوي تتربط بإنها مجرد صدفة وبينسبها لنفسه .. بيتكلم عن خرائط ذهنية وقوات كامنة جوا الإنسان مالهاش وجود .. بس ده كله مفهوش مشكلة، لحد دلوقتي مفيش ضرر مهول من وراه، بس الضرر الحقيقي لسه متكلمتش فيه
كنت بقرا عن قانون الجذب .. اللي حسب علمي اتذكر في كتاب The Secret .. بيربط بين مابين قانون الجذب ومابين observer's effect في ميكانيكا الكم ... اللي بيتكلم عن حاجه بتحصل للأجسام اللي اصغر من مكونات الذرة نفسها .. التأثير ده المفروض ان لما بنراقب الجسيمات دي بتتصرف بطريقة مختلفة عن لما منراقبهاش .. وبيقولوا ان ده بسبب قانون الجذب .. مع إن الموضوع مالوش أي اساس .. وإن المراقبة مبتتمش بالعين المجردة لكن بأجهزة عملاقة .. يعني العين المجردة مبتعملش حاجه ولا بتغير حاجه في الجسيمات دي .. يبقى اللي التنمية البشرية عملته هنا هو تشويه للعلم .. مكتفتش بادعاء العلم ولكن انتقلت لتشويهه .. وهنا ارجع لمقولة جورج بيرنارد
حاجه كمان، محاولة بعض الإسلاميين الربط بين التنمية البشرية كعلم ومابين الدين كصورة من صور الإعجاز العلمي دي أكبر مصيبة تتعمل في التاريخ! زي اللي ربطوا مابين قانون الجذب وحديث "تفاءلوا بالخير تجدوه" وبيقولوا ان الرسول سبق العلماء في قانون الجذب، ما بالك لو قانون الجذب طلع غلط! ليه تحط الدين في النقطة دي؟!
النقطة اللي بعدها، محاولة ربط التنمية البشرية بعلم النفس (اللي أصلاً بيحارب عشان يتقال عليه علم ومش علم مزيّف) بالخرايط الذهنية وعلم الأعصاب ويقول ان الانسان بيستخدم 10% بس من دماغه ولو حاول هيستخدم أكتر وكلام من ده اللي كله في الهوا، والحقيقة اننا بنستخدم 100%
آخر حاجه بقى .. مؤسس علم التنمية البشرية .. غالباً غطّيت كل مصايبه في اللي كتبته في الآسك إف إم .. بس نسيت نقطة انه بيسرق اجزاء من محاضراته كتير من كلام ناس تانيين من غير ما ينسب الفضل ليهم، زي مثلاً في محاضرة خد موقف حصل لStand up comedian ونسبه بالكامل ليه وغيّر الأسماء وحط اسماء اهله وانه هو اللي عاش الموقف ده عشان يضحّك الجمهور .. وفي اجزاء كبيرة من كتبه مسروقه، ده حتى آخر تويت كتبها قبل مايموت كانت مسروقه!!
ومعظم الكتاب او المدربين دول بيدوروا عالفلوس بس، بدليل إن .. طب لما انت عارف طرق النجاح أوي كده فين نجاحك قبل ماتبقى مدرّب؟! انت نجحت بس عشان خدت فلوس من "تدريبك" ده!
في سلسلة مقالات لسه هتتعمل عن العلوم المزيفة لو حبيتي تتابعيها .. ده أول مقال http://syr-res.com/article.php?id=1068 .. ده اللي في دماغي دلوقتي
|
|
Notes.io is a web-based application for taking notes. You can take your notes and share with others people. If you like taking long notes, notes.io is designed for you. To date, over 8,000,000,000 notes created and continuing...
With notes.io;
- * You can take a note from anywhere and any device with internet connection.
- * You can share the notes in social platforms (YouTube, Facebook, Twitter, instagram etc.).
- * You can quickly share your contents without website, blog and e-mail.
- * You don't need to create any Account to share a note. As you wish you can use quick, easy and best shortened notes with sms, websites, e-mail, or messaging services (WhatsApp, iMessage, Telegram, Signal).
- * Notes.io has fabulous infrastructure design for a short link and allows you to share the note as an easy and understandable link.
Fast: Notes.io is built for speed and performance. You can take a notes quickly and browse your archive.
Easy: Notes.io doesn’t require installation. Just write and share note!
Short: Notes.io’s url just 8 character. You’ll get shorten link of your note when you want to share. (Ex: notes.io/q )
Free: Notes.io works for 12 years and has been free since the day it was started.
You immediately create your first note and start sharing with the ones you wish. If you want to contact us, you can use the following communication channels;
Email: [email protected]
Twitter: http://twitter.com/notesio
Instagram: http://instagram.com/notes.io
Facebook: http://facebook.com/notesio
Regards;
Notes.io Team
